YBS ယာဉ်လိုင်းများတွင်အသုံးပြုရန် အစိုးရချင်းချိတ်ဆက်၍ G to G စနစ်ဖြင့်ငွေကျပ် ၆ဝ ဘီလီယံဖိုး ခရီးသည်တင်ယာဉ်များဝယ်ယူသွားမည်

YBS ယာဉ်လိုင်းများတွင်အသုံးပြုသွားရန်အတွက် အစိုးရချင်းချိတ်ဆက်၍ G to G စနစ်ဖြင့် ငွေကျပ် ၆ဝ ဘီလီယံဖိုး ခရီးသည်တင်ယာဉ်များဝယ်ယူသွားမည်ဖြစ်ကြောင်း အများပြည်သူသယ်ပို့ဆောင်ရေးအာဏာပိုင်အဖွဲ့ကသိရပါတယ်။ ရန်ကုန်တိုင်းဒေသကြီးအစိုးရအဖွဲ့အနေနဲ့ အစိုးရချင်း G to G စနစ်ဖြင့် ကားများဝယ်ယူရန် ဇန်နဝါရီလထဲက လုပ်ဆောင်ထားရှိပြီး ယာဉ်များဝယ်ယူရာတွင် ယာဉ်ကြံခိုင်မှူကောင်းမွန်သည့်ကားများကို ဝယ်ယူသွားမှာဖြစ်တယ်လို့သိရပါတယ်။

YBS ကားတွေကို အစိုးရချင်းချိတ်ဆက်တဲ့ G to G စနစ်နဲ့ ဝယ်ယူဖို့လုပ်ဆောင်သွားမှာပါ။ကားလိုအပ်ချက်တွေကိုလည်း အမြန်ဆုံးပြည့်မှီနိုင်အောင်ဆောင်ရွက်နေပါတယ်။ဝယ်ယူသွားမယ့်ကားတွေကိုလည်း ကြံခိုင်မှူရှိတဲ့ ကားတွေ အရည်အသွေး ကောင်းတဲ့ကားတွေဝယ်ယူနိုင်အောင်လုပ်ဆောင်နေပါတယ်ဟု အများပြည်သူသယ်ပို့ဆောင်ရေးအာဏာပိုင်အဖွဲ့အတွင်းရေးမှူး ဒေါ်က်တာမောင်အောင်ကပြောပါတယ်။
နောက်ပိုင်းတွင် ကားသစ်များဝယ်ယူပြီးပါက ယာဉ်စီးခပေးချေတဲ့စနစ်ကို ကဒ်စနစ်ဖြင့်လုပ်ဆောင်သွားမှာဖြစ်ပြီး ငွေကျပ် ဘီလီယံ ၆ဝ ဖိုးအထိ အများပြည်သူသယ်ယူပို့ဆောင်ရေးအတွက်အသုံးပြုရန်လျာထားတယ်လို့သိရပါတယ်။ခေတ်သစ်Photo Credit