ရန်ကုန်လေဆိပ်မှ ဘူတာကြီးအထိ airport shuttle အမြန်ယာဉ်လိုင်း ယာဉ်စီးခ ၅ဝဝ ကျပ်ဖြင့် ဇွန် ၂၂ ရက်တွင် စတင် ပြေးဆွဲသွားမည်

0

Full article

ရန်ကုန်အပြည်ပြည်ဆိုင်ရာ လေဆိပ်မှ ရန်ကုန်ဘူတာကြီး အထိပြေးဆွဲပေးသွားမည့် airport shuttle အမြန်ယာဉ်လိုင်းသစ်ကို ခရီးသည်တစ်ဦးလျှင် ယာဉ်စီးခနှုန်းထား ၅ဝဝ ကျပ်ဖြင့် ဇွန် ၂၂ ရက်တွင် စတင်၍ ပြေးဆွဲပေးသွားမည်ဖြစ်ကြောင်း Omni Focus ကုမ္ပဏီကနေသိရပါသည်။

ရန်ကုန်အပြည်ပြည်ဆိုင်ရာ လေဆိပ်မှ ရန်ကုန်ဘူတာကြီး အထိ ပထမဆုံးပြေးဆွဲပေးမယ့် airport shuttle အမြန်ယာဉ်လိုင်းသစ်ကို ရန်ကုန်အပြည်ပြည်ဆိုင်ရာ လေဆိပ်၊ ၈ မိုင်လမ်းဆုံ၊ ရန်ကုန်ဟိုတယ် ၊ နဝဒေးရုပ်ရှင်ရုံ၊ ကမ္ဘာအေးဘုရားလမ်း၊ Sedona Hotel၊ မြန်မာပလာဇာ၊ Melia Hotel၊ Excel Hotel ၊ ရွှေဂုံတိုင် ၊ ရွှေတိဂုံဘုရား၊ တိရစ္ဆာန်ဥယျာဉ်၊ Park Royal Hotel ၊ သမ္မတရုပ်ရှင်ရုံ၊ Shangri-La Hotel၊ Sule Square ၊ ဆူးလေဘုရား ၊ ရန်ကုန်ဘူတာကြီးအထိ ခရီးစဉ်တစ်လျှောက် မှတ်တိုင် ၁၆ ခုသာ ခရီးသည်အတင်အချပြုလုပ်မည်ဖြစ်ပြီး ကမ္ဘာအေးဘုရားလမ်းကြောင်းအတိုင်း ဖြတ်သန်းပြေးဆွဲပေးသွားမည်ဖြစ်ကြောင်း သိရသည်။

" ရန်ကုန်လေဆိပ်ကနေ ရန်ကုန်ဘူတာကြီးအထိ airport shuttle ယာဉ်လိုင်းကို ဇွန် ၂၂ ရက်မှာစပြီးပြေးဆွဲသွားမယ်။ ယာဉ်စီးခကတော့ ခရီးသည်တစ်ယောက်ကို ၅ဝဝ ကျပ် နှုန်းသတ်မှတ်ထားတယ်။ကားပေါ်ကဆင်းလိုက်တာနဲ့ လေဆိပ်ဝန်းထဲကို ဝင်လို့ရအောင်စီစဉ်ထားတယ်။"ဟု airport shuttle ယာဉ်လိုင်းပြေးဆွဲပေးမည့် Omni Focus ကုမ္ပဏီမှ မန်နေဂျင်းဒါရိုက်တာဦးထွန်းတောက်ဝင်းက ပြောကြားသည်။

ရန်ကုန်လေဆိပ်နှင့် ဘူတာကြီးအထိ airport shuttle သဘောမျို း ချိတ်ဆက်ပြေးဆွဲခြင်း ဖြစ်သောကြောင့် ပြည်ပခရီးသွားများနှင့် နိုင်ငံခြားသားခရီးသည်များပါ စီးနင်းနိုင်ရန် စီမံထားလျှက်ရှိရာ ယာဉ်လိုင်း စစချင်းတွင် ကားအစီးရေ ၃ဝ ခန့်သာ ပြေးဆွဲပေးသွားမည် ဖြစ်ကြောင်းသိရသည်။

Author