ကမ္ဘာ့ပထမဆုံး မိုးပျံကား ယခုနှစ်ကုန်တွင် စတင်ရောင်းချပေးတော့မည်ဖြစ်ပြီး ဈေးနှုန်းမှာ ဒေါ်လာ ၁ သန်း နီးပါးရှိ

 မိုးပျံကားကို ဈေးကွက်သို့ ပို့နိုင်ရန် နိုင်ငံတကာမှ ကုမ္ပဏီများစွာ စိုင်းပြင်းလျက်ရှိရာတွင် ယခုအခါ Klein Vision ကုမ္ပဏီက ၎င်းတို့ထုတ်လုပ်ထားသော AirCar ဟု အမည်ပေးထားသည့် မိုးပျံကား စမ်းသပ်ပျံသန်းထားပုံ ဗွီဒီယိုဖိုင်ကို ထုတ်ပြန်လိုက်ပြီး ၂၀၂၆ ခုနှစ်၊ ဇန်နဝါရီလထဲတွင် စတင်ရောင်းချပေးမည်ဖြစ်ကာ ဈေးနှုန်းမှာ ဒေါ်လာ ၈၀၀,၀၀၀ ဖြစ်ကြောင်း ထုတ်ပြန်သည်။

AirCar သည် နာရီ ၁၇၀ စမ်းသပ်ပျံသန်းခဲ့ပြီးဖြစ်သည်။ ထို့အပြင် ပျံတက် သက်ဆင်းမှု အကြိမ် ၅၀၀ ကျော် စမ်းသပ်ထားပြီး ဖြစ်သည်ဟု ဆိုသည်။AirCar ၏ ပျံသန်းနိုင်သည့် range မှာ မိုင် ၆၂၀ ဖြစ်ပြီး 155 mph အမြန်နှုန်းဖြင့် ပျံသန်းနိုင်သည်။AirCar ကို Klein Vision က ဒီဇိုင်းရေးဆွဲ ထုတ်လုပ်ပြီး နှစ်ယောက်စီး ဖြစ်သည်။လမ်းပေါ်တွင် မောင်းနိုင်သော ကားဖြစ်သည့်အပြင် ပျံသန်းနိုင်သည့် လေယာဉ်တစ်စင်းလည်းဖြစ်စေရန် ထုတ်လုပ်ထားသည်။

((အသွင်ကူးပြောင်းမှု))

AirCar သည် ကားတစ်စင်းအဖြစ်မှသည် လေယာဉ်တစ်စင်းအဖြစ်သို့ ၂ မိနစ် ၁၅ စက္ကန့်အတွင်း အသွင်ပြောင်းနိုင်စွမ်းရှိသည်။

(ပျံသန်းနိုင်မှု))

AirCar သည် Certificate of Airworthiness လက်မှတ်ရရှိထားပြီးဖြစ်ကာ ပျံသန်းမှု နာရီများစွာ စမ်းသပ်ထားပြီးဖြစ်သည့်အပြင် ပျံတက်/သက်ဆင်းမှု အကြိမ်ရေများစွာ စမ်းသပ်ထားပြီး ဖြစ်သည်။

((Performance))

AirCar မိုးပျံကားသည် 300 km/h အမြန်နှုန်းဖြင့် ပျံသန်းနိုင်ပြီး ၁၀၀၀ ကီလိုမီတာ ခရီးအထိ ပျံသန်းနိုင်သည့် range ရှိကြောင်း tech.eu က ဖော်ပြသည်။ လမ်းပေါ်တွင် မော်တော်ကားသဖွယ် မောင်းနှင်မည်ဆိုပါက 200 km/h အမြန်နှုန်းအထိ မောင်းနှင်နိုင်စွမ်းရှိသည်။

((ပျံတက်နိုင်မှု))

AirCar သည် အမြင့် ၄၅၇၂ မီတာ (ပေ ၁၅၀၀၀) အထိ ပျံတက်နိုင်စွမ်းရှိသည်။

((လောင်စာ))

AirCar တွင် ဆီတိုင်ကီ ၃ ခုပါဝင်ပြီး high-octane ဓာတ်ဆီကို ၁၆၀ လီတာအထိ ထည့်ထားနိုင်သည်။

((အင်ဂျင်ရွေးစရာ))

AirCar တွင် အင်ဂျင်ရွေးစရာ ၃ မျိုးလာမည်ဖြစ်ပြီး Adept Airmotive ထုတ် 3.2-liter, 120-degree V6 များ ဖြစ်သည်။

((အဆင့်မြင့် Feature များ))

AirCar တွင် ခေါက်သိမ်းထားနိုင်သော တောင်ပံများ၊ ခေါက်သိမ်းနိုင်သော နောက်မြီးနှင့် လေထီးချသည့်စနစ်တို့ကဲ့သို့ အဆင့်မြင့်နည်းပညာများ ထည့်သွင်းထားသည်။

((ဝယ်ယူနိုင်မှု အခြေအနေ))

AirCar ကို ၂၀၂၆ နှစ်ဆန်းပိုင်းတွင် အလုံးအရင်း ထုတ်လုပ်ရောင်းချပေးသွားရန် စီစဉ်ထားသည်။

AirCar မိုးပျံကား၏ ဈေးနှုန်းမှာ ကန်ဒေါ်လာ ၈၀၀၀၀၀ မှ ဒေါ်လာ ၁ သန်းကြား ရှိနိုင်ကြောင်း Travel Noire နှင့် E! News တို့က ခန့်မှန်းထားသည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref: The £600k AirCar is going on sale in early 2026: here’s everything you need to know (topgear)