ပြည်တွင်းစက်သုံးဆီဈေး (၂) ရက်အတွင်း တစ်လီတာကို ငွေကျပ်(၉၀) နီးပါးခုန်တက်

ပြီးခဲ့တဲ့ရက်ပိုင်းက ဈေးကျဆင်းခဲ့တဲ့ ပြည်တွင်းစက်သုံးဆီဈေးတွေ (၂) ရက်အတွင်းမှာပဲ ငွေကျပ် (၁၀၀) နီးပါး ဈေးမြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီကနေ သိရပါတယ်။ လက်ရှိမှာ အသုံးများတဲ့ (92) တစ်လီတာကို ငွေကျပ် (၂၇၇၀) ကျပ်အထိ ရည်ညွှန်းသတ်မှတ်ထားပါတယ်။

အခုနှစ်ဆန်းပိုင်းကစပြီး ဆက်တိုက်ဆိုသလို ဈေးမြင့်တက်လာခဲ့တဲ့ ပြည်တွင်းစက်သုံးဆီဈေးနှုန်းတွေဟာ အခုဖေဖော်ဝါရီလ ဒုတိယအပတ်ထဲမှာတော့ ရန်ကုန်၊ မန္တလေး ၊ နေပြည်တော် စတဲ့မြို့ကြီးတွေ အပါအဝင် အခြားပြည်နယ်နဲ့တိုင်းတွေမှာ စက်သုံးဆီဈေးတွေ ကျဆင်းလာပြီး အခုရက်ပိုင်းအတွင်း ဈေးပြန်လည်မြင့်တက်လာတာဖြစ်ပါတယ်။

ဖေဖော်ဝါရီလ ဒုတိယအပတ်မှာတော့ 92 တစ်လီတာကို ငွေကျပ် (၂၆၈၅) ကျပ် ၊ 95 တစ်လီတာကို ငွေကျပ် (၂၈၀၅) ကျပ် ၊ ဒီဇယ် တစ်လီတာကို ငွေကျပ် (၂၅၂၅) ကျပ် ၊ ပရီမီယံဒီဇယ် တစ်လီတာကို ငွေကျပ် (၂၅၇၀) ကျပ်အထိ ကျဆင်းခဲ့တာကို အဆိုပါကော်မတီကနေ သိရပါတယ်။

အခုလက်ရှိမှာ 92 တစ်လီတာကို ငွေကျပ် (၂၇၇၀) ကျပ် ၊ 95 တစ်လီတာကို ငွေကျပ် (၂၈၇၅) ကျပ် ၊ ဒီဇယ် တစ်လီတာကို ငွေကျပ် (၂၅၉၅) ကျပ် ၊ ပရီမီယံဒီဇယ် တစ်လီတာကို ငွေကျပ် (၂၆၄၀) ကျပ်အထိ ကျဆင်းခဲ့တာကို အဆိုပါကော်မတီကနေ သိရပါတယ်။

(CarsDB Team မှ ရေးသား ဖော်ပြသည်။)

Credit: CarsDB.com