Chery Fulwin T11 EREV ကို တရုတ်ပြည်တွင် ကန်ဒေါ်လာ ၂၈၀၉၀ ဖြင့် pre-sale စတင်ရောင်းချပေးနေပြီး အောက်တိုဘာလကုန်တွင် တရားဝင်စတင်မိတ်ဆက်မည်

Chery သည် ၎င်း၏ extended-range SUV မော်ဒယ်သစ်ဖြစ်သော Fulwin T11 EREV ကို pre-sale စတင်ရောင်းချပေးလာသည်။

ထိုမော်ဒယ်တွင် variant ၄ မျိုးလာပြီး ဈေးတန်းမှာ ယွမ် ၁၉၉၉၀၀ မှ ၂၆၄၉၀၀ ကြား (ကန်ဒေါ်လာ ၂၈၀၉၀ မှ ၃၇၂၉၀ ကြား) ရှိသည်။အောက်တိုဘာ လကုန်ပိုင်းတွင် တရားဝင်စတင်ရောင်းချပေးမည် ဖြစ်သည်။

((Chery Fulwin T11 EREV ၏ Variant များ))

● 220 RWD Boya Giant Screen Edition= ယွမ် ၁၉၉၉၀၀ ၊ ဒေါ်လာ ၂၈၀၉၀
● 220 RWD Dual Imax Cinema Edition = ယွမ် ၂၁၉၉၀၀ ၊ ဒေါ်လာ ၃၀၈၉၀
● 220 AWD Dual Imax Cinema Edition = ယွမ် ၂၄၃၉၀၀ ၊ ဒေါ်လာ ၃၄၂၆၀
● 220 AWD Family Package Edition = ယွမ် ၂၆၄၉၀၀ ၊ ဒေါ်လာ ၃၇၂၉၀

((Compiled by CarNewsChina))

Fulwin T11 သည် six-seat flagship SUV ဖြစ်ပြီး ထိုင်ခုံအခင်းအကျင်းမှာ 2+2+2 ပုံစံ ဖြစ်သည်။

အရွယ်အစားမှာ 5,205/ 1,998/ 1,800 mm ရှိကာ wheelbase မှာ 3,120 mm ဖြစ်သည်။

ADAS စနစ်အတွက် အမိုးပေါ်တွင် LiDAR တစ်ခု ပါဝင်သည်။အရောင် ၆ ရောင်လာပြီး Aurora Green, Cloud Blue, Moon Shadow Grey, Ink Black, Sand Gold နှင့် Rouge Red တို့ ဖြစ်သည်။Sand Gold နှင့် Rouge Red တို့မှာ ဆေးရောင်အတွက် ထပ်ဆောင်း အခကြေးငွေ ပေးဆောင်ရမည် ဖြစ်သည်။

လက်မ ၃၀ ရှိသော integrated screen မှာ ဒက်ရှ်ဘုတ်တစ်ခုလုံးတွင် ဖြန့်ကျက်ထားပြီး front passenger နေရာအထိ ရောက်သည်။

၁၀ ဒသမ ၂၅ လက်မ instrument display နှင့် ၁၇ ဒသမ ၃ လက်မ rear ceiling screen တို့လည်း ပါဝင်သည်။

အတွင်းပိုင်းအရောင်မှာ Tourmaline Black, Amber Brown (သို့မဟုတ်) Ivory White ဖြစ်နိုင်သည်။

T11 တွင် 1.5-litre turbocharged အင်ဂျင်ကို range-extender အဖြစ် သုံးထားပြီး လျှပ်စစ်မော်တာ ၁ လုံး (သို့မဟုတ်) ၂ လုံး ပါမည်ဖြစ်သည်။နောက်ယက်ဗားရှင်းမှာ ပါဝါအား 195 kW ထွက်ပြီး အမြန်နှုန်း တင်နိုင်စွမ်းအနေဖြင့် 0–100 km/h မြန်နှုန်းကို ၉ ဒသမ ၃ စက္ကန့်အတွင်း ရနိုင်သည်။4WD ဗားရှင်းတွင် စုစုပေါင်းအထွက်အား 345 kW ရှိပြီး ရုန်းအားမှာ 634 Nm ရှိသည်။ထိုဗားရှင်း ၂ မျိုးလုံးတွင် လီသီယမ် အိုင်းယွန်း ဖော့စ်ဖိတ် ဘက်ထရီသုံးထားသည်။နောက်ယက်တွင် 33.68 kWh ဘက်ထရီဖြစ်ပြီး 4WD တွင် 39.92 kWh ဘက်ထရီသုံးထားကာ လျှပ်စစ်သီးသန့်ဖြင့် မောင်းနိုင်သည့် CLTC range မှာ ကီလို ၂၂၀ ဖြစ်သည်။

စုစုပေါင်းမောင်းနိုင်မည့် combined range မှာ ကီလို ၁၄၀၀ ဖြစ်သည်။အားသွင်းကြာချိန်မှာ ၃၀ မှ ၈၀ ရာခိုင်နှုန်းအထိရရန် မိနစ် ၂၀ ဖြစ်သည်။

(ဆက်စပ်သတင်းများ)

Chery က ကီလို ၁၄၀၀ range ရှိသော Fulwin T11 EREV SUV ကို အောက်တိုဘာ ၁၃ ရက်တွင် pre-sale စတင်ရောင်းချပေးမည်

https://www.carsdb.com/my/news/1363

Chery က Fulwin X3 နှင့် X3 Plus လျှပ်စစ် off-road SUV မော်ဒယ်သစ်များကို ကန်ဒေါ်လာ ၁၂၅၀၀ ဖြင့် စတင်ရောင်းချပေးလာ

https://www.carsdb.com/my/news/1283

(CarsDB Team မှ ရေးသား ဖော်ပြသည်။)

Credit: CarsDB.com

Ref: Chery Fulwin T11 EREV, six-seat SUV with 1,400 km range, starts pre-sale in China from 28,090 USD (carnewschina)