⚡ 2025 ခုနှစ်အတွင်းအမြန်ဆုံးကားများ Episode(3) ⚡
- 13 views
နောက်ဆုံးပိတ်အိတ်နဲ့လွယ်ပြီး မြန်ပါတယ်ဆိုတဲ့ ဒုံးကျည်ကတောင်ဆရာခေါ်ရလောက်တဲ့အထိ ၂၀၂၅ခုနှစ်အတွင်း အမြန်ဆုံးစံချိန်ကိုတင်ထားတဲ့ ကမ္ဘာအမြန်ဆုံးကား(၂)စီးအကြောင်းကိုပြောပြရမယ့်အချိန်ကိုရောက်လာပြီဗျာ
အရှေ့အပတ်တွေတုန်းက ၂၀၂၅ခုနှစ်အတွင်း အမြန်ဆုံးပါဆိုတဲ့ ကား(၁၀)စီးထဲက (၈)စီးအထိကိုပြောပြပြီးပြီဆိုတော့ ဒီနေ့မှာ ကျန်ရှိတဲ့ Final ကားနှစ်စီးကဘာတွေဖြစ်မလဲဆိုတာကိုအတူတူဆက်ကြည့်လိုက်ကြရအောင်
ဒုတိယမြောက်အဖြစ် ရပ်တည်နေတာကတော့
SSC Tuatara – 295mph (475km/h) ပဲဖြစ်ပါတယ်။
ဒီကားမှာ Twin-Turbocharged V8 အင်ဂျင်ကို အသုံးပြုထားပြီး၊ Ethanol ဆီနဲ့ မောင်းနှင်ရင် မြင်းကောင်ရေ ၁,၇၅၀ အထိ စွမ်းဆောင်ရည်ပေးနိုင်ပါတယ်။ ဒီကားရဲ့ ထိပ်ဆုံးအမြန်နှုန်းနဲ့ပတ်သက်ပြီး အနည်းငယ် အငြင်းပွားစရာဖြစ်ခဲ့ဖူးပါတယ်။
၂၀၂၀ ပြည့်နှစ်၊ အောက်တိုဘာလတုန်းက SSC ကနေ သူတို့ရဲ့ကားဟာ တစ်နာရီမိုင် ၃၃၁ မိုင် (တစ်နာရီ ၅၃၂ ကီလိုမီတာ) အထိ ရောက်ရှိပြီး ကမ္ဘာ့အမြန်ဆုံးကားဖြစ်တယ်လို့ ကြေညာခဲ့ပါတယ်။
ဒါပေမဲ့ နောက်ပိုင်းမှာ GPS စနစ်အမှားကြောင့် မှားယွင်းတဲ့ အမြန်နှုန်းကို ဖော်ပြမိခဲ့တာဖြစ်ကြောင်း ဝန်ခံခဲ့ရပါတယ်။
၂၀၂၂ ခုနှစ် အစောပိုင်းမှာ ပြန်လည်စမ်းသပ်ခဲ့ရာမှာတော့ တကယ်တမ်း ထိပ်ဆုံးအမြန်နှုန်းဟာ တစ်နာရီ ၂၉၅ မိုင် (တစ်နာရီ ၄၇၅ ကီလိုမီတာ) ဖြစ်ကြောင်း သိရှိခဲ့ရပါတယ်။
ဒါပေမဲ့ ဒီအမြန်နှုန်းကလည်း နှေးကွေးတဲ့ အမြန်နှုန်းတော့ မဟုတ်ပါဘူး။
အဲ့ဒီနောက်မှာတော့
၂၀၂၅ခုနှစ်အတွင်းမှာ ကမ္ဘာပထမဆုံးအဖြစ် စာရင်းဝင်ထားခဲ့တဲ့ ကားကတော့
Koenigsegg Jesko Absolut – over 310mph (499km/h)
ဒီကားကတော့ ကမ္ဘာ့အမြန်ဆုံးထုတ်လုပ်ရေးကား (Fastest Production Car) စာရင်းမှာ စာရွက်ပေါ်မှာဆိုရင် ထိပ်ဆုံးနေရာက ရပ်တည်နေတဲ့ Koenigsegg Jesko Absolut ဖြစ်ပါတယ်။
"စာရွက်ပေါ်မှာ" လို့ပြောရတာကတော့ သူရဲ့ တစ်နာရီမိုင် ၃၁၀ (တစ်နာရီ ၄၉၉ ကီလိုမီတာ) အထိရောက်ရှိနိုင်တဲ့ အမြန်နှုန်းကို လက်တွေ့မှာ မစမ်းသပ်ရသေးလို့ပါ။
ဒါပေမဲ့ ဒီကတိအတိုင်း လုပ်ဆောင်နိုင်မယ်ဆိုတာကို သက်သေပြနိုင်မယ့် အခြားစံချိန်တွေ အများကြီးကိုလည်း ပိုင်ဆိုင်ထားပါတယ်။
Koenigsegg Jesko Absolut ဟာ တစ်နာရီ ၀ ကီလိုမီတာကနေ ၄၀၀ ကီလိုမီတာ (တစ်နာရီ ၂၄၉ မိုင်) အထိ အရှိန်မြှင့်ပြီး ပြန်ပြီး ရပ်တန့်နိုင်တဲ့ စံချိန်ကို ၂၇.၈၃ စက္ကန့်နဲ့ ချိုးခဲ့ပါတယ်။
ဒီစံချိန်က သူတို့ရဲ့ ကိုယ်ပိုင်ကားဖြစ်တဲ့ Koenigsegg Regera ရဲ့ စံချိန်ဟောင်းကိုလည်း ကျော်လွန်သွားခဲ့ပါတယ်။
ဒါ့အပြင် ၂၀၂၅ ခုနှစ်မှာ Standing Half Mile (ရပ်နေရင်းနဲ့ တစ်မိုင်ရဲ့ တစ်ဝက်အကွာအဝေး) ပြိုင်ပွဲမှာလည်း ၁၃.၂၇ စက္ကန့်နဲ့ စံချိန်ချိုးခဲ့ပြီး၊ တစ်နာရီ ၂၂၃ မိုင် အထိ ရောက်ရှိခဲ့ပါတယ်။
ဒီအမြန်နှုန်းက Volkswagen Polo ကားတစ်စီးအတွက် တစ်နာရီ ၆၀ မိုင် အရှိန်ရဖို့ လိုအပ်တဲ့ အချိန်ထက် ပိုတောင်မြန်ပါသေးတယ်။
ဒါတွေကတော့ (၂၀၂၅)ခုနှစ်အတွင်းမှာအမြန်ဆုံးအဖြစ်စံချိန်တင်ထားတဲ့ကားတွေနဲ့ပတ်သက်ပြီး Knowledge Sharing အနေနဲ့ဖော်ပြပေးခဲ့တာပါ။
(CarsDB Team မှ ရေးသား ဖော်ပြသည်။)
Credit: CarsDB.com
