Ferrari တည်ထောင်သူ Enzo Ferrari နေ့စဉ်စီးခဲ့သော Ferrari 330 GT ဖေ့စ်ဘုတ်တွင် အရောင်းတင်လာ

Ferrari ကုမ္ပဏီကို တည်ထောင်ခဲ့သူ Enzo Ferrari ကိုယ်တိုင်မောင်းနှင်စီးနင်းခဲ့သည့် ၁၉၆၂ ခုနှစ်မော်ဒယ် Ferrari 330 GT 2+2 တစ်စင်း ဖေ့စ်ဘုတ်တွင် အရောင်းဈေးကွက်ဝင်လာသည်။

လက်ရှိပိုင်ရှင် ဒေါ်လာ ၈၆၅၀၀၀ သာ ဈေးခေါ်ထားသည်။

Chevy Truck များနှင့်အတူ ရောနှောကာ အရောင်းဈေးကွက်တင်လာခြင်းဖြစ်ပြီး Chevy Truck တို့၏ ဈေးနှုန်းမှာ ဒေါ်လာ ၁၅၀၀ ဖြစ်သည်။

(ဓာတ်ပုံ-Warren Lubow via Facebook Marketplace)

သူ၏ကားကို ကားစုတ်များနှင့် ရောနှောကာ ရောင်းချခံနေရသည်ကို Enzo Ferrari သာ သင်္ချိုင်းဂူအတွင်းမှ သိနိုင်မည်ဆိုလျှင် များစွာစိတ်မချမ်းမြေ့ဖွယ် ရှိသည်။

62 Ferrari 330 GT 2+2 prototype ကို ဖေ့စ်ဘုတ်တွင် ရောင်းချနေသည်ကို တွေ့ရခြင်းမှာ လီယိုနာဒို ဒါဗင်ချီ၏ “ခရစ္စတော်၏ နောက်ဆုံးညစာစားပွဲ” (The Last Supper) ပန်းချီကားကြီးကို အပေါင်ဆိုင်တွင် တွေ့လိုက်ရသကဲ့သို့ပင်။

(ဓာတ်ပုံ-Warren Lubow via Facebook Marketplace)

(ဓာတ်ပုံ-Warren Lubow via Facebook Marketplace)

Enzo သည် ပြိုင်ကားမဟုတ်သော အခြားကားများအပေါ် အချစ်၊ အမုန်းရောယှက်နေသည့် စိတ်သဘောထားရှိသည်။

Ferrari တည်ထောင်သူ Enzo သည် ပြိုင်ကားမဟုတ်သည့်ကားများ ထုတ်လုပ်ရန် ဆန္ဒလုံးဝမရှိခဲ့ကြောင်း လူသိများသည်။

(ဓာတ်ပုံ-Warren Lubow)

ယခုကားသည် Enzo ကိုယ်တိုင်စီးခဲ့သော ကားများအနက်တစ်စီးအပါအဝင်ဖြစ်ပြီး 4.0-litre V12 အင်ဂျင်တပ်ဆင်ထားကာ မြင်းကောင်ရေအား 300+ထွက်သည်။

လှပခမ်းနားသော်လည်း Ferrari အသွင်မျိုး ရှိမနေ။

၁၉၅၀ ပြည့်လွန်ကာလများက muscle car တစ်စင်းအသွင် ဖြစ်သည်။

ကားမှာ အသန့်အတိုင်းရှိသေးသည်။

သို့သော် Facebook Marketplace တွင် ဒေါ်လာ ၁၅၀၀ တန် Chevy Truck များနှင့်တွဲကာ အရောင်းမြင်ရခြင်းမှာ ထူးဆန်းနေသည်။

ကားတည်ရှိသည့်နေရာမှာ ဝါရှင်တန်ပြည်နယ်၊ ဆီယက်တဲတွင်ဖြစ်သောကြောင့် ဝယ်ယူလိုပါက ခရီးရှည်ထွက်ရဖွယ်ရှိသည်။

(ဓာတ်ပုံ-Warren Lobow)

(CarsDB Team မှ ရေးသား ဖော်ပြသည်။)

Credit: CarsDB.com

Ref: Enzo Ferrari’s Company Car Is For Sale on Facebook Marketplace (thedrive)

Photo Credit-Warren Lobow