တိုယိုတာ ကုမ္ပဏီသည် United States တွင် ရောင်းချထားသော သူ၏ RAV4 ကားပေါင်း ၇၆ဝဝဝဝ ကျော်နဲ့ Lexus HS 250h Hybrid Compact Sedan ပေါင်း ၁၈ဝဝဝ ကျော်ကို စက်ရုံသို့ပြန်လည်အပ်နှင်းရန် ဗုဒ္ဓဟူးနေ့တွင်ကြေငြာလိုက်သည်။ ပြဿနာမှာ အနောက် Suspension ၏ ဒေါက်တစ်ခုတွင် ဆွေးမြေ့ပျက်စီးမှုဖြစ်ကာ ပြုတ်ထွက်နိုင်သည့်ဘေးအန္တရာယ်ရှိနေခြင်းကြောင့်ဖြစ်သည်။ affect ဖြစ်သည့်ကားမော်ဒယ်များမှာ RAV4 2006 မှ 2011 မော်ဒယ်အထိဖြစ်ပြီး၊ Lexus HS250h 2010 မော်ဒယ်များဖြစ်ကြောင်းသိရှိရသည်။

တိုယိုတာကုမ္ပဏီမှ ပြောရေးဆိုခွင့်ရှိသူ၏ အဆိုအရ wheel alignment service လုပ်ဖူးသောကားများသာ ပြန်လည်တပ်ဆင်ချိန်တွင် Nut အချို့ကို သေချာမတပ်ဆင်ထားခဲ့ပါက အထက်ပါ ဆွေးမြေ့ပျက်စီးပြုတ်ထွက်သည့် အန္တရာယ်ရှိကြောင်းထုတ်ဖော်ပြောကြားခဲ့သည်။ တိုယိုတာကုမ္ပဏီအနေဖြင့်လည်း သူ၏ Maintenance Guide ကိုပြန်လည် ပြင်ဆင်ပြီး အထက်ပါ ပြဿနာများမရှိအောင်မည်သို့ပြုပြင်ရမည်စသည်တို့ကိုမကြာမီအချိန်အတွင်းထုတ်ဝေသွားမည်ဟုဖြေကြားခဲ့သည်။

ယခုလို ယာဉ်ပြဿနာကို ဦးစွာတွေ့ရှိခဲ့သည့်ဌာနမှ အမေရိကန်နိုင်ငံ National Highway Traffic Safety Administration (NHTSA) ဖြစ်သည်။ ယင်းဌာနမှ June 4 မှ စ၍ အထက်ပါပြဿနာများဖြစ်သော 2006-2008 မော်ဒယ် RAV4s ၄၆ဝဝဝဝ ခန့်ကို စစ်ဆေးလေ့လာခဲ့ခြင်းမှ ဤ Rear Suspension ပြဿနာကို ကောက်ချက်ချနိုင်ခဲ့ခြင်းဖြစ်သည်။ NHTSA ၏အဆိုအရ ဖြစ်နိုင်ချေအရမ်းနည်းသော်လည်း Rear Suspension ပြုတ်ထွက်ပါက ယာဉ်ကိုထိန်းချုပ်မှုကင်းမဲ့သွားနိုင်ပြီး ဘေးအန္တရာယ်များရှိနိုင်ခြင်းကြောင့် တိုယိုတာကုမ္ပဏီကို ယခုလို ကားများပြန်လည် အပ်နှံစစ်ဆေးပေးရန် စေခိုင်းလိုက်ခြင်းဖြစ်ပါသည်။

မြန်မာပြည်တွင်လည်း RAV4s များ အင်မတန်လူကြိုက်များကြောင်း ကျွန်တော်တို့သိရပါသည်။ သို့သော် ကားအများစုမှာ ဂျပန်နိုင်ငံမှသွင်းထားခြင်းဖြစ်၍ ဤသတင်းကြောင့် မိတ်ဆွေတို့ စိုးရိမ်ကြောင့်ကြဖြစ်ရန်မလိုပါ။ သို့သော် – သင်၏ RAV4 သို့မဟုတ် Lexus HS250h ကို အမေရိကန်မှ သွင်းခဲ့သည်ဆိုလျှင်တော့ စိတ်ပူရမည့်အခြေအနေတစ်ခုဖြစ်ပါသည်။

MyanmarCarsDB – Yangon – 3 Aug 2012

Reference: Reuters