ယနေ့မနက် ဒီဇင်ဘာလ ၈ ရက်မှ စပြီး ကမ်းနားလမ်းပေါ်ရှိမြို့ထဲ အသွား ကမ်းနားဘက်ခြမ်းတွင် ကွန်တိန်နာယာဉ်များ တန်းစီရပ်တန့်ထားသောကြောင့် ယာဉ်ကြောပိတ်ဆို့မှုဆိုးရွားစွာဖြစ်ပေါ်နေ

0

Full article

ယနေ့မနက် ဒီဇင်ဘာလ ၈ ရက်မှ စပြီး ကမ်းနားလမ်းပေါ်ရှိမြို့ထဲ အသွား ကမ်းနားဘက်ခြမ်းတွင် ကွန်တိန်နာယာဉ်များ တန်းစီရပ်တန့်ထားသောကြောင့် ယာဉ်ကြောပိတ်ဆို့မှုဆိုးရွားစွာဖြစ်ပေါ်နေသည့်အပြင် လမ်းသွားလမ်းလာပြည်သူများမှာလည်း စိတ်အနှောက်အယှက်ဖြစ်ပြီး ရုံးသမားများနှင့် ဝန်ထမ်းအချို့လည်း ရုံးနောက်ကျခြင်း အလုပ်များပျက်ကွက်ခြင်းများဖြစ်ပေါ်နေကြောင်း သတင်းရရှိပါတယ်။

လမ်းသွားလမ်းလာ နှင့် ခရီးသည်များကို မေးမြန်းသည့်အခါ ကုန်တင်ယာဉ်နဲ့ ကုန်သေတ္တာယာဉ်များ ဒီဇင်ဘာ ၇ ရက်နေ့မှစ၍ ညအချိန်တွင်သာ သွားလာရမည် ဆိုသောကြောင့်ယာဉ်ပိုင်ရှင်များ ဆန္ဒပြနေကြခြင်းဖြစ်ကြောင်းပြောထားသော်လည်း ကွန်တိန်နာယာဉ်မောင်းများဘက်မှ တုံ့ပြန်ချက်ကတော့ ကွန်တိန်နာယာဉ်များကို လမ်းပေါ်တွင် ရပ်နားထားခြင်းမှာ ဆန္ဒပြချင်းမဟုတ်ဘဲကွန်တိန်နာယာဉ်များကို ဒီဇင်ဘာ ၇ရက်နေ့မှစ၍ ည ၉ နာရီမှ မနက် ၆ နာရီထိသာ လမ်းများပေါ်တွင် မောင်းနှင်ရန် တိုင်းဒေသအစိုးရကြီးဘက်မှ အချိန်ကန့်သတ်လိုက်ခြင်းကြောင့် ဆိပ်ကမ်းဝင်းအတွင်း ဝင်မရတော့ပဲ ကားများစုပြုံပြီး ရပ်နားထားရခြင်းသာဖြစ်ကြောင်း ပြောပြကြသည်။

ယာဉ်ကြောပိတ်ဆို့မှုမှာ နံနက် ၄ နာရီမှစတင်ဖြစ်ပေါ်လျှက်ရှိပြီး ယခုအချိန်ထိ ယာဉ်ကြောပိတ်ဆို့မှုများဖြစ်ပေါ်နေကြကာလက်ရှိအခြေအနေကတော့ ယာဉ်ကြောပိတ်ဆို့မှုဟာ ကမ်းနားလမ်းတစ်လျှောက်တင်မဟုတ်တော့ပဲ ကမ်းနားလမ်းနဲ့ဆက်နွယ်တဲ့ လမ်းကြိုလမ်းကြားတွေထိပါကူးစက်နေပါတယ်လို့လည်း သတင်းရရှိပါတယ်။

Photo Credit

Author