အများပိုင်ယာဉ်လိုင်းတွင် ပါဝင်မည့်ယာဉ်များ ၂ဝဝ၆ မော်ဒယ်အထက်ဖြစ်ရမည်ဆို၍ မော်ဒယ်နိမ့်ကားများ ဝယ်ယူထားမိသော အုံနာများအခက်တွေ့

0

Full article

ရန်ကုန်တိုင်းဒေသကြီး ခရီးသည်သယ်ယူပို့ဆောင်ရေးတွင် အများပိုင်ကုမ္ပဏီများ၌ အများပိုင် ၂ဝဝ၆ မော်ဒယ်နှင့် အထက်ကားများကိုသာ ဝင်ရောက်ပြေးဆွဲခွင့်ရမည်ဖြစ်သဖြင့် မော်ဒယ်နိမ့်ကားများ ဝယ်ယူထားမိသော ယာဉ်ပိုင်ရှင်အုံနာများ အခက်တွေ့နေကြောင်းသိရသည်။ မကြာခင်ကမှ ယာဉ်အိုယာဉ်ဟောင်းစနစ်ဖြင့် အစားထိုးတင်သွင်းဝယ်ယူထားသော ၂ဝဝ၂ မော်ဒယ်နှင့် ၂ဝဝ၃ မော်ဒယ် ယာဉ်ပိုင်ရှင်များ အများပိုင်ကုမ္ပဏီတွင် ဝင်ရောက်ခွင့်ရရှိနိုင်ရန်လိုအပ်နေကြောင်းသိရသည်။

ယာဉ်ဟောင်းအစားထိုးစနစ်နဲ့ ဝယ်ယူထားခဲ့တဲ့ ၂ဝဝ၂ မော်ဒယ် ၂ဝဝ၄ မော်ဒယ်ကားတွေက ဝယ်ထားတာ ဘာမှမကြာသေးဘူး။ လက်ရှိပြေးဆွဲနေတဲ့ကားတွေနဲ့ ၂ဝဝ၆ မော်ဒယ်က ဘာမှသိပ်ကွာတာလည်း မဟုတ်ဘူး။ တစ်ချို့ကားတွေဆိုဝယ်ထားတာ အကြွေးတောင် မကြေသေးဘူးလေ။ အခုဘယ်လိုပြောင်းရမလဲ။ တိုင်းဒေသကြီးအစိုးရအဖွဲ့အနေနဲ့ ဒီသတ်မှတ်ချက်ကို နည်းနည်းပြင်ဆင်ပေးသင့်ပါတယ် ဟု ၃၁ ယာဉ်လိုင်းပိုင်ရှင် ဦးကိုကိုနိုင်ကပြောသည်။
အများပိုင်ကုမ္ပဏီယာဉ်လိုင်းများတွင်ပါဝင်ခွင့်ရရှိရန် လွတ်တော်သို့တင်ပြတောင်းဆိုမှူများပြုလုပ်သွားမည်ဖြစ်ကြောင်းသိရသည်။ ခေတ်သစ်

Author