Full article

အင်ဂျင်ပါဝါ ၁၃ဝဝ စီစီ အောက်ကားများကို ပါမစ်သီးခြားလျှောက်စရာမလိုဘဲ တင်သွင်းနိုင်မည်ဟု အတည်မပြုနိုင်သေးသော ကောလဟာလသတင်းများထွက်ပေါ်ပြီးနောက် ရန်ကုန်မြို့တွင်ကားဈေးများထိုးကျသွားကြောင်း Yangon Press International မှတစ်ဆင့်ကြားသိရသည်။ အဆိုပါသတင်းကြောင့် ကားဈေးများသာမက ပါမစ်ဈေးများပါထိုးဆင်းသွားကြောင်း ဝယ်ရောင်းမိတ်ဆွေများမှတစ်ဆင့်လည်း သိရပါသည်။

အထက်ပါသတင်းမှာ လက်ရှိဝယ်ပြီးသူများအတွက် သတင်းဆိုးတစ်ခုဖြစ်သော်လည်း နောက်နောင် အိမ်စီးကားငယ်လေးများဝယ်ယူမည့်သူများအတွက်တော့ သတင်းကောင်းတစ်ခုဟုပြောရမှာပါ။ အဆိုပါ အင်ဂျင် ၁၃ဝဝစီစီအောက်ကားအမျိုးအစားများတွင် Suzuki Swift, Toyota Vitz, Honda Fitt, Suzuki Wagon R+ နဲ့အတူ ချယ်ရီကားများလည်းပါဝင်ပါသည်။ တက္ကစီထောင်လိုသူများ၊ အိမ်စီးသုံရန်ဝယ်လိုသူများကြိုက်လေ့ရှိသည့် ကားတော်တော်များများဟု ပြောလို့ရပါသည်။

ဆက်စပ် သတင်းအချက်အလက်တစ်ခုအနေဖြင့် ကျွန်တော်တို့ MyanmarCarsDB တွင်လည်း အတင်အများဆုံးကား များမှာ ၁၃ဝဝ စီစီ အုပ်စုတန်းတွင် ပါဝင်သောကားများဖြစ်ကြောင်း အတည်ပြုပြောကြားအပ်ပါသည်။

တခြားရန်ကုန်တွင် ဘယ်လိုကားမျိုးကို အများဆုံးတွေ့ရှိဖူးသလဲဆိုတဲ့မေးခွန်းကိုလည်း ကျွန်တော်တို့ Facebook Page ပေါ်တွင်မေးထားပါသည်။ ဝင်ရောက်ဆွေးနွေးဖြေကြားပေးပါရန်တောင်းဆိုပါသည်။

Reference: Yangon Press International

Author