တစ်နိုင်ငံလုံးရှိ လိုင်စင်မဲ့ကားများကို RFID စနစ်အသုံးပြု ၍ဖမ်းဆီးစစ်ဆေးမည့်စနစ် သက်ဆိုင်ရာအဖွဲ့အစည်းများထံချပြ၍ သဘောတူလက်မှတ်ရေးထိုးမည်

0

Full article

တစ်နိုင်ငံလုံးရှိ လိုင်စင်မဲ့ without ကားများ ဖြတ်သန်းသွားလာမှုများကို RFID စနစ်အသုံးပြုပြီး ဖမ်းဆီးစစ်ဆေးမည့်စနစ်ကို သက်ဆိုင်ရာအဖွဲ့အစည်းများထံချပြ၍ သဘောတူလက်မှတ်ရေးထိုးသွားမည် ဖြစ်ကြောင်း ကုန်းလမ်းပို့ဆောင်ရေး ညွန်ကြားမှုဦးစီးဌာနက သိရသည်။

ထိုကဲ့သို့ without ကားများကို စစ်ဆေးဖော်ထုတ် အရေးယူနိုင်ရေးအတွက် RFID (Radio Frequency Identification system) ကို တစ်နိုင်ငံလုံး အတိုင်းအတာဖြင့် အကောင်အထည်ဖော် လုပ်ဆောင်သွားနိုင်ရန် အကြံပေးအဖွဲ့ ၅ ဖွဲ့ရွေးထားပြီး ထိုအဖွဲ့မှတစ်ဆင့် လုပ်ဆောင်မည့် ကုမ္ပဏီ အား တင်ဒါခေါ်ယူရွေးချယ်မှုများ ပြုလုပ်နေပြီဖြစ်ရာ ရှေ့ဆက်လုပ်ဆောင်မည့်ကိစ္စများအား သက်ဆိုင်ရာ ဝန်ကြီးဌာနများကိုချပြ၍ ကုမ္ပဏီ နှင့် သဘောတူလက်မှတ်ရေးထိုးသွားမည်ဖြစ်ကြောင်း သိရသည်။

"အခုလက်ရှိ RFID စနစ်လုပ်ဆောင် ဖို့ အကြံပေးအဖွဲ့ ၅ ဖွဲရွေးချယ်ထားတယ်။ အဲ့ဒီအဖွဲ့ကနေ တင်ဒါခေါ်ယူတဲ့ ကုမ္ပဏီ ကိုရွေးမယ်။ပြီးရင် ဝန်ကြီးဌာန တွေကို ညှိနှိုင်းချပြတာတွေလုပ်မယ်။ ကုမ္ပဏီ နဲ့ သဘောတူလက်မှတ်ရေးထိုးပြီး လုပ်ဆောင်သွားမယ်။"ဟု ကုန်းလမ်းပို့ဆောင်ရေး ညွန်ကြားမှုဦးစီးဌာနတာဝန်ရှိသူတစ်ဦးက ပြောကြားသည်။

RFID (Radio Frequency Identification )စနစ်မှာ မော်တော်ယာဉ်များအား ယာဉ်မှတ်ပုံတင်ခြင်း ရှိ၊မရှိကို စက်ဖြင့် စမ်းသပ်တိုင်းတာရုံဖြင့် အလိုအလျောက်သိရှိနိုင်သည့်စနစ်ဖြစ်ကြောင်း သိရသည်။

Regulation

Author