ထိုင်း EV ဈေးကွက်သို့ Jaecoo 5 EV နှင့် Jaecoo 6T တို့ ဝင်လာရန်ရှိနေ

ထိုင်းနိုင်ငံ၏ လျှပ်စစ်ကားဈေးကွက်မှာ အပြိုင်အဆိုင် ပိုမိုပြင်းထန်လာဖွယ်ရာ ရှိနေသည်။

တရုတ်ပြည်မှ Chery ၏ အမှတ်တံဆိပ်တစ်ခုဖြစ်သော Jaecoo က ၎င်း၏ နောက်ဆုံးထုတ် လျှပ်စစ်ကား မော်ဒယ်များဖြစ်သော Jaecoo 5 EV နှင့် Jaecoo 6T တို့ကို ဈေးကွက်သို့ပို့ရန် ပြင်ဆင်နေသည်။ ဈေးနှုန်းကိုမူ ယခုသြဂုတ်လအတွင်း ထုတ်ပြန်ကြေညာဖွယ်ရှိသည်ဟု မျှော်လင့်ရသည်။ထိုင်းဈေးကွက်သို့လည်း တင်ပို့ရန် စီစဉ်နေရာ လျင်မြန်စွာ ဖွံ့ဖြိုးလာနေသော ထိုင်း EV ဈေးကွက်တွင် ယှဉ်ပြိုင်ရန် အသင့်ဖြစ်နေကြောင်း ပြသလိုက်ခြင်းလည်း ဖြစ်သည်။

((Jaecoo 5 EV အကြောင်း))

Jaecoo 5 EV သည် လျှပ်စစ်ကားစစ်စစ်ဖြစ်ပြီး မြို့တွင်းစီးနှင့် အပေါ့စား off-road သွားလာမှုများအတွက် ရည်ရွယ်သည်။ဒီဇိုင်းမှာ သားနားပြီး စွဲမက်ဖွယ် feature များစွာ ထည့်သွင်းပေးထားသည်။Dimension မှာ အလျား ၄၃၈၀ မီလီမီတာ၊ ဗြက် 1860 mm ရှိကာ wheelbase မှာ 2,620 mm ရှိသည်။

(အချို့သတင်းရင်းမြစ်တို့ကမူ 2,700 mm ဟု ဖော်ပြမှုများရှိသည်။)

Performance ပိုင်းကို ကြည့်မည်ဆိုလျှင် 69.8 kWh ဘက်ထရီအသုံးပြုထားပြီး အမြင့်ဆုံးအထွက်အား 279 hp (208 kW) ရှိကာ ရုန်းအားမှာ 385 Nm ရှိသည်။အမြန်နှုန်း တင်နိုင်စွမ်းအနေဖြင့် 0 to 100 km/h ကို ၆ ဒသမ ၅ စက္ကန့်အတွင်း ရရှိနိုင်ကာ WLTP range မှာ ၄၇၀ ကီလိုမီတာ ဖြစ်သည်။

DC fast charging ကို support ပေးထားပြီး ၃၀ မှ ၈၀ ရာခိုင်နှုန်းအထိရရန် အားသွင်းကြာချိန်မှာ မိနစ် ၂၀ မှ ၂၈ မိနစ်ကြား ဖြစ်သည်။ခေါင်းခန်းတွင် ၁၅ ဒသမ ၆ လက်မ touchscreen အသုံးပြုထားပြီး Apple CarPlay နှင့် Android Auto တို့ သုံးနိုင်သည်။အခြား amenities များအနေဖြင့် ကျယ်ပြောသော sunroof ၊ အရည်အသွေးမြင့်မားသော audio system နှင့် ADAS စနစ်တို့ ပါသည်။

((Jaecoo 6T အကြောင်း))

Jaecoo 6T မှာ Plug-in Hybrid Electric Vehicle (PHEV) ဖြစ်မည်ဟု မျှော်လင့်ရသည်။အဆိုပါမော်ဒယ်မှာ အားကောင်းသော performance နှင့် off-road စွမ်းရည်များရှိသော ကားအဖြစ် ထုတ်လုပ်ထားခြင်းဖြစ်သည်။ Intelligent All-Wheel Drive (AWD) ဖြစ်ပြီး မော်တာ ၂ လုံးအသုံးပြုထားသည်။Jaecoo 6T ၏ ဒီဇိုင်းမှာ သေတ္တာပုံးဆန်သည်။

ခေါင်းခန်းတွင် ၁၅ ဒသမ ၆ လက်မ central touchscreen နှင့် premium sound system တို့ ထည့်သွင်းပေးထားသည်။Jaecoo 6T သည် လျှပ်စစ်သီးသန့်ဖြင့် မောင်းလျှင်လည်း range ကောင်းမွန်မည်ဟု ခန့်မှန်းရသည်။

Jaecoo 5 EV နှင့် Jaecoo 6T တို့မှာ ယခုသြဂုတ်လအတွင်း ထိုင်းဈေးကွက်သို့ ဝင်ရောက်လာတော့မည် ဖြစ်ရာ ထိုင်းပြည်သူတို့အနေဖြင့် မိမိတို့လိုအပ်ချက်အလိုက် ရွေးချယ်စရာအသစ်များ ရှိလာတော့မည်လည်း ဖြစ်သည်။
Jaecoo သည် ထိုင်းနိုင်ငံ၊ ရယောင်း ပြည်နယ်တွင် EV စက်ရုံတစ်ခု တည်ထောင်ရန်လည်း စီစဉ်ထားသည်ဟု ဆိုသည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref: Jaecoo 5 EV and Jaecoo 6T Ready to Invade Thai EV Market, Prices Expected in August! (motorist)