ရေပေါ်တွင် ပေါ်နိုင်ခြင်းအပြင် ရှေ့ခန်းတွင် အလျား ၂၃ လက်မကျော်ရှိသည့် Display ပါသော မယုံနိုင်ဖွယ် အနာဂတ်ဆန်လှသောကား (သို့မဟုတ်) BYD ထုတ် high-end Yangwang U8

ရေပေါ်တွင် ပေါ်နိုင်ပြီး တင်းမာနေသောကြွက်သားများ ပြေလျော့စေရန် နှိပ်နယ်ပေးသော လုပ်ဆောင်ချက် ပါသည့် မီးတောင်ချော်ကျောက်ဖြင့် ပြုလုပ်ထားသော ထိုင်ခုံပါသော ကားမျိုးမှာ အနာဂတ်ဆန်လှသော ကားပင် ဖြစ်သည်။

ကားမှာ လျှပ်စစ် Hybrid SUV အမျိုးအစားဖြစ်ပြီး ရနံ့မွှေးထုတ်လုပ်ပေးသောစနစ် ပါဝင်ကာ ကား၏ ရေခဲသေတ္တာမှာ ကားစက်ပိတ်ထားပြီးနောက် ၁၂ နာရီအထိ ဆက်လက်လည်ပတ်နိုင်သည်။

(BYD က Yangwang အမှတ်တံဆိပ်အောက်တွင် U8 Premium Edition ကို ချပြလာသည်။ ဓာတ်ပုံ-BYD)

(ကားခေါင်းခန်းတွင် ယာဉ်မောင်းနှင့် ရှေ့ခန်းတွင် လိုက်ပါသူတို့အတွက် ၂၃ ဒသမ ၆ လက်မထိ ရှည်လျား သော Display ပါဝင်သည်။ ဓာတ်ပုံ-BYD)

((ဒုတိယတန်းခုံ လက်တင်ဘောင်ပေါ်တွင်လည်း Display တစ်ခု ရှိသည်။))

((BYD Yangwang U8 Premium Edition ၏ အချက်အလက်များ))

ဈေးနှုန်း-  ကန်ဒေါ်လာ ၁၅၄၀၀၀

မောင်းနိုင်သောခရီး-၁၀၀၀ ကီလိုမီတာ

မြင်းကောင်ရေ- ၁၂၀၀

အမြန်နှုန်းတင်နိုင်စွမ်း-၁၀၀ kmph ကို ၃ ဒသမ ၆ စက္ကန့်အတွင်း ရရှိနိုင်

Charging Rates- 100kW

ထူးခြားသော feature များ- Emergency flotation, tyre blowout stabilisation, all terrain tank turns

BYD ၏ Yangwang အမျိုးအစားအောက်မှ ထုတ်လုပ်သော U8 Premium Edition သည် Land Rover Defender နှင့် အပြင်ပန်း အတော်ဆင်သည်။

ဘီးမှာ လက်မ ၂၀ (သို့မဟုတ်) ၂၂ လက်မ ရှိမည်ဖြစ်ပြီး ဆီအငွေ့ပြန်မှု ကာကွယ်ပေးသော floating roof ၊ flush mounted တံခါးလက်ကိုင်၊ အဌဂံပုံ တာယာဖုံးအပိုတစ်ခုတို့ ပါဝင်သည်။

ယာဉ်မောင်းနှင့် ရှေ့ခန်းတွင် လိုက်ပါသူတို့အတွက် ၂၃ ဒသမ ၆ လက်မရှိသော display နှင့် ၁၂ ဒသမ ၈ လက်မ infotainment စနစ်တို့လည်း ရှိသည်။

ထို့အပြင် စပီကာ ၂၂ ခုပါသော audio system လည်း ထည့်သွင်းပေးထားသည်။

လျှပ်စစ်မော်တာ ၄ လုံးတပ်ဆင်ပေးထားပြီး စုစုပေါင်း အထွက်အား ၁၁၈၄ မြင်းကောင်ရေရှိကာ 100 kmph အမြန်နှုန်းကို ၃ ဒသမ ၆ စက္ကန့်အတွင်း ရရှိနိုင်သည်။

Off-road သွားလာလိုသူများအတွက် တမူထူးသော feature များပါဝင်ရာ Emergency flotation, tyre blowout stabilisation, all terrain tank turns တို့ ဖြစ်သည်။

Premium Edition မှာ လမ်းပေါ်ရေကြီးခြင်းနှင့် off-road နေရာများတွင် ရေအတားအဆီးများရှိနေခြင်းကဲ့သို့ ခက်ခဲသော အခြေအနေများတွင် ရေပေါ်၌ မိနစ် ၃၀ ခန့် ပေါ်နေနိုင်သည်။

ထို့အပြင် off-road မောင်းသူများအတွက် အခြား feature တစ်ခုမှာ ground clearance အတွက် နောက်ထပ် ၅ ဒသမ ၉ လက်မ ထပ်မံရရှိနိုင်သည့် suspension system ပါဝင်သည်။

BYD ထုတ် high-end ကားဖြစ်သော Yangwang U8 Premium Edition ကို ပြီးခဲ့သောနှစ်အတွင်းက စတင်ချပြခဲ့ပြီး ဈေးနှုန်း ယွမ်ငွေ ၁,၀၉၈,၀၀၀ (ပေါင် ၁၂၀၀၀၀) သတ်မှတ်ခဲ့သည်။

ကား၏ plug-in hybrid စနစ်ဖြင့် ကီလိုမီတာ ၁၀၀၀ ကျော် မောင်းနှင်နိုင်စွမ်းရှိသည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref:  Incredible ‘car of the FUTURE’ which can FLOAT on water is unveiled – are you ready for a true all-weather drive?  (the-sun)

 Photo Credit:  BYD