YBS (CNG) ယာဉ်များ Gas ရရှိမှု မပြည့်တာကြောင့် အခေါက်ရေလျှော့ပြေးဆွဲနေရ

YBS ယာဉ်လိုင်းတွေအနေနဲ့ တစ်နေ့ကို ယာဉ်အစီးရေ (၃၇၀၀) ကျော်ပြေးဆွဲပေးနေပြီး ယာဉ်အစီးရေလျော့ပြီး ပြေးဆွဲတာမျိုးမဟုတ်ဘဲ CNG ရရှိမှု မပြည့်မီလို့ အခေါက်ရေ (၅ )ခေါက်ကနေ (၄) ခေါက်သာ ပြေးဆွဲနေရတဲ့အတွက် အခေါက်ရေလျှော့ပြေးဆွဲနေရတယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ(YRTC)ကနေ သိရပါတယ်။

YRTC အနေနဲ့ MOEG  က တာဝန်ရှိသူတွေနဲ့တွေ့ဆုံနေပြီး CNG ပြည့်ဝစွာရရှိပြီး အစီးရေ ပိုမိုပြေးဆွဲနိုင်ဖို့ စီမံချက်နဲ့ဆောင်ရွက်နေပြီး အခုအခြေနေတွေကိုလည်း ရန်ကုန်တိုင်းဒေသကြီးအစိုးရအဖွဲ့ကို တင်ပြထားတယ်လို့လည်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) ကနေ သိရပါတယ်။YBS ယာဉ်တွေကို ည(၉) နာရီအထိ ပြေးဆွဲရာကနေ ည(၁၀)နာရီ အထိ အချိန်တိုးပြေးဆွဲပေးဖို့ အသိပေးညွှန်ကြားထားတယ်လို့လည်း ဆိုပါတယ်။ 

လက်တွေ့မှာ ခရီးသည်စီးနင်းမှု နည်းပါးတာကြောင့် ည (၈) နာရီနောက်ပိုင်းဆိုရင် YBS ယဉ်အစီးရေ နည်းပါးသွားတယ်လို့ ယူဆကြောင်း ရန်ကုန်မြို့နေပြည်သူအချို့က ဆိုပါတယ်။

ရန်ကုန်မြို့တွင်းမှာ ပြေးဆွဲနေတဲ့ YBS ခရီးသည်တင်ယဉ်လိုင်း (၁၃၀) ကျော်ရှိပြီး နေ့စဉ်ခရီးသည် (၁)သန်းကျော် လိုက်ပါစီးနင်းနေတယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) ကနေ သိရပါတယ်။

(CarsDB Team မှ ရေးသား ဖော်ပြသည်။)

Credit: CarsDB.com