ပင်မစာမျက်နှာ
ကားသတင်းများ
Maybach ကို စိန်ခေါ်မည့် Huawei ၏ Maextro S800 luxury မော်ဒယ်ကို မေလ ၃၀ ရက်တွင် စတင်မိတ်ဆက်မည်

Maybach ကို စိန်ခေါ်မည့် Huawei ၏ Maextro S800 luxury မော်ဒယ်ကို မေလ ၃၀ ရက်တွင် စတင်မိတ်ဆက်မည်

1158 views

Huawei က Harmony Intelligent Driving နည်းပညာဖြင့် ထုတ်လုပ်မည့် flagship luxury ဆီဒင်ဖြစ်သော Maextro S800 ကို ၂၀၂၅ ခုနှစ်၊ မေလ ၃၀ ရက်တွင် တရားဝင်စတင်မိတ်ဆက်ရန် စီစဉ်ထားသည်။

ဈေးကွက်အဆင့် ရပ်တည်မှုအနေဖြင့် တရုတ်ပြည်၏ အဆင့်အမြင့်ဆုံး large luxury ဆီဒင်ဖြစ်လာမည့် S800 တွင် နောက်ဆုံးပေါ် နည်းပညာများကို ခမ်းနားထည်ဝါသည့် ဒီဇိုင်းဖြင့် ပေါင်းစည်းထားပြီး Mercedes-Maybach S-Class ကဲ့သို့ နိုင်ငံတကာမှ high-end ကားများကို တိုက်ရိုက်စိန်ခေါ်နိုင်ရန် ရည်မှန်းထားသည်။

Huawei နှင့် Nio ၏ contract manufacturer အဖြစ် ဆောင်ရွက်ခဲ့သော JAC တို့ ပူးပေါင်းထုတ်လုပ်ခဲ့သည့် S800 သည် Maextro ၏ ပထမဆုံး production model ဖြစ်ပြီး all-electric နှင့် extended-range (EREV) powertrain များ ရနိုင်သည်။

Dimension မှာ 5480/2000/1536 mm နှင့် wheelbase မှာ 3370 mm ဖြစ်သည်။

S800 သည် အတွင်းခန်း ကျယ်ကျယ်ဝန်းဝန်းရှိမှုနှင့် driving experience ပိုမိုကောင်းမွန်မှုတို့ ရရှိမည်ဟု အာမခံထားသည်။

Dual-motor, tri-motor နှင့် quad-motor ဟု အမျိုးမျိုးလာပြီး အထွက်အားမှာ မြင်းကောင်ရေ ၄၈၀ မှ ၁၃၀၀ အထိ အမျိုးမျိုးရှိသည်။

image-147-768x576~1.jpg

The EREV version တွင် 65 kWh ဘက်ထရီသုံးထားပြီး 6C fast charging ကို support ပေးသည်။

10% မှ 80% အထိ အားသွင်းရန် ကြာချိန်မှာ ၁၀ ဒသမ ၅ မိနစ် ဖြစ်သည်။
အတွင်းပိုင်း အရောင်ဖွဲ့စည်းမှု ရွေးစရာ ၃ မျိုးရှိပြီး Purple and white, Brown and white နှင့် Full Brown Heritage တို့ ဖြစ်သည်။

အတွင်းခန်းတွင် nappa leather, handcrafted wood နှင့် crystal accent များ သုံးထားသည်။

ယခုကားမော်ဒယ်သစ် မိတ်ဆက်မှုတွင် intelligent system ၆ မျိုးကိုလည်း မိတ်ဆက်ပေးလာရာ ကမ္ဘာ့ပထမဆုံး နည်းပညာ ၃ မျိုးလည်း ပါဝင်မည် ဖြစ်သည်။

၎င်းတို့မှာ Maextro Turing Chassis Pro (လမ်းအခြေအနေ၊ ကားမြန်နှုန်း၊ စတီယာရင် ကိုင်တွယ်ထားမှု အခြေအနေ၊ ကားပေါ်လိုက်ပါလာသူတို့၏ လှုပ်ရှားမှု အစရှိသည်တို့ကို sensor ဖြင့် အာရုံခံကာ AI နည်းပညာဖြင့် တွက်ချက်ပြီး suspension ကို အလိုအလျောက် ချိန်ညှိပေးခြင်း) ၊ Guardian Angel Safety System (ကင်မရာများ၊ ရေဒါများနှင့် LiDAR တို့ကို သုံးကာ ၃၆၀ ဒီဂရီ အကာအကွယ်ပေးသည့် စနစ်) နှင့် Starlink 5G+ ဂြိုဟ်တုဆက်သွယ်ရေးစနစ်တို့ ဖြစ်သည်။