ပင်မစာမျက်နှာ
ကားသတင်းများ
GWM က Haval Big Dog Plus ကို ဒေါ်လာ ၁၉၁၀၀ ဖြင့် စတင်မိတ်ဆက်၊ PHEV နှင့် ICE powertrain များ ရရှိနိုင်

GWM က Haval Big Dog Plus ကို ဒေါ်လာ ၁၉၁၀၀ ဖြင့် စတင်မိတ်ဆက်၊ PHEV နှင့် ICE powertrain များ ရရှိနိုင်

9 views

Great Wall Motor (GWM) သည် မော်ဒယ်သစ် Haval Big Dog Plus SUV ကို စက်တင်ဘာ ၁၅ ရက်တွင် တရားဝင် စတင်ရောင်းချပြီဖြစ်သည်။

Trim ၅ မျိုး လာပြီး ဈေးတန်းမှာ ယွမ် ၁၃၅၈၀၀ မှ ၁၈၃၈၀၀ ကြား (ကန်ဒေါ်လာ ၁၉၁၀၀ မှ ၂၅၈၀၀ ကြား) ရှိကာ PHEV နှင့် ICE variant များ ရွေးစရာရှိသည်။

ဈေးကွက်တွင် လက်ရှိရောင်းချပေးနေသော ဒုတိယမျိုးဆက် Haval Big Dog ကို modify လုပ်ထားသည့် မော်ဒယ်ဖြစ်သည်။Haval Big Dog Plus တွင် အပြင်ပိုင်းကို upgrade လုပ်ထားပြီး အင်ဂျင်ရွေးစရာ ၂ မျိုးရှိရာ 1.5T နှင့် 2.0T တို့ ဖြစ်သည်။

Grille မှာ ဒီဇိုင်းသစ် semi-closed ဖြစ်ကာ ပိုမိုကြီးမားသော HAVAL မီးလင်းလိုဂိုကြီး ထည့်ပေးထားသည်။ ရှေ့မီးကြီးများမှာမူ ယခင်ဒီဇိုင်းအတိုင်း ဖြစ်သည်။နောက်ဘက်တွင်မူ လက်ရှိမော်ဒယ်များ၌ HAVAL လိုဂိုဖြစ်သော်လည်း ယခု Plus မော်ဒယ်တွင်မူ GWM ဟု လိုဂိုပြောင်းထားသည်။အရွယ်အစားမှာ မပြောင်းလဲဘဲ ယခင်အတိုင်းသာဖြစ်ရာ 4705/1908/1780 mm (l/w/h) နှင့် wheelbase မှာ 2810 mm ဖြစ်သည်။အရောင်ရွေးစရာ ၅ မျိုးရှိသည်။

ICE variant တွင် 1.5T (သို့မဟုတ်) 2.0T သုံးထားသည်။
1.5T အင်ဂျင် (model GW4B15L) မှာ အထွက်အား 135 kW (181 hp) နှင့် ရုန်းအား 275 Nm ရှိသည်။

2.0T အင်ဂျင် (model GW4N20A) မှာ အထွက်အား 175 kW (235 hp) ရှိပြီး ရုန်းအားမှာ 385 Nm ရှိသည်။

ဆီစားနှုန်းမှာ ကီလို ၁၀၀ လျှင် ၇ ဒသမ ၆ လီတာနှင့် ၇ ဒသမ ၉ လီတာ အသီးသီး ဖြစ်သည်။

PHEV variant တွင် 1.5T အင်ဂျင် (model GW4B15M) နှင့် လျှပ်စစ်မော်တာ ၂ လုံး သုံးထားသည်။ အင်ဂျင်၏ အထွက်အားမှာ 115 kW (154 hp) ရှိပြီး ရုန်းအား 243 Nm ရှိသည်။ရှေ့နောက် မော်တာများမှာ ဆွဲအား ရုန်းအား 70 kW (94 hp)/160 Nm နှင့် 150 kW (201 hp)/350 Nm အသီးသီး ရှိသည်။

ဘက်ထရီ ရွေးစရာ ၂ မျိုးရှိပြီး 18.74 kWh နှင့် 27.54 kWh တို့ဖြစ်ကာ လျှပ်စစ်သီးသန့်ဖြင့် ၁၀၅ ကီလို၊ ၁၅၀ ကီလို အသီးသီး မောင်းနိုင်သည်။ရှေ့ခန်း အခင်းအကျင်းမှာ လက်ရှိမော်ဒယ်အတိုင်း ဖြစ်သည်။ စတီယာရင်မှာမူ အသစ်ပြောင်းထားရာ two-spoke flat bottom စတီယာရင်ဖြစ်သည်။

၁၂ ဒသမ ၃ လက်မ full LCD instrument panel နှင့် ၁၄ ဒသမ ၆ လက်မ central control screen တို့ သုံးပေးထားသည်။Central control screen တွင် ယခင်မော်ဒယ်အတိုင်း Physical button များ ပါသည်။