ပင်မစာမျက်နှာ
ကားသတင်းများ
အာရပ်စော်ဘွားများ ပြည်ထောင်စုမှ ဒေါ်လာ ၂၀ ဘီလီယံ ချမ်းသာသော တော်ဝင်မင်းသား ဝယ်ယူစုဆောင်းထားသည့် အလွန်တရာကြီးမားလှသော ဧရာမ မော်တော်ကားကြီးများ

အာရပ်စော်ဘွားများ ပြည်ထောင်စုမှ ဒေါ်လာ ၂၀ ဘီလီယံ ချမ်းသာသော တော်ဝင်မင်းသား ဝယ်ယူစုဆောင်းထားသည့် အလွန်တရာကြီးမားလှသော ဧရာမ မော်တော်ကားကြီးများ

319 views

အကယ်၍ သင့်တွင် ဒေါ်လာ ၂၀ ဘီလီယံရှိသည်ဆိုပါက မည်သည့်အရာများ လုပ်ဆောင်မည်နည်း။

ရှိတ် ဟာမက် ဘင် ဟမ်ဒန် အယ်လ် နာယန်ကမူ မော်တော်ကားများ ဝယ်ယူစုဆောင်းသည့်ဘက်တွင် ဝါသနာပါသည်။

အထူးသဖြင့် ဧရာမ ကားကြီးများကို ရှိတ်ဟာမက် သဘောကျသည်။

ရှိတ်ဟာမက်ကို ရိန်းဘိုး ရှိတ်ဟုလည်း လူသိများပြီး အဘူဒါဘီကို အုပ်စိုးသော တော်ဝင်မိသားစုဝင်တစ်ဦး ဖြစ်သည်။

((ရှိတ် ဟာမက်၏ ဧရာမ မော်တော်ကားကြီးများ))

ရှိတ်ဟာမက်သည် ကျိကျိတက် ချမ်းသာသူဖြစ်ပြီး မော်တော်ကားများကို နှစ်သက်ခုံမင်သူ ဖြစ်သည်။

တန်ဖိုးကြီး မော်တော်ကားများ စုဆောင်းလေ့ရှိသည့် အခြားသော ဘီလျံနာကြီးများနှင့် မတူသည့်အချက်မှာ ရှိတ်ဟာမက်က ဧရာမ မော်တော်ကားကြီးများကို နှစ်သက်သဘောကျခြင်း ဖြစ်သည်။

ရှိတ် ဟာမက် ဝယ်ယူစုဆောင်းထားသော ဧရာမ မော်တော်ကားကြီးများကို အာရပ်စော်ဘွားများ ပြည်ထောင်စု နှင့် မော်ရိုကိုနိုင်ငံတို့ရှိ ပြတိုက်များတွင် ပြသထားသည်။

ရှိတ်ဟာမက်သည် သက်တန့်ရောင် မော်တော်ကားများကိုလည်း အထူးနှစ်သက်ရာ Mercedes S-Class များကို သက်တန့်ရောင်စုံ စုစည်းထားသည်။

ရှိတ်ဟာမက်၏ ဧရာမ ကားကြီးများအနက် ဒုတိယကမ္ဘာစစ်ခေတ်က ပေါ်ပေါက်ခဲ့သော Willys ဂျစ် ပုံတူ ကြီးမားလှသော ကားကြီးတစ်စင်းလည်း ပါဝင်သည်။

အခြား ထင်ရှားသော ကားတစ်စင်းမှာ ကြီးမားလှသည့် ၁၀ ဘီးတပ်ယာဉ်ကြီးဖြစ်သော Dhabiyan ဖြစ်ကာ သမားရိုးကျ ယာဉ်များမှာ ဤကားကြီးနှင့် ယှဉ်လိုက်လျှင် များစွာသေးငယ်သွားသည်။