ကားအစီးရေ ၂ဝဝဝ ကျော် ရပ်နားနိုင်မည့် ကားပါကင်ကို ရန်ကုန်မြို့ မီးရထားပိုင် မြေနေရာတွင် တည်ဆောက်သွားရန်ရှိ

0

Full article

ယာဉ်အစီးရေ တိုးပွားလာခြင်းနှင့်အတူ ယာဉ်ရပ်နားရန် ကားပါကင်မှာလည်းလိုအပ်လျက်ရှိနေရာ ကားအစီးရေ ၂ဝဝဝ ကျော် ရပ်နားနိုင်မည့် ကားပါကင်တည်ဆောက်သွားရန်ရှိကြောင်းသိရသည်။ အဆိုပါ ကားအစီးရေ ၂ဝဝဝ ကျော်ရပ်နားနိုင်မည့် ကားပါကင်တည်ဆောက်မည့် မြေနေရာကို ရန်ကုန်မြို့ ယာဉ်သွားလာမှုများသည် မီးရထားပိုင်မြေနေရာတွင်တည်ဆောက်သွားမည်ဖြစ်သည်။

ကားအစီး ၂ဝဝဝ ကျော်ရပ်နားလို့ ရမယ့် ကားပါကင်ကို မီးရထားပိုင်မြေနေရာမှာ တည်ဆောက်ဖို့ အစိုးရအဖွဲ့ကို တင်ပြထားပါတယ်။ ယာဉ်သွားလာမှုပိုများနိုင်ပြီး တစ်ကယ်လိုအပ်ချက်ရှိနေတဲ့ နေရာမှာ တည်ဆောက်သွားမှာပါ ဟု မြန်မာ့ မီးရထားတာဝန်ရှိသူတစ်ဦးမှ ပြောခဲ့သည်။

မြန်မာ့ မီးရထားပိုင်နေရာတွင် တည်ဆောက်ရန် လျာထားသည့်နေရာများမှာ သမ္မတရုံအနောက်ဘက် ကြည့်မြင်တိုင်မီးရထားပိုင်နေရာနှင့် ပုဇွန်တောင်တိုင်မြို့နယ် တို့တွင် တည်ဆောက်သွားမည်ဖြစ်ရာ တင်ဒါစနစ်ဖြင့်ပေးအပ်၍ လုပ်ဆောင်သွားမည်ဖြစ်ကြောင်းသိရသည်။

ခေတ်သစ်

Author