တရုတ်ပြည်တွင် မောင်းသူမဲ့ လယ်ထွန်စက်များ တီထွင်ထုတ်လုပ်လျက်ရှိ၊ AI နည်းပညာ၊ 5G စနစ်နှင့် ဂြိုဟ်တု လမ်းညွှန်စနစ်တို့ အသုံးပြုထား၊ လုပ်သားရှားပါးမှုကို ဖြေရှင်းရန် ထုတ်လုပ်ခြင်းဖြစ်

တရုတ်ပြည်တွင် AI နည်းပညာ၊ 5G ကွန်ရက်၊ ဂြိုဟ်တု လမ်းညွှန်စနစ်တို့ အသုံးပြုထားသည့် အလိုအလျောက် မောင်းနှင်စနစ်သုံး လယ်ထွန်စက်များ တီထွင်ကာ စိုက်ပျိုးရေးကဏ္ဍကို အဆင့်မြှင့်တင်လျက်ရှိသည်။

လယ်ယာကဏ္ဍကို ခေတ်မီအဆင့်မြှင့်တင်ရန်၊ စွမ်းဆောင်ရည်မြှင့်တင်ရန်နှင့် လယ်ယာကဏ္ဍတွင် လုပ်သားရှားပါးမှု ပြဿနာကို ဖြေရှင်းနိုင်ရန် ရည်ရွယ်ကာ ထုတ်လုပ်ခြင်းဖြစ်သည်။

■ ((အသုံးပြုထားသော အဆင့်မြင့် နည်းပညာများ))

အလိုအလျောက်မောင်းနှင်စနစ်သုံး လယ်ထွန်စက်တွင် အသုံးပြုထားသည့် နောက်ဆုံးပေါ် နည်းပညာများမှာ-

● AI နည်းပညာ= လယ်ထွန်ခြင်း၊ ပျိုးချခြင်းကဲ့သို့ အလုပ်များကို အချိန်နှင့်တပြေးညီ ဆုံးဖြတ်ချက် ချနိုင်စွမ်း ရှိသည်။
● 5G ကွန်ရက် ဆက်သွယ်မှု= လယ်ထွန်စက်များနှင့် ထိန်းချုပ်ရေးစင်တာများအကြား အချက်အလက်ပေးပို့မှု အလွန်မြန်ဆန်စေမည်။
● ဂြိုဟ်တု လမ်းညွှန်စနစ်= လမ်ကွင်းများအတွင်း တည်နေရာနှင့် ရွေ့လျားမှုကို ထိန်းချုပ်ပေးသည်။

အဆိုပါနည်းပညာများကြောင့် လူတစ်ဦးမှ မရှိဘဲ ၎င်းဘာသာ လယ်ထွန်ခြင်း၊ ပျိုးချခြင်းတို့ လုပ်ဆောင်နိုင်စွမ်းရှိရာ လုပ်သားအပေါ် မှီခိုနေရမှုကို လျှော့ချပေးနိုင်မည် ဖြစ်သည်။

■ ((စိုက်ပျိုးရေးကဏ္ဍအတွက် ရရှိလာမည့် အကျိုးကျေးဇူးများ))

မောင်းသူမဲ့ လယ်ထွန်စက်များ အသုံးပြုခြင်းအားဖြင့် အားသာချက်များစွာ ရရှိနိုင်ရာ-

● စွမ်းဆောင်ရည်မြင့်တက်လာခြင်း= အလိုအလျောက်စနစ်သုံး မောင်းသူမဲ့ လယ်ထွန်စက်ကြောင့် လယ်ယာလုပ်ငန်းခွင်ကိစ္စများ မြန်ဆန်လာမည်ဖြစ်ကာ ထုတ်လုပ်နိုင်စွမ်း မြင့်တက်လာမည်။
● ကုန်ကျစရိတ် လျှော့ချနိုင်ခြင်း= လုပ်သားစရိတ် နည်းပါးသွားမည်ဖြစ်ပြီး လူတို့ကြောင့်ဖြစ်ပေါ်သည့် အမှားအယွင်းများ လျှော့ချပေးနိုင်မည်။
● ဖြုန်းတီးမှု ကျဆင်းစေခြင်း= လုပ်ငန်းဆောင်ရွက်မှု တိကျသောကြောင့် သွင်းအားစုများ အချည်းနှီးဖြစ်ရမှုကို လျှော့ချပေးနိုင်သည်။

🔮 ((အနာဂတ် အလားအလာများ))

စိုက်ပျိုးရေးကဏ္ဍတွင် တီထွင်ဆန်းသစ်မှုများ ပြုလုပ်မည်ဟု တရုတ်အစိုးရက ကတိပြုခဲ့မှုမှာ မောင်းသူမဲ့ လယ်ထွန်စက် တီထွင်မှုက သက်သေပြနေသည်။

ယခု မောင်းသူမဲ့ လယ်ထွန်စက်များကို ပိုမိုအသုံးပြုလာကြကာ ပိုမိုအဆင့်မြှင့်တင်လာနိုင်သည်နှင့်အမျှ စိုက်ပျိုးရေးကို ခေတ်မီအသွင်ပြောင်းစေရေးအတွက် အရေးပါသော အခန်းကဏ္ဍတွင် ပါဝင်လာမည်ဟု မျှော်လင့်ရသည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref: China Develops Self-Driving Tractors Powered by AI, 5G, and Satellite Navigation (globaltimes)