ရန်ကုန်မြို့ ယာဉ်ကြောကြပ်တည်းမှုဖြစ်ပွား သည့်နေရာများအား ယာဉ်ထိန်းအင်အားများတိုးချဲ့ ဖြေရှင်းသွားမည်

0

Full article

ရန်ကုန်မြို့ယာဉ်ကြောကြပ်တည်းမှုဖြစ်ပွားနေသည့် နေရာများအားယာဉ်ထိန်းအင်အားပိုပိုအသုံးပြု၍ ရက် ၁ဝဝ စီမံချက်အတွင်းလုပ်ဆောင်သွားမည်ဖြစ်ကြောင်း ရန်ကုန်တိုင်းယာဉ်ထိန်းရဲတပ်ဖွဲ့မှူးရုံးတာဝန်ရှိသူတစ်ဦးကပြောသည်။ ရန်ကုန်တိုင်းဒေသကြီး အတွင်းတွင် ယာဉ်ထိန်းရဲတပ်ဖွဲ့ အင်အား ၉ဝဝ ကျော်ခန့်ရှိပီး ယာဉ်ထိန်းရဲအရေအတွက် ၁ဝဝ အား မြန်မာနိုင်ငံရဲတပ်ဖွဲ့မှထပ်မံချပေး၍ သင်တန်းများပေးကာ ယာဉ်ပိတ်ဆို့မှူဖြစ်ပွားသည့် နေရာများကို ဖြေရှင်းသွားမည်ဖြစ်သည်။

ယာဉ်ကြောကြပ်တည်းမှုဖြစ်ပွားနေတဲ့နေရာတွေကို ယာဉ်ထိန်းအင်အားတွေတိုးပီး ဖြေရှင်းသွားမှာပါ။ ယာဉ်ကြောကြပ်တည်းမှူက ယာဉ်မောင်းသူတို့ကိုယ်တိုင် အသိစိတ်ကိုယ်စီနဲ့ ယာဉ်စည်းကမ်းလိုက်နာဖို့လည်းလိုပါတယ်။ဟု ရန်ကုန်တိုင်းဒေသကြီး ယာဉ်ထိန်းရဲတပ်ဖွဲ့ မှူးရုံးတာဝန်ရှိသူတစ်ဦးကပြောသည်။

ရန်ကုန်မြို့တွင်ယာဉ်ကြောကြပ်တည်းမှူဖြစ်ပွားသည့်နေရာများဖြစ်သော လှည်းတန်းလမ်းဆုံ၊မြေနီကုန်းလမ်းဆုံ၊မြောက်ဥက္ကလာပအဝိုင်း၊ထောက်ကြံလမ်းဆုံ၊စော်ဘွားကြီးကုန်း၊သံဈေးအနီး၊ဆူးလေဘုရားလမ်းနှင့်ချောတွင်းကုန်းနေရာများ၌ယာဉ်ထိန်းရဲအင်အားများပိုမိုတိုးမြင့်ထားရှိသွားမည်ဖြစ်ကြောင်းသိရသည်။

Author