2025 ခုနှစ်အတွင်းအမြန်ဆုံးကားများ Episode(1)

 

 

 

 

Pagani Huayra ဟာ အလွန်လှပတဲ့ ဒီဇိုင်းနဲ့ စူပါကားတစ်စီးဖြစ်ပါတယ်။ ၎င်းရဲ့ အသေးစိတ်အလုပ်လုပ်ပုံများဟာ အလွန်ကောင်းမွန်ပြီး ကြည့်ကောင်းရုံသက်သက်တင်မကဘဲ စွမ်းဆောင်ရည်လည်း အလွန်မြင့်မားပါတယ်။ 

 

AMG မှ မောင်းနှင်သော twin-turbocharged V12 အင်ဂျင်တပ်ဆင်ထားကာ ခွက်အား 730 hp နှင့် torque 1, 000 Nm အထိ ထုတ်ပေးနိုင်ပြီး အမြင့်ဆုံးအမြန်နှုန်း238 mph (383 km/h) အထိ မောင်းနှင်နိုင်ပြီး Huayra ကို ကာဗွန်ဖိုင်ဘာ အဓိကအသုံးပြုတည်ဆောက်ထားကာ ကိုယ်ထည်ပေါ့ပါးစေရန်၊ ခိုင်ခံ့မှုပိုရှိစေရန်နှင့် လေခွင်းအားကောင်းမွန်စေရန် active aerodynamics စနစ်များဖြင့် ပြည့်စုံစွာ တပ်ဆင်ထားပါသည်။

 

 

Aston Martin Valkyrie ကို ကြည့်လိုက်ရင် လမ်းပေါ်မောင်းခွင့်ပြုတဲ့ ကားတစ်စီးလို့ မထင်ရပါဘူး။

 

 LeMans ပြိုင်ကားနဲ့ တူနေတတ်ပေမယ့် ၎င်းကို လမ်းပေါ်မှာ တရားဝင်မောင်းနှင်နိုင်ပါတယ်။ 

 

မောင်းသူရဲ့ နောက်ဘက်မှာ 6.5-litre hybrid V12 အင်ဂျင်ကို တပ်ဆင်ထားပြီး 1,160 hp အထိ စွမ်းအားထုတ်ပေးနိုင်ကာ Formula 1 မှာ ရေပန်းစားတဲ့ Design ကို အခြေခံထားပါတယ်။ 

 

ကားကိုယ်ထည်အလေးချိန် တန်ချိန်တစ်ခုထက်အနည်းငယ်ပိုသာလေးတဲ့အတွက် 0 မှ 60 mph (97 km/h) သို့ 2.5 စက္ကန့်အတွင်း အရှိန်မြှင့်တင်နိုင်ပါတယ်။

 

 

 

ဒီစာရင်းထဲက ဆွီဒင်ကားထုတ်လုပ်ရေးကုမ္ပဏီ Koenigsegg ရဲ့ ဒုတိယမြောက်ကားဖြစ်တဲ့ Regera ဟာ 250 mph (402 km/h) အမြန်နှုန်းနဲ့ Speedtail ကို ယှဉ်ပြိုင်နိုင်ပါတယ်။ 

 

Twin-turbo V8 အင်ဂျင်နှင့် လျှပ်စစ်မော်တာကို တွဲဘက်အသုံးပြုထားပြီး စုစုပေါင်း 1,500 hp အထိ စွမ်းအားထုတ်ပေးနိုင်တာဖြစ်ပြီး ဒီစာရင်းထဲက အခြားကားတွေနဲ့ မတူညီတဲ့အချက်က Regera ဟာ ဂီယာတစ်ခုတည်းကိုသုံးပြီး 0 မှ 250 mph အထိ အရှိန်မြှင့်တင်နိုင်တာပါပဲ။ ဆိုလိုတာက မောင်းနှင်နေစဉ် အမြန်နှုန်း 30 mph (48 km/h) ဖြစ်ဖြစ်၊ 250 mph (402 km/h) အထိရောက်အောင် မောင်းနှင်နေတာဖြစ်ဖြစ် ဂီယာတစ်ခုတည်းကိုပဲ အသုံးပြုနေရမှာပါ။

 

 

 

McLaren က Speedtail ကို ကမ္ဘာ့စံချိန်ချိုးဖျက်ဖို့အတွက် ထုတ်လုပ်ထားတာမဟုတ်ပေမယ့် 250 mph (402 km/h) ရှိတဲ့ အမြင့်ဆုံးအမြန်နှုန်းဟာ သူတို့ရဲ့ ယခုထုတ်ကားတွေထဲမှာ အမြန်ဆုံးဖြစ်ပါတယ်။ 

သူတို့ရဲ့ အသစ်ထုတ် flagships W1 ကတောင် အမြင့်ဆုံး 237 mph (38 km/h) သာ ရောက်နိုင်ပါတယ်။ Speedtail ဟာ နာမည်ကျော် McLaren F1 ထက်တောင် ပိုမြန်ပါတယ်။ 

 

၎င်းရဲ့ ကိုယ်ထည်ဟာ လေခွင်းအားကို လျှော့ချပေးနိုင်တဲ့ အတောင်ပံမပါဝင်ဘဲ ရုပ်ရှင်ထဲကလို ချောမွေ့စွာ ဒီဇိုင်းဆွဲထားတာဖြစ်ပါတယ်။

 

 

 

 

Aspark ဆိုတာ လူသိများတဲ့ ကားကုမ္ပဏီတစ်ခုတော့ မဟုတ်ပါဘူး။ ဂျပန်နိုင်ငံက ကားအရေအတွက်နည်းနည်းထုတ်လုပ်တဲ့ hypercar ထုတ်လုပ်ရေးကုမ္ပဏီတစ်ခုဖြစ်ပြီး  Owl ဟာ လျှပ်စစ်မော်တာ 4 ခုတပ်ဆင်ထားကာ 1,953 hp ထုတ်လုပ်နိုင်တဲ့ လျှပ်စစ်စူပါကားတစ်မျိုးဖြစ်ပါတယ်။ 

 

0 မှ 60 mph (၉၇ km/h) သို့ 1.7 စက္ကန့်အတွင်း အရှိန်မြှင့်တင်နိုင်ပြီး အမြင့်ဆုံးအမြန်နှုန်း 256 mph (413 km/h) အထိ ရောက်ရှိနိုင်ပါတယ်။ ဒီကားရဲ့ နောက်ထပ်ဗားရှင်းတစ်ခုဖြစ်တဲ့ Owl SP600 ကတော့272 mph (438 km/h) အထိ မြန်ဆန်သော်လည်း 

လမ်းပေါ်မှာ တရားဝင်မောင်းနှင်ခွင့်မရှိပါဘူး။

 

(CarsDB Team မှ ရေးသား ဖော်ပြသည်။)

Credit: CarsDB.com