၁ ဒသမ ၅ ကီလိုမီတာ ကျယ်သော ယန်စီမြစ်ကြီးကို ဖြတ်သန်းမောင်းနှင်ပြလာသော Chery ထုတ် Jetour Zongheng G700

Chery ထုတ် Jetour Zongheng G700 သည် ယန်စီမြစ်ကြီးကို အောင်မြင်စွာ ဖြတ်သန်းမောင်းနှင်ပြနိုင်သည့် ပထမဆုံး SUV ဖြစ်လာသည်။

တရုတ်ပြည်၊ အန်းဟွေ့ပြည်နယ်၊ ဝူဟူမြို့ရှိ Heisha Zhou သင်္ဘောဆိပ်တွင် အောက်တိုဘာ ၁၆ ရက်က ယန်စီမြစ်အား ဖြတ်ကူးခဲ့ခြင်းဖြစ်သည်။

ဝူဟူမြို့သည် Chery ရုံးချုပ်စိုက်သည့်နေရာ ဖြစ်သည်။

တရုတ်ပြည်၏ ရေစီးအသန်ဆုံး ယန်စီမြစ်ကြီးကို ၁၄၈၀ မီတာ ဖြတ်သန်းမောင်းနှင်ရာတွင် ၂၂ မိနစ် ကြာမြင့်ခဲ့သည်။ရေစီးအားမှာ တစ်နာရီလျှင် ၅ ကီလိုမီတာမှ ၁၀ ကီလိုမီတာနှုန်းခန့် ရှိသည်။

Jetour Zongheng G700 မှာ ယန်စီမြစ်ကြီးကို ဖြတ်သန်းစဉ် ကာလတစ်လျှောက်လုံး တည်တည်ငြိမ်ငြိမ်ရှိနေခဲ့ပြီး 7kmph မြန်နှုန်းဖြင့် မောင်းနှင်ခဲ့ကာ နောက်ဆုံးတွင် Nanlong သင်္ဘောဆိပ်သို့ အောင်မြင်စွာ ရောက်ရှိသွားသည်။ Jetour Zongheng G700 ၏ ကိုယ်ထည်မှာ အပေါက်လုံးဝမပါချေ။ ကားအတွင်း active air circulation system နှင့် 800V high-voltage ဆီလီကွန် ကာဘိုက် မြန်နှုန်းမြင့် တွန်းကန်အားစနစ် ပါဝင်သည်။6-axis gyroscope ဖြင့် ရေထဲတွင် ဖြတ်သန်းစဉ်အတွင်း ကားကို ဟန်ချက်ထိန်းပေးထားသည်။

Luxury hybrid off-road ကားဖြစ်သော Zongheng G700 ကို အောက်တိုဘာ ၁၉ ရက်တွင် စတင်မိတ်ဆက်ရန် စီစဉ်ထားသည်။ရွေးချယ်စရာ trim ၄ မျိုးရှိမည်ဖြစ်ပြီး pre-sale ရောင်းချပေးမည့် ဈေးတန်းမှာ ယွမ် ၃၄၉၉၀၀ မှ ၄၂၉၉၀၀ ကြား (ကန်ဒေါ်လာ ၄၉၀၀၀ မှ ၆၀၂၀၀ ကြား) ရှိသည်။

2.0TD hybrid-specific အင်ဂျင်သုံးထားပြီး အထွက်အား 155 kW နှင့် ရုန်းအား 340N•m ရှိသည်။ 800V architecture ဖြင့် ထုတ်လုပ်ထားပြီး ဂီယာမှာ 2-speed DHT hybrid ဖြစ်သည်။4C dual-layer ဘက်ထရီစနစ်သုံးထားပြီး မော်တာမှာ 2-speed P4 ဖြစ်သည်။စုစုပေါင်းအထွက်အား 560 kW (751 hp) နှင့် ရုန်းအား 795N•m ရှိကာ မောင်းနိုင်သည့် range မှာ ကီလို ၁၄၀၀ ဖြစ်သည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref: Chery’s Jetour Zongheng G700 becomes first SUV to cross the 1.5 km wide Yangtze River  (carnewschina)