ပင်မစာမျက်နှာ
ကားသတင်းများ
Mercedes-Benz က တရုတ်ပြည်တွင် ထုတ်လုပ်သော CLA လျှပ်စစ်ကားကို ဒေါ်လာ ၃၆၀၀၀ ဖြင့် Pre-order စတင်ရောင်းချပေးနေ

Mercedes-Benz က တရုတ်ပြည်တွင် ထုတ်လုပ်သော CLA လျှပ်စစ်ကားကို ဒေါ်လာ ၃၆၀၀၀ ဖြင့် Pre-order စတင်ရောင်းချပေးနေ

43 views

Mercedes-Benz သည် တရုတ်ပြည်တွင် ထုတ်လုပ်သော CLA Long-wheelbase လျှပ်စစ်ကားကို pre-sale စတင်ရောင်းချပေးနေပြီဖြစ်ကြောင်း စက်တင်ဘာလ ၂၅ ရက်တွင် တရားဝင်ကြေညာသည်။

Variant ၂ မျိုးလာရာ CLA 300 L Ultra-Long Range Edition မှာ ဈေးနှုန်း ယွမ် ၂၅၉၀၀၀ (ဒေါ်လာ ၃၆၀၀၀) နှင့် CLA 300 L Ultra-Long Range Intelligent Edition မှာ ဈေးနှုန်း ယွမ် ၂၉၉၀၀၀ (ဒေါ်လာ ၄၁၆၀၀) တို့ဖြစ်ပြီး pre-sale ဈေးနှုန်းများ ဖြစ်သည်။

အဆိုပါမော်ဒယ်ကို ၂၀၂၅ ခုနှစ် ရှန်ဟိုင်းကားပြပွဲတွင် ပထမဆုံး ပြသခဲ့ပြီး အလားတူ အခြားကားများနှင့်ယှဉ်လျှင် wheelbase 40mm ပိုမိုရှည်လျားသည်။

ရှေ့ယက်၊ နောက်ယက်၊ AWD ဗားရှင်းအားလုံး ရနိုင်သည်။
စွမ်းအင်သုံးစွဲနှုန်းမှာ ကီလို ၁၀၀ လျှင် 10.9 kWh ဖြစ်ပြီး မောင်းနိုင်သော CLTC range မှာ ၈၆၆ ကီလို ဖြစ်သည်။

ရှေ့မျက်နှာစာတွင် ကြီးမားသော အနားမပြိုင် စတုဂံပုံ grille ရှိပြီး မီးလင်းသော logo များအပြင် အလယ်ဗဟိုတွင် Mercedes-Benz star ရှိသည်။

အရွယ်အစားမှာ 4,763/ 1,856/ 1,469 mm ရှိပြီး wheelbase မှာ 2,830 mm ဖြစ်သည်။

အတွင်းပိုင်းတွင် ၁၀ ဒသမ ၂၅ လက်မ LCD instrument cluster ၊ ၁၄ ဒသမ ၆ လက်မ central control screen နှင့် ၁၄ လက်မ passenger entertainment screen တို့ ရှိသည်။

၎င်းတို့ကို Mercedes-Benz က နောက်ဆုံးထုတ်လုပ်ထားသော MB.OS operating system ဖြင့် လည်ပတ်ကာ AI voice assistance နှင့် 5G connectivity များ support ပေးသည်။