ပင်မစာမျက်နှာ
ကားသတင်းများ
Changan က ၁ စက္ကန့်အားသွင်းလျှင် ၁ ကီလိုမောင်းနိုင်သည့် 6C ဘက်ထရီသုံး Nevo A06 ဆီဒင်ကို စတင်ချပြလာ ၊ BEV နှင့် EREV ဟု variant ၂ မျိုးလာမည်

Changan က ၁ စက္ကန့်အားသွင်းလျှင် ၁ ကီလိုမောင်းနိုင်သည့် 6C ဘက်ထရီသုံး Nevo A06 ဆီဒင်ကို စတင်ချပြလာ ၊ BEV နှင့် EREV ဟု variant ၂ မျိုးလာမည်

23 views

Changan သည် ၎င်း၏ မော်ဒယ်သစ် Nevo A06 ဆီဒင်ကို တရားဝင်ချပြလာသည်။ Nevo A06 တွင် BEV နှင့် EREV ဟူ၍ variant ၂ မျိုးရနိုင်မည်ဟု ဆိုသည်။

Nevo A06 တွင် 6C ဘက်ထရီကို သုံးထားသည်။ ထိုဘက်ထရီသည် ၁ စက္ကန့် အားသွင်းလျှင် ၁ ကီလိုမီတာ မောင်းနိုင်သည့်အား ရရှိကြောင်း တရားဝင်ထုတ်ပြန်ထားသည့် ဘက်ထရီဖြစ်သည်။

၂၀၂၅ နှစ်ကုန်ပိုင်းတွင် ဈေးကွက်သို့ ဝင်ရောက်လာမည်ဟု ခန့်မှန်းထားသည်။

Nevo A06 ၏ အရွယ်အစားမှာ 4885/1916/1496 mm (l/w/h) ရှိပြီး wheelbase မှာ 2922 mm ဖြစ်ကာ Changan ၏ SDA (Super DNA) platform ဖြင့် ထုတ်လုပ်ထားသည်။

အမိုးပေါ်တွင် LiDAR ၁ ခု၊ millimeter-wave ရေဒါ ၃ ခု၊ ultrasonic ရေဒါ ၁၂ ခု၊ ကင်မရာ ၁၁ လုံး ပါဝင်ပြီး level 2 အဆင့် ADAS စွမ်းဆောင်ရည် ရှိသည်။

၂၂၅၈ မီလီမီတာ ရှည်လျားသော ရှေ့မီးကြီးကို LED ၂၃၆ လုံးဖြင့် ဖွဲ့စည်းထားပြီး ပြုံးနေသောမျက်နှာဟန် ပုံဖော်ထားသည်။

Full body view.

BEV variant တွင် high-power ဗားရှင်းနှင့် Low-power ဗားရှင်းဟု ၂ မျိုးရနိုင်သည်။

High-power ဗားရှင်းတွင် အထွက်အား 210 kW (282 hp) ရှိသော လျှပ်စစ်မော်တာကို သုံးထားပြီး low-power ဗားရှင်းတွင်မူ 120 kW (161 hp) အားရှိသော မော်တာကို သုံးထားသည်။

လီသီယမ် အိုင်းယွန်း ဖော့စဖိတ် ဘက်ထရီများသုံးထားပြီး ရွေးချယ်စရာ ၃ မျိုးရှိရာ 42.12 kWh, 51.48 kWh နှင့် 63.18 kWh ဘက်ထရီများဖြစ်ပြီး CLTC range အနေဖြင့် ၄၂၀ ကီလို၊ ၅၁၀ ကီလိုနှင့် ၆၃၀ ကီလိုဟု အစားစား ရှိသည်။

Full body view.

High-power ဗားရှင်းတွင် 0 to 60 km/h အမြန်နှုန်းကို ၆ စက္ကန့်အတွင်း ရနိုင်သည်။

EREV variant တွင်မူ 1.5L naturally aspirated အင်ဂျင်ကို range-extender အနေဖြင့် သုံးထားပြီး အထွက်အားမှာ 72 kW (97 hp) ရှိသည်။ ထို variant တွင် 120 kW အားရှိသော မော်တာနှင့် 28.39 kWh ဘက်ထရီတို့ သုံးထားပြီး လျှပ်စစ်သီးသန့်ဖြင့် မောင်းလျှင် ၁၈၀ ကီလို မောင်းနိုင်မည် ဖြစ်သည်။

Front view.

6C အမြန်အားသွင်းစနစ်ဖြင့်ဆိုလျှင် ၃၀ မှ ၈၀ ရာခိုင်နှုန်းအထိ ရရန် ၉ မိနစ်သာ ကြာမြင့်ပြီး ၁၀ ရာခိုင်နှုန်းမှ ၈၀ ရာခိုင်နှုန်းကို အားသွင်းလျှင် ၁၂ မိနစ်ဖြစ်သည်။