Full article

သမဝါယမဝန်ကြီးဌာန၏ ပံ့ပိုးငွေကျပ် (၄၅ဝ၅)သိန်းရရှိထားသည့် ပိတောက်ကွေ့သယ်ယူပို့ဆောင်ရေး သမဝါယမအသင်းသည် အသင်းသားများကို အရစ်ကျရောင်းချပေးမည့် တက္ကစီမော်တော်ယာဉ်( ၅၃) စီးကို ဇွန်လ(၂)ရက်နေ့ကစတင်၍ မည်သူ့ကိုမဆို ရောင်းချပေးမည်ဆိုသော်လည်း အသင်းသားအချို့ကို ရောင်းပေးနိုင်ခြင်းမရှိသေးကြောင်းသိရှိရသည်။

news_coop_logo-500x315

သမဝါယမအသင်းခွဲတစ်ခုဖြစ်သော ပိတောက်ကွေ့သယ်ယူပို့ဆောင်ရေး သမဝါယမအသင်းများကိုသာ Probox (၅၃)စီး ရောင်းချပေးခဲ့ပြီး ကျန်သမဝါယမအသင်းသားများကို ဝယ်ယူခွင့်မပေးခဲ့ကြောင်း သိရှိရသည်။ မော်တော်ယာဉ်ဝယ်ယူလိုပါက သယ်ယူပို့ဆောင်ရေးအသင်းဝင်ဖြစ်ရမည်ဖြစ်ပြီး တက္ကစီကို ကိုယ်တိုင်မောင်းနှင်ရမည်ဖြစ်ကြောင်း၊ လက်ရှိအသင်းဝင်(၂ဝဝ)ခန့်ရှိပြီး (၅၃)ဦးသာရရှိသေးပြီး အသင်းဝင်(၁၄၂)ဦးကျန်သေးကြောင်း သိရှိရသည်။

Probox တစ်စီးလျှင် ကျပ်(၁ဝ၅)သိန်းဖြင့်ရောင်းချပေးပြီး ပထမအရစ်ငွေကျပ်သိန်း(၂ဝ) ပေးချေရမည်ဖြစ်ကြောင်း၊ တနေ့လျှင် ငွေကျပ်တစ်သောင်းခန့် သွင်းရမည်ဖြစ်ပြီး(၃၆)လအထိ ပေးသွင်းရမည်ဖြစ်ကြောင်း သမဝါယမဦးစီးဌာန ဒု-ညွန်ကြားရေးမှုး ဦးလှဟန်ကပြောကြားသည်။

the_voice

The Voice Daily မှ ကူးယူဖော်ပြသည်။

Author