ချန်ဒူး ကားပြပွဲကြီးတွင် Chery QQ3 လျှပ်စစ်ကားကို စတင်မိတ်ဆက် ၊ QQ series ပြန်လာပြီ

တရုတ်ပြည်တွင် ကျင်းပလျက်ရှိသော ၂၀၂၅ ခုနှစ်၊ ချန်ဒူး ကားပြပွဲကြီးတွင် Chery က QQ3 လျှပ်စစ်ကားကို စတင်မိတ်ဆက်လာသည်။

(ဆက်စပ်သတင်း)

သြဂုတ် ၂၉ ရက်တွင် စတင်ကျင်းပမည့် ချန်ဒူး နိုင်ငံတကာ ကားပြပွဲကြီးအကြောင်း

https://www.carsdb.com/my/news/1287

တရားဝင်ရောင်းချမှုမှာမူ အစောဆုံးအနေဖြင့် ယခုနှစ်ကုန်ပိုင်းတွင် ဖြစ်ဖွယ်ရှိသည်။QQ3 ၏ တိုက်ရိုက်ပြိုင်ဘက်မှာ Geely Geome Xingyuan hatchback ဖြစ်သည်။QQ series ကို ၂၀၀၃ ခုနှစ်တွင် စတင်မိတ်ဆက်ခဲ့ချိန်က Chery သည် လူငယ်တို့၏ ပထမဆုံးကားအဖြစ် ရပ်တည်ခဲ့သည်။ယင်းနောက်ပိုင်း Chery သည် Chery QQ3, QQ6 နှင့် QQme တို့ကို ဆက်တိုက် မိတ်ဆက်ခဲ့သည်။

၂၀၀၅ ခုနှစ်တွင် Chery QQ series ၏ လစဉ်ရောင်းအားမှာ အစင်းရေ ၁၀၀၀၀ ကျော်ရှိခဲ့ပြီး ၂၀၁၁ ခုနှစ်သို့ ရောက်သောအခါ အစင်းရေ ၁ သန်းကျော် ရောင်းချထားရပြီး ဖြစ်သည်။ယင်းနောက်ပိုင်း အဆက်မပြတ် မိတ်ဆက်ခဲ့သော မော်ဒယ်တို့မှာမူ ဈေးကွက်ပြိုင်ဆိုင်မှု ပြင်းထန်လာ သောကြောင့် ရောင်းအားနည်းပါးခဲ့ပြီး ၂၀၁၄ ခုနှစ်တွင် အဆိုပါ series ကို ဆက်လက် ထုတ်လုပ်တော့ခြင်း မရှိတော့ချေ။

ယခုနှစ် ဧပြီလ အစောပိုင်းတွင်မူ Chery က ရှန်ဟိုင်း ကားပြပွဲကြီးတွင် Chey QQ နမူနာကားသစ်ကို မိတ်ဆက်ကာ QQ series ကို ပြန်လည်အသက်သွင်းလာသည်။Chery QQ3 မော်ဒယ်သစ်အားလုံး၏ ရုပ်ထွက်မှာ အလုံးပုံစံဖြစ်ပြီး ဘဲဥပုံ ရှေ့မီးကြီးများ၊ running light strips များ ပါသည်။Taillight များမှာလည်း ရှေ့မီးကြီးများ၏ ဒီဇိုင်းနှင့် လိုက်ဖက်စေရန် ဘဲဥပုံ ပုံဖော်ထားသည်။

Wheelbase မှာ 2700 mm ရှိပြီး အလျား 4200 mm ရှိသည်။ C-pillar တွင် QQ logo ကို တွေ့ရသည်။ နောက်ပိုင်းတွင် လျှပ်စစ်မော်တာတစ်လုံး သုံးထားပြီး အထွက်အား 90 kW (121 hp) ရှိသည်။ဘက်ထရီ capacity နှင့် range ကိုမူ မသိရသေးချေ။

ကားအတွင်းခန်းတွင် ဘဲဥပုံ လေအေးပေးပေါက်များ၊ ထောင့်မှန်စတုဂံပုံ instrument panel ၊ ၁၅ ဒသမ ၆ လက်မ 2.5K floating central control screen တို့ ပါဝင်ပြီး Qualcomm Snapdragon 8155 chip ကို သုံးထားကာ AI voice assistant လည်း support ပေးထားသည်။

ထို့အပြင် အွန်လိုင်းမှတစ်ဆင့် ဆော့ဖ်ဝဲ အဆင့်မြှင့်တင်နိုင်မှု၊ 50W wireless charging ၊ CarPlay, HiCar နှင့် CarLink တို့ဖြင့် ဖုန်းနှင့် ချိတ်ဆက်နိုင်သည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref: All-new Chery QQ3 EV debuts in China as part of the QQ series revival