Geely က Galaxy M9 SUV ကို သြဂုတ်လ ၂၄ ရက်မှစတင်ကာ pre-sale ရောင်းချပေးရာတွင် ၂၄ နာရီအတွင်း အစင်းရေ ၄၀၀၀၀ ကျော် ရောင်းချရ

Geely သည် ၎င်း၏ flagship မော်ဒယ်ဖြစ်သော Galaxy M9 PHEV ကို သြဂုတ်လ ၂၄ ရက်မှ စတင်ကာ pre-sale ရောင်းချပေးရာ ၂၄ နာရီအတွင်း အစင်းရေ ၄၀၀၀၀ ကျော် ရောင်းချရကြောင်း ယင်းကုမ္ပဏီက ထုတ်ပြန်ကြေညာသည်။

M9 သည် full-size plug-in hybrid SUV ဖြစ်ပြီး ဗားရှင်း ၆ မျိုးလာကာ ဈေးတန်းမှာ ယွမ် ၁၉၃၈၀၀ (ကန်ဒေါ်လာ ၂၇၀၄၀) မှ ယွမ် ၂၅၈၈၀၀ (ကန်ဒေါ်လာ ၃၆၁၀၀) ကြား ရှိသည်။

Galaxy ၏ lineup တွင် အကြီးမားဆုံးကားဖြစ်ပြီး six-seat အခင်းအကျင်းနှင့် ခရီးဝေးသွားနိုင်သော hybrid ကား လိုအပ်သူများအတွက် ရည်ရွယ်သည်။

((M9 ဗားရှင်း ၆ မျိုးနှင့် ဈေးနှုန်းများ))

Geely Galaxy M9 2WD – ၁၉၃၈၀၀ ယွမ် (၂၇၀၄၀ ဒေါ်လာ)
Geely Galaxy M9 2WD Smart – ၂၀၂၈၀၀ ယွမ် (၂၈၃၀၀ ဒေါ်လာ)
Geely Galaxy M9 2WD Long-range – ၂၀၉၈၀၀ ယွမ် (၂၉၂၇၀ ဒေါ်လာ)
Geely Galaxy M9 2WD Long-range Smart – ၂၁၇၈၀၀ ယွမ် (၃၀၃၉၀ ဒေါ်လာ)
Geely Galaxy M9 2WD Explore – ၂၃၆၈၀၀ ယွမ် (၃၃၀၄၀ ဒေါ်လာ)
Geely Galaxy M9 4WD Pilot – ၂၅၈၈၀၀ ယွမ် (၃၆၁၀၀ ဒေါ်လာ)

၂၀၂၄ ပေကျင်း ကားပြပွဲကြီးတွင် ပြသခဲ့သော Galaxy Starship နမူနာ ကားဒီဇိုင်းအတိုင်း M9 ကို ထုတ်လုပ်ထားခြင်း ဖြစ်သည်။

ရှေ့ပိုင်းတွင်  “Brilliant Galaxy” LED မီးတန်းဖြင့် ရှေ့မီးကြီးများကို ဆက်သွယ်ပေးထားကာ အမိုးပေါ်တွင် LiDAR sensor တစ်ခု ရှိသည်။

Geely Galaxy M9 ၏ အရွယ်အစားမှာ 5205/1999/1800 mm ဖြစ်ပြီး wheelbase မှာ 3,030 mm ရှိသည်။

Mercedes-Benz GLS နှင့်ယှဉ်လျှင် wheelbase မှာ ၄ မီလီမီတာမျှသာ တိုတောင်းသည်။

Geely Galaxy M9 တွင် ထိုင်ခုံ ၃ တန်းဖြင့် ဖွဲ့စည်းထားပြီး ၂+၂+၂ ပုံစံ ခင်းကျင်းထားသည်။

ထိုင်ခုံတိုင်းတွင် auto adjustment နှင့် အပူပေးစနစ်များ ပါဝင်သည်။

ရှေ့တန်းနှင့် ဒုတိယတန်းခုံများတွင် လေပေးပေါက်များနှင့် နှိပ်နယ်ပေးသည့် function တို့ ပါသည်။

ထို့အပြင် ခေါက်သိမ်းနိုင်သော စားပွဲ၊ 9.1-litre ကျယ်ဝန်းသော ရေခဲသေတ္တာနှင့် စပီကာ ၂၇ လုံးပါ Flyme Sound system တို့ ထည့်သွင်းပေးထားသည်။

Center console တွင် ၁၂ ဒသမ ၆၆ လက်မ အရွယ်အစားရှိသော ပါးလွှာသည့် LCD instrument panel ရှိသည်။

ထို့အပြင် လက်မ ၃၀ ရှိသော screen ကြီးတစ်ခုနှင့် နောက်ခုံတွင် လိုက်ပါသူများအတွက်  3K resolution ရှိသော ၁၇ ဒသမ ၃ လက်မရှိ ceiling-mounted monitor တစ်ခု ထည့်ပေးထားသည်။

(ဆက်စပ်သတင်း)

Geely က Galaxy M9 SUV ကို တရုတ်ပြည်တွင် ဒေါ်လာ ၂၇၀၄၀ ဖြင့် pre-sale စတင်ရောင်းချ

https://www.carsdb.com/my/news/1294

(CarsDB Team မှ ရေးသား ဖော်ပြသည်။)

Credit: CarsDB.com

Ref: Geely Galaxy M9 SUV exceeds 40,000 pre-sale orders within 24 hours in China (carnewschina)