ဂျိမ်းစ်ဘွန်းဇာတ်လမ်းများကို ရေးသားခဲ့သော စာရေးဆရာ အီယန် ဖလဲမင်း အထူးအော်ဒါမှာယူထားသော အလွန်တရာရှားပါးသည့် ၁၉၅၃ ခုနှစ်ထုတ် Bentley အရောင်းဈေးကွက်ဝင်လာ

ဂျိမ်းစ်ဘွန်းကို ဖန်တီးခဲ့သူ စာရေးဆရာ အီယန် ဖလဲမင်း အထူးအော်ဒါမှာယူခဲ့သော ၁၉၅၃ ခုနှစ်ထုတ် Bentley ကားကို ပိုင်ဆိုင်နိုင်မည့် အခွင့်အလမ်း ပေါ်ပေါက်နေသည်။

သို့သော် ဈေးနှုန်းအလွန်များပြားလှသည်။

Gullwing Motor Cars လေလံကုမ္ပဏီမှ ဖော်ပြခဲ့သော ဓာတ်ပုံများအရ ၁၉၅၃ ခုနှစ်ထုတ် R-Type Bentley ကားအား ရောင်းချရန် ပြင်ဆင်နေပုံကို တွေ့ရသည်။

(၁၉၅၃ ခုနှစ်ထုတ် Bentley ။ ဓာတ်ပုံ-mediadrumimages)

(ယခုအခါ ဤကားကို အရောင်းဈေးကွက်တင်ရန် စီစဉ်နေသည်။ ဓာတ်ပုံ-mediadrumimages)

(ကားအတွင်းပိုင်းမှာ နှစ်ပေါင်း ၇၀ ကြာသည့်တိုင် အံ့ဖွယ်အခြေအနေ ကောင်းမွန်နေဆဲ ဖြစ်သည်။ ဓာတ်ပုံ-mediadrumimages)

လက်ရှိအားဖြင့် ဖုန်အလိမ်းလိမ်းဖြစ်နေသော်လည်း ပိုင်ရှင်သစ်၏ လက်တွင် ပြန်လည်တောက်ပလာမည် ဖြစ်သည်။

ဤကားကို ဝယ်ရန် ငွေအမြောက်အမြား ကုန်ကျမည်ဖြစ်ပြီး ပေါင် ၁ ဒသမ ၁ သန်းခန့် ပေးရမည် ဖြစ်သည်။

အီယန် ဖလဲမင်းသည် Bentley R-Type Continental ကို ဗြိတိန်အထူးတပ်ဖွဲ့မှ အခင်မင်ဆုံးမိတ်ဆွေ Ivar Bryce အတွက် ကိုယ်စား မှာယူပေးခဲ့ခြင်း ဖြစ်သည်။

Ivar Bryce သည် ဂျိမ်းစ်ဘွန်းဇာတ်ကောင် Felix Leiter ကို အလွန်နှစ်သက်စွဲလမ်းသူ တစ်ဦး ဖြစ်သည်။

ဈေးကွက်တင်မှတ်တမ်းတွင် ဖော်ပြချက်အရ “Bentley R-Type Continental ဟာ ဗြိတိန်ရဲ့ ပြယုဂ်ကားတစ်စီး ဖြစ်တာ အငြင်းပွားစရာ မရှိပါဘူး။ ဒီကားဟာ သမိုင်းတလျှောက် အကြီးမြတ်ဆုံး Bentley မော်ဒယ်တွေထဲမှာ တစ်ခုအပါအဝင် ဖြစ်ပါတယ်”ဟု ဖော်ပြသည်။

“ဒီကားဟာ အီယန် ဖလဲမင်းက သူရဲ့မိတ်ဆွေ Ivar Bryce အတွက် မှာယူပေးခဲ့တာ ဖြစ်ပါတယ်”

ဤကားကို အီတလီကုမ္ပဏီ Carrozzeria က ဒီဇိုင်းရေးဆွဲပေးခဲ့ပြီး ဗြိတိန်ကုမ္ပဏီက ထုတ်လုပ်ခဲ့ခြင်း ဖြစ်သည်။

(ယခုကားတွင် မူရင်းအင်ဂျင် နံပါတ်ဖြင့် ဖြစ်သည်။ ဓာတ်ပုံ-mediadrumimages )

(အီယန်ဖလဲမင်းက အထူးအော်ဒါ မှာယူခဲ့ခြင်း ဖြစ်သည်။ ဓာတ်ပုံ-mediadrumimages)

(လက်ရှိအားဖြင့် ဖုန်အလိမ်းလိမ်းတက်နေသော်လည်း ပိုင်ရှင်သစ်၏ လက်တွင် ပြန်လည် တောက်ပလာမည် ဖြစ်သည်။ ဓာတ်ပုံ-mediadrumimages)

(CarsDB Team မှ ရေးသား ဖော်ပြသည်။)

Credit: CarsDB.com

Ref: Ultra-rare 1953 Bentley ordered by 007 author Ian Fleming & left to gather dust goes on sale for an eye-watering sum (thesun)

 Photo Credit: mediadrumimages