ဖရီးပါမစ်ကားဈေးကွက်အေးနေပြီး စလစ်ကားအသုံးတည့်သူများသာ အဝယ်ရှိ

0

Full article

ကားဈေးကွက်တွင် ဖရီးပါမစ်ကားများမှာ ရန်ကုန်လိုင်စင် မချပေးသေးသဖြင့် နယ်လိုင်စင်ကိုသာ အဓီကထား ရောင်းချနေရသည်။ သို့သော်လည်း နယ်လိုင်စင်သာအားထထားရောင်းနေရသည့် ဖရီးပါမစ်ကားများပါအရောင်းအဝယ်အေးလာပြီး အရေးတကြီးဝယ်မည့် သူများကိုသာ အားထားရောင်းနေရသည်။ ထို့အတူ စလစ်ကပ်ကားဈေးနှုန်းများမှာလည်း ဈေးတန်းတစ်ခုတွင်တန့်နေကာ အရောင်းအဝယ်နည်းပါးမှုရှိနေကြောင်းသိရသည်။

လက်ရှိကားဈေးကွက်အတွင်းတွင် နှစ်၂ဝ သက်တမ်းရှိအမည်ပေါက်စလစ်တစ်ဆောင်လျှင် ကျပ် ၈၈ သိန်း ရှိ၍ တက္ကစီ စလစ်တစ်ဆောင်လျှင် ၈၇ သိန်း ဝန်းကျင်ဖြင့် အရောင်းအဝယ်အေးဆက်နေလျှက်ရှိကြောင်းသိရသည်။

ရန်ကုန်လိုင်စင်ပိတ်ထားတော့ နယ်လိုင်စင်ကားတွေကို အရင်အပတ်လောက်က အဝယ်ရှိသေးတယ်။အခု အရင်လို အဝယ်ပေးသွားပီ။တော်တော်များများက ရန်ကုန်လိုင်စင်နဲ့ပဲလိုချင်ကြတယ်။ပြန်ရောင်းရတာလည်းလွယ်တယ်။အရေးတကြီးအသုံးပြုမည့်သူလောက်ကိုပဲ ရောင်းနေရတယ်။ လာမေးတဲ့သူတွေကလည်း ရန်ကုန်လိုင်စင်ကိုပဲလာမေးကြတာပါဟု လှိုင်ယာဉ်ရောင်းဝယ်ရေးစခန်းမှ ကားဝယ်ရောင်း ကိုမင်းမင်းကပြောသည်။

စလစ်ကားရှားပါးနေသော်လည်း စလစ်ဈေးထပ်မံမြင့်တက်လာခြင်းမရှိပဲ စလစ်ကားများပါ အရောင်းအဝယ်နည်းပါးနေကြောင်းသိရသည်။

ရန်ကုန်ကားတင်သွင်းသည့် မူဝါဒထွက်ပေါ်လာမည့်အချိန်ကိုသာ စောင့်နေရတဲ့ အချိန်ဖြစ်နေတာကြောင့် မူဝါဒတစ်ခု အမြန်ဆုံးချပေးရန်သာလိုကြောင်းသိရသည်။
ခေတ်သစ်

Author