Huawei က SAIC နှင့် ဖက်စပ်ထုတ်လုပ်သော Huawei ၏ ဈေးအသက်သာဆုံး EV brand ကို လာမည့် ဧပြီလ ၁၀ ရက်တွင် မိတ်ဆက်ရန် စီစဉ်

Huawei သည် တရုတ်ပြည်၏ နိုင်ငံပိုင် ကားထုတ်လုပ်သည့် ထိပ်တန်းကုမ္ပဏီကြီးဖြစ်သော SAIC Motor နှင့် ပူးပေါင်းကာ လျှပ်စစ်ကားထုတ်လုပ်ရေးနယ်ပယ်သို့ ပိုမိုချဉ်းနင်းဝင်ရောက်လာနေသည်။

၎င်းတို့ မိတ်ဖက်လက်တွဲကာ “Shangjie” (尚界) အမည်ရှိ EV အမှတ်တံဆိပ်သစ်တစ်ခုကို မိတ်ဆက်မည် ဖြစ်ပြီး ဧပြီလ ၁၀ ရက်တွင် official launch ပြုလုပ်မည် ဖြစ်သည်။Huawei က ထုတ်လုပ်သည့် ကားများအနက် Shangjie မှာ ပဉ္စမမြောက် brand ဖြစ်လာမည်ဖြစ်သည်။“Shangjie” ၏ တရားဝင် အင်္ဂလိပ်ဘာသာသို့ အဓိပ္ပာယ်ပြန်ဆိုမှုကိုမှု အတည်ပြု ထုတ်ပြန်ခြင်း မရှိသေးချေ။

Huawei သည် EV ဈေးကွက်တွင် အခိုင်အမာနေရာယူထားပြီးဖြစ်ကာ ယခုကဲ့သို့ SAIC နှင့် လက်တွဲမှုဖြင့် ကားလောကသို့ ခြေချမှု ပိုမိုတိုးချဲ့လာခြင်းလည်း ဖြစ်သည်။Huawei က ထုတ်လုပ်ထားပြီးဖြစ်သော ကားများမှာ….

(Aito M9)

Aito (问界 – Wenjie) ကားများကို Seres နှင့် မိတ်ဖက် လက်တွဲထုတ်လုပ်သည်။ M5, M7 နှင့် M9 မော်ဒယ်များ ထုတ်လုပ်ထားပြီး ၂၀၂၄ ခုနှစ်အတွင်း အစင်းရေ ၃၈၅၉၀၄ ရောင်းချခဲ့ရသည်။

(Luxeed R7))

Luxeed (智界 – Zhijie) မှာ Chery နှင့် ပူးပေါင်းထုတ်လုပ်ခြင်း ဖြစ်သည်။ဈေးတန်းမှာ ယွမ် ၂၀၀၀၀၀ မှ ၄၀၀၀၀၀ ကြား (ကန်ဒေါ်လာ ၂၇၆၀၀ မှ ၅၅၂၀၀ ကြား) ရှိပြီး ၂၀၂၄ ခုနှစ်အတွင်း အစင်းရေ ၅၇၉၅၆ ရောင်းချခဲ့ရသည်။

(Stelato S9 EV))

Stelato (享界 – Xiangjie) ကို BAIC နှင့် ပူးပေါင်းထုတ်လုပ်သည်။၂၀၂၄ ခုနှစ် အောက်တိုဘာမှ ဒီဇင်ဘာအကြား အစင်းရေ ၃၀၀၈ ရောင်းချခဲ့ရသည်။

(Maextro S800)

Maextro (尊界 – Zunjie) မှာ JAC Motors နှင့် ပူးပေါင်းထုတ်လုပ်ခြင်းဖြစ်သည်။ပထမဆုံး မော်ဒယ်မှာ Maextro S800 sedan ဖြစ်ပြီး အဆင့်မြင့် နည်းပညာများ ထည့်သွင်းထားသည်။

မကြာမီ မိတ်ဆက်မည့် “Shangjie” brand ၏ ပထမဆုံးမော်ဒယ်မှာ အလတ်စားမှ အကြီးစား SUV ဖြစ်ဖွယ်ရှိပြီး ဈေးတန်းမှာ ယွမ် ၁၅၀၀၀၀ မှ ၂၀၀၀၀၀ ကြား (ကန်ဒေါ်လာ ၂၀၇၀၀ မှ ၂၇၆၀၀ ကြား) ဖြစ်ဖွယ်ရှိသည်ဟု ခန့်မှန်းရသည်။အဆိုပါ မော်ဒယ်ကို ယခုနှစ် စတုတ္ထ ၃ လပတ်တွင် စတင်ဖြန့်ချိဖွယ်ရှိသည်ဟု ဆိုသည်။အဓိကပစ်မှတ်ထားသည်မှာ လူငယ်မျိုးဆက်များအတွက် ဖြစ်သည်။

(Marvel RC7)

သတင်းများအရ ပထမဆုံး “Shangjie” မော်ဒယ်ကို SAIC ၏ ရှိရင်းစွဲ platform ကို အခြေခံကာ ထုတ်လုပ်မည်ဖြစ်ပြီး Marvel RC7 ဖြစ်တန်ရာချေ ရှိသည်။အဆိုပါမော်ဒယ်တွင် Huawei ၏ electric vehicle architecture ၊ အဆင့်မြင့် ADAS စနစ်နှင့် HarmonyOS smart cockpit တို့ ပေါင်းစပ်ပေးမည် ဖြစ်သည်။ Powertrain အနေဖြင့် လျှပ်စစ်သီးသန့်အပြင် range-extended ဗားရှင်းတို့ ပါဝင်ဖွယ် ရှိသည်။

(CarsDB Team မှ ရေးသား ဖော်ပြသည်။)

Credit: CarsDB.com

Ref: Huawei partners with SAIC to launch most affordable Huawei EV brand on April 10th