(၂၀၂၃) ခုနှစ် ဧပြီလမှ ဒီဇင်ဘာလကုန်အထိ သဘာဝဓာတ်ငွေ့ ပြည်ပတင်ပို့မှုကနေ အမေရိကန်ဒေါ်လာ (၂ ဒသမ ၄) ဘီလီယံကျော်ရရှိထား

ပြီးခဲ့တဲ့ (၂၀၂၃) ခုနှစ် ဧပြီလကနေ ဒီဇင်ဘာလကုန်အထိ သဘာဝဓာတ်ငွေ့ ပြည်ပတင်ပို့မှုကနေ အမေရိကန်ဒေါ်လာ (၂ ဒသမ ၄) ဘီလီယံကျော် ရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနကနေ သိရပါတယ်။ ပြီးခဲ့တဲ့ (၈) လအတွင်း ပြည်ပပို့ကုန်တွေထဲမှာ သဘာဝဓာတ်ငွေ့တင်ပို့မှုဟာ ဒုတိယအများဆုံးဖြစ်တယ်လို့လည်း သိရပါတယ်။

ဒါပေမယ့် ပြီးခဲ့တဲ့ (၂၀၂၂-၂၀၂၃) ဘဏ္ဍာနှစ်နဲ့နှိုင်းယှဉ်ပါက အခုနှစ်သဘာဝဓာတ်ငွေ့တင်ပို့မှုကနေရရှိတဲ့ နိုင်ငံခြားဝင်ငွေဟာ (၁) ဘီလီယံနီးပါး လျော့ကျသွားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ ပို့ကုန်တင်ပို့မှုစာရင်းတွေအရ သိရပါတယ်။

ကမ်းလွန်သဘာဝဓာတ်ငွေ့ထုတ်လုပ်ခြင်းကို ရတနာ ၊ ရဲတံခွန် ၊ ရွှေနဲ့ ဇောတိကစီမံကိန်းတွေကနေ ထုတ်လုပ် နေတာဖြစ်ပြီး ထိုင်းနိုင်ငံ ၊ တရုတ်နိုင်ငံ နဲ့ ဂျပန်နိုင်ငံတို့ကို သဘာဝဓာတ်ငွေ့အများဆုံး ရောင်းချနေတာ ဖြစ်တယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ ပို့ကုန်တင်ပို့မှုစာရင်းတွေအရ သိရပါတယ်။

(CarsDB Team မှ ရေးသား ဖော်ပြသည်။)

Credit: CarsDB.com