ကားရောင်းသူတွေအတွက် ဒီဂျစ်တယ် အရောင်း လမ်းကြောင်း တည်ဆောက်ဖို့ အရေးကြီးတဲ့ အဆင့် ၆ ဆင့်

0

Full article

မော်တော်ယာဉ်ဈေးကွက်ဟာ ကြီးသထက်ကြီးလာနေတာပါ။ ပြိုင်ဆိုင်မှုကလည်း များသထက် များလို့လာနေပါတယ်။ သတိပြုစရာတစ်ခုကတော့ ပြိုင်ဆိုင်မှုဟာ ကားအရောင်းတွေသက်သက်ချည်း မဟုတ်တော့ပါဘူး။

မော်တော်ကားရောင်းချသူတွေ online ဈေးကွက်ကိုဝင်ပြီဆိုကတည်းက ဖြစ်လာနိုင်ဖွယ်ရှိတဲ့ ဝယ်ယူသုံးစွဲသူမယ့်သူတွေရဲ့ အာရုံစိုက်မှုကိုအရယူဖို့လိုလာပါပြီ။ ဒါကြောင့် ကားအရောင်းလုပ်ငန်းနယ်ပယ်အတွင်းသာမက အခြားလုပ်ငန်းတွေနဲ့ကလည်း ပြိုင်ဘက်တွေလိုဖြစ်သွားခဲ့ရပါတယ်။ မီဒီယာဆိုတဲ့အစိတ်ပိုင်းထဲမှာ တီဗီတွေ ရေဒီယိုတွေကနေစပြီး ဒါဇင်နဲ့ချီတဲ့ လမ်းကြောင်းတွေအထိ များစွာပါဝင်ပါတယ်။ မြန်မာနိုင်ငံမှာတော့ Facebook ဟာ ထင်ရှားပြီး စားသုံးသူအများဆုံးစုစည်းမိနေတဲ့ လမ်းကြောင်းတစ်ခုပါပဲ။ လူအမျိုးမျိုး စိတ်ဝင်စားမှုအထွေထွေနဲ့ များပြားလှတဲ့ လူအုပ်ကြီးထဲကနေ ဖြစ်နိုင်ဖွယ်ရာ ဝယ်ယူသုံးစွဲသူတွေရဲ့ အာရုံစိုက်မှုကိုရရှိဖို့ဆိုတာက အချိန်နဲ့အမျှပိုမိုခက်ခဲလာပြီး များများစားစားပျံ့နှံ့ဖို့ဆိုတာကလည်း တန်ဖိုး (ဈေးနှုန်း) အားဖြင့် ပို၍ပို၍မြင့်သထက်မြင့်လို့လာနေတာပါ။

ဒီဆောင်းပါးမှာတော့ Digital Marketers တွေအတွက် အခြေခံအကျဆုံး leads (အလားအလာလို့လည်းခေါ်ဆိုနိုင်ပြီး ဖြစ်လာနိုင်ဖွယ်ရှိတဲ့ ဝယ်ယူအသုံးပြုသူတွေနဲ့ အဆက်အသွယ် 'အစ' ကိုညွှန်းဆိုပါတယ်) တွေနဲ့ အဲဒီ lead တစ်ခုကနေပြီး အရောင်းတစ်ခုဖြစ်သွားအောင် ပြောင်းလဲရာမှာ အရေးကြီးတဲ့အချက် ၆ ချက်အကြောင်းကိုဖေါ်ပြသွားမှာဖြစ်ပါတယ်။ ဒါဟာ digital sales funnel တစ်ခုဖန်တီးဖို့အတွက် အခြေခံတွေပါပဲ။ ဒစ်ဂျစ်တယ်အရောင်းသမားတွေအနေနဲ့ ကိုယ်တိုင်ဖန်တီးဖို့လိုသလို တည်ဆောက်ပြီးသား third party platforms တွေနဲ့လည်း ပူးပေါင်းဖန်တီးလို့ရပါသေးတယ်။ ဥပမာ မြန်မာနိုင်ငံ မော်တော်ယာဉ်ဈေးကွက်နယ်ပယ်ထဲက CarsDB လိုမျိုး third party platforms တွေကိုဆိုလိုတာပါ။ ပိုမြန်ပြီး ပိုလွယ်တဲ့နည်းလမ်းပေါ့။ မြန်မာနိုင်ငံအတွက်ဆိုရင် Facebook marketing တို့ website marketing တို့ဖြစ်ပြီး ဒါတွေဟာ ခေတ်ရေစီးကြောင်းတစ်ခုဖြစ်တဲ့အတွက် ရေစီးကြောင်းအတိုင်းလိုက်ပါစီးမြောနိုင်ဖို့က အရေးကြီးပါတယ်။ ဒါမှလည်း ကိုယ့်ရဲ့ရောင်းအားဟာ ဆထက်ထမ်းပိုးတိုးတက်လာမှာပါ။ လုပ်ငန်းဆိုတဲ့ခေါင်းစဉ်အောက်မှာတော့ အားလုံးသိကြတဲ့အတိုင်း နောက်ကျတဲ့သူဟာ ကျန်နေစမြဲမဟုတ်လား။

Digital sales funnel တစ်ခုကို ကိုယ်တိုင်မတည်ဆောက်ခင်မှာ ရှိပြီးသား၊ အောင်မြင်ပြီးသား third party ကိုအသုံးပြုမယ်ဆိုရင်ဘယ်လိုနေမလဲဆိုတဲ့ မေးခွန်းတစ်ခုရှိလို့နေပါတယ်။ ဒီလိုစဉ်းစားတဲ့အခါမှာ အဲဒီအသုံးပြုမယ့် third party ရဲ့ အရည်အချည်း၊ လုပ်ငန်းကျွမ်းကျင်မှု၊ ပျံနှံ့အားကောင်းမွန်မှုအပြင်ကိုမှာ ဘက်မလိုက်မှုမရှိအောင် အကောင်းဆုံးကြိုးစားနိုင်မှုတွေကလည်း သေချာပေါက်ထည့်သွင်းစဉ်းစားရမယ့်အချက်ပါပဲ။ တစ်ပတ်ရစ်ကားလည်းတစ်ပတ်ရစ်ကားကဏ္ဍ၊ brand new ဆိုလည်း brand new ကဏ္ဍအပြင်ကိုမှ စိတ်ချယုံကြည်ရစရာကောင်းပြီး အချက်အလက်စုံလင်တဲ့ website တွေဘာတွေလည်းပိုင်ဆိုင်ထားဖို့လိုပါသေးတယ်။ အဲဒီလိုမျိုး မီဒီယာတွေဆီက ရရှိနိုင်တဲ့အချက်အလက်တွေ၊ သုံးသပ်ချက်တွေဟာ အမှန်တကယ်ဝယ်ယူမယ့်သူတွေရဲ့ ကိုယ့်အမှတ်တံဆိပ်အပေါ်စိတ်ဝင်စားမှုကို အတိအကျရယူနိုင်မှာဖြစ်တဲ့အတွက် ကိုယ်တိုင် ဒစ်ဂျစ်တယ်လမ်းကြောင်းဖေါက်လုပ်မယ်ဆိုရင်တောင်မှ တွဲဖက်အသုံးပြုဖို့အတွက်က အပေါင်းလက္ခဏာများပြားနိုင်တဲ့အလားအလာအပြည့်ရှိနေတာမျိုးပါ။

မော်တော်ကားဈေးကွက်ရဲ့ အနာဂတ်ဟာ အမှန်တကယ်ဝယ်ယူအသုံးပြုမယ့် ဈေးဝယ်သူတွေကို အာရုံစိုက်ထားရမှာပါ။

အဲဒီ customers တွေကိုတော့ ဈေးကွက်အတွင်း ဝယ်ယူသူတွေလို့ခေါ်ဆိုနိုင်ပြီး ဒစ်ဂျစ်တယ် ဈေးကွက်ရှာဖွေချဲ့ထွင်ရေးကနေပြီး တိုက်ရိုက်ဆက်သွယ်မှုရရှိနိုင်တဲ့သူတွေဖြစ်ပါတယ်။ ဒီလို ပစ်မှတ်ထား ချဉ်းကပ်တာဟာ ဖြစ်နိုင်ခြေရှိသမျှလူများများကိုရောက်ရှိစေဖို့ဆိုတဲ့ သမားရိုးကျချဉ်းကပ်ပုံထက် ကိုယ်နဲ့ဆက်သွယ်မှုကနေတစ်ဆင့် အရောင်းအဝယ်အဖြစ် ပြောင်းလဲလာဖို့နှုန်းပိုကောင်းပြီး အဲဒီထဲကမှတချို့ဟာ လိုအပ်လာချိန်တိုင်း ကိုယ့်ကိုသတိရမိစေဖို့ ပိုပြီးမျှော်လင့်နိုင်ပါတယ်။

ကားရောင်းသူတွေအတွက် စိန်ခေါ်မှုနဲ့ အခွင့်အလမ်းကတော့ leads တွေကနေပြီး အရောင်းအဝယ်အဖြစ်အပြောင်းအလဲဖြစ်လာတဲ့နှုန်းအပေါ်ကြည့်ကာ ဈေးကွက်ရှာဖွေချဲ့ထွင်မှုကိုအကဲဖြတ်ရတာပါ။ Leads အရေအတွက်အပေါ်ကြည့်ပြီး အကဲဖြတ်ရတာမျိုးမဟုတ်ပါဘူး။ လုပ်ငန်းနယ်ပယ်အတွင်း ပြိုင်ဆိုင်မှုတွေ မြင့်တက်လာတာနဲ့အမျှ အရောင်းအဝယ်အဖြစ် ပြောင်းလဲလာနိုင်မှုအပေါ် အာရုံစိုက်ချဉ်းကပ်ခြင်းဟာ ပိုပြီးလက်တွေ့ကျပါတယ်။

စီးပွားရေးလုပ်ငန်းတစ်ခု ကြီးပွားတိုးတက်ဖို့အတွက် နည်းလမ်းနှစ်ခုရှိပါတယ်။ Leads တွေပိုရအောင်လုပ်မလား ဒါမှမဟုတ် ရှိပြီးသား leads တွေထဲကမှ ပိုရောင်းကောင်းအောင်လုပ်မလားဆိုတာပါ။ ကားရောင်းသူတွေအနေနဲ့ကတော့ နှစ်ခုစလုံးလုပ်ဖို့လိုအပ်ပါတယ်။

အရောင်းအဝယ်အဖြစ်ပြောင်းလဲလာစေဖို့ရည်မှန်းချက်ကို အကောင်အထည်ဖေါ်ဆောင်ရာမှာ အရောင်းသမားတွေနဲ့ ဈေးကွက်ရှာဖွေချဲ့ထွင်ရေးသမားတွေဟာ လုပ်ငန်းတစ်ခုလုံးကြီးထွားလာဖို့ မဖြစ်မနေပူးပေါင်းလုပ်ဆောင်ကြရမှာပါ။

Digital Sales Funnel ဖန်တီးခြင်း

မော်တော်ကားရောင်းချတဲ့ ကုမ္ပဏီတစ်ခုဟာ အရောင်းနဲ့ဈေးကွက်ရှာဖွေချဲ့ထွင်ရေးအဖွဲ့တွေရဲ့ အောင်မြင်မှုကို အကဲဖြတ်ဖို့အတွက် digital sales funnel တစ်ခုကို ဖန်တီးထားဖို့လိုပါတယ်။ အဲဒီ sales funnel ဟာ lead အဖြစ်နဲ့ လူဘယ်လောက်များများ funnel ထဲကိုဝင်လာသလဲ၊ အဲဒီ leads တွေမှာမှ လူဘယ်လောက်ဟာ ငွေပေးချေဝယ်ယူခြင်းနဲ့အဆုံးသတ်သလဲဆိုတာကို တိုင်းတာနိုင်ဖို့လိုပါတယ်။

Sales funnel ကနေ online ROI ကို ဘယ်လိုတိုင်းတာမလဲ

Digital media အတွက် အမေးအများဆုံးမေးခွန်းကတော့ ဒါဟာငါ့အတွက် ဘာလုပ်ပေးနိုင်မှာလဲ ဆိုတာပါပဲ။ ဒီရင်းနီးမြှုပ်နှံမှုအတွက် ငါဘာပြန်ရနိုင်မှာလဲ။ ROI (Return On Investment) ပဲဖြစ်ပါတယ်။ ကံကောင်းတာတစ်ခုကတော့ online မှာရှိတဲ့အရာအားလုံးဟာ တိုင်းတာလို့ရတယ်။ လိုက်ကြည့်လို့ရတယ်။ ရလဒ်ကိုပြလို့ရတယ်။ အပေါင်းလက္ခဏာဖြစ်ဖြစ် အနုတ်လက္ခဏာပဲဖြစ်ဖြစ်ပေါ့။ ဒီရလဒ်တွေကို သိထားမှသာလျင် ဘယ်ရင်းမြစ်တွေဆီကိုဘယ်လောက်ဆိုပြီး ခွဲဝေသတ်မှတ်ဖို့ ဆုံးဖြတ်နိုင်မှာပါ။ ဒါမှမဟုတ်လည်း ဘယ်ရင်းမြစ်တွေနဲ့ဆိုရင် လက်ရှောင်ဖို့လိုတယ်ဆိုတာကိုပါ ထည့်သွင်းစဉ်းစားနိုင်တာပေါ့။

ဒီနေရာမှာ အရေးကြီးတဲ့ benchmarks တချို့ရှိနေပါတယ်။ ဒီ benchmarks တွေကနေပြီး digital sales funnel အတွက် အဆင့် ၆ ဆင့်တည်ဆောက်မှုကို ဖြစ်စေခဲ့တာပါ။

အဲဒီအဆင့် ၆ ခုကတော့

  • Leads
  • Leads who can be contacted
  • Appointments set
  • Appointments who show up
  • Sales from those appointments
  • Total conversion rate of the above steps

အဲဒီအဆင့်တစ်ခုခြင်းဆီကို ရာခိုင်နှုန်းနဲ့ပဲတိုင်းတာပါတယ်။ ဒါမှ digital sales လုပ်ငန်းစဉ် တိုးတက်မှုရှိ/မရှိကို အမြန်ဆန်ဆုံး ဖေါ်ထုတ်လို့ရမှာပါ။ နောက်ပြီး အကြီးမားဆုံး အကျိုးသက်ရောက်မှုတွေရရှိစေမယ့် ဈေးကွက်ရှာဖွေချဲ့ထွင်ရေး ကြိုးစားအားထုတ်မှုတွေကိုလည်း ဖေါ်ထုတ်လာနိုင်မှာဖြစ်ပါတယ်။

ကားရောင်းသူတွေအတွက် Digital Sales Funnel တည်ဆောက်ဖို့အဆင့် ၆ ဆင့်

Digital sales funnel ဖန်တီးဖို့အတွက် ဒီအဆင့် ၆ ဆင့်ကို တစ်ချက်လောက်ကြည့်ကြည့်ရအောင်။

  • beachmark ဆိုတာဘာလဲ။
  • ဘာလို့အရေးကြီးတာလဲ။
  • ရလဒ်ကောင်းတစ်ခုဆိုတာဘာဖြစ်မလဲ။
  • ဘယ်လိုတိုးတက်အောင်လုပ်မလဲ။

ပထမဆုံး Leads ကနေ စလိုက်ကြရအောင်။

၁။ Leads

Leads ဆိုတာဘာလဲ။ မော်တော်ယာဉ်ရောင်းချသူတွေအတွက်တော့ Leads ဆိုတာဟာ အရင်းနီးဆုံးသော  မက်ထရစ်အတိုင်းအတာတစ်ခုပါ။ ရောင်းချသူတွေရဲ့ စွမ်းဆောင်ရည်ကို တိုင်းတာတဲ့အခါမှာလည်း အရောင်းအဝယ်လုပ်သူတွေအတွက် leads ဘယ်လောက် ရှာပေးနိုင်စွမ်းရှိလဲဆိုတာနဲ့ အများဆုံး ဆုံးဖြတ်ကြပါတယ်။ Lead ဆိုတာဟာ အဆက်အသွယ်ရရှိလာနိုင်မယ့် အလားအလာရှိ ဘယ်လို customer မျိုးကိုမဆို ခေါ်ပါတယ်။ ဥပမာ - ဖုန်းနံပတ်ပဲဖြစ်ဖြစ်၊ Email လိပ်စာပဲဖြစ်ဖြစ်ပေါ့။

ဘာလို့အရေးကြီးတာလဲ။ ထိပ်တန်း sales funnel တစ်ခုကို ဖြည့်ဆည်းနိုင်ဖို့အတွက် တစ်ခုတည်းသောလမ်းကြောင်းက အရောင်းအဝယ်လုပ်သူတွေကို ပိုမိုများပြားလာအောင်လုပ်ဖို့ပါပဲ။ ဒါကြောင့် leads များများရလေ လူများများထံရောက်ပြီး အရောင်းအဖြစ်အသွင်ပြောင်းဖို့ ပိုပြီးဖြစ်လာနိုင်ဖွယ်ရှိလေပါ။ တကယ်လို့ အရောင်းအဝယ်အဖြစ်ပြောင်းလဲနိုင်မှုနှုန်းက ပုံသေဖြစ်နေပြီဆိုရင် leads များများရအောင် ဆွဲဆောင်ခြင်းအားဖြင့် ပိုမိုတဲ့အရောင်းအဝယ်ဖြစ်လာအောင် လုပ်ဆောင်ရပါလိမ့်မယ်။

Leads အတွက် ကောင်းမွန်တဲ့ ကိန်းဂဏန်းများ။ ယေဘုယျအားဖြင့်တော့ သင့် web ကိုလာရောက်ကြည့်ရှုသူတွေထဲက ၁% ကို digital leads အဖြစ် ပြောင်းလဲနိုင်သင့်ပါတယ်။ အဓိပ္ပါယ်ကတော့ သင့် web ကို တစ်လ လူ ၁၀,၀၀၀ ဝင်ရောက်ကြည့်မယ်ဆိုရင် အနည်းဆုံး လူ ၁၀၀ ကို digital leads အဖြစ် ပြောင်းလဲနိုင်သင့်ပါတယ်။ ဒီနေရာမှာ သင့် web ကနေမဟုတ်ဘဲ တခြား third party

ကနေ ရောက်လာတဲ့ leads တွေကို ထည့်သွင်းတွက်ချက်ရမှာမဟုတ်ပါဘူး။

၁% မဟုတ်ဘဲ ၀.၅% ဆိုရင်တောင်မှ လက်ခံနိုင်တဲ့အရေအတွက် ဖြစ်ပါတယ်။ သင့် web ကို လာရောက်ကြည့်ရှုသူတွေရဲ့ ၁.၅% ဆိုရင်တော့ ဒါဟာ တော်တော်ကြီးကောင်းမွန်တဲ့ အရေအတွက်ပါ။

  • လက်ခံနိုင်လောက်တဲ့ပမာဏ - 0.5%
  • ပျမ်းမျှရှိသင့်တဲ့ပမာဏ - 1%
  • ပုံမှန်ထက်ကောင်းမွန်တဲ့ပမာဏ - 1.5%

တိုးတက်အောင်ဘယ်လိုလုပ်မလဲ။ Leads တွေ ပိုပြီးရရှိဖို့ အရိုးရှင်းဆုံးနည်းလမ်းကတော့ online မှာရှာဖွေဝယ်ယူသူတွေဟာ သူတို့ရဲ့ အချက်အလက်တွေ သင့်ကိုပေးဖို့အတွက် အလွယ်ကူဆုံးဖြစ်အောင်လုပ်ဆောင်ထားခြင်းပါပဲ။ ဘာလိုချင်မှန်း သေသေချာချာမသိသေးတဲ့ online ကနေ ရှာဖွေဝယ်ယူသူတွေအတွက် လူမှုကွန်ယက် chat box တွေနဲ့ အချက်အလက်ဖြည့်စရာ forms တွေကို အလွယ်ဆုံး အတိုဆုံးဖြစ်အောင်လုပ်ထားရမှာဖြစ်ပါတယ်။ ဒါဟာ leads အရေအတွက်တိုးတက်ဖို့အတွက် အကောင်းဆုံးပါပဲလို့ဆိုချင်ပါတယ်။

Leads တွေပိုရဖို့အတွက် ဒုတိယနည်းလမ်းကတော့ ဝင်ရောက်ကြည့်ရှုသူပိုများအောင် လုပ်ဆောင်ခြင်းပါ။ TV commercials တွေကနေပြီး online ကြော်ငြာတွေအဆုံး ဒီအမျိုးအစားအတွက် ငွေကြေးကို အများဆုံးအသုံးပြုကြပါတယ်။

ပြီးမှ ဘယ် channel မှာ ဖန်တီးထားတဲ့ leads တွေဟာ ကိုယ့်ရဲ့ကုန်ကျငွေနဲ့တွက်ချက်ရင် အများဆုံးရနိုင်ခဲ့တယ်ဆိုတာကို သုံးသပ်ရမှာဖြစ်ပါတယ်။ Leads အများဆုံးဖန်တီးနိုင်မယ့် ရင်းမြစ်တွေနောက်ကို အချိန်နဲ့ငွေ ပိုပြီးအသုံးပြုရမှာဖြစ်ပါတယ်။

ပိုပြီးကောင်းမွန်အောင်အတွက်ကတော့ အဲဒီ leads တွေနောက်ကိုလိုက်၊ CRM (ဝယ်ယူအသုံးပြုသူ ဆက်ဆံရေး စီမံခန့်ခွဲမှု - customer relationship management) စနစ်ထဲကိုထည့်ပြီး ဘယ်သူက ငွေပေးချေပြီး အရောင်းအဝယ်ပြုလုပ်သွားတယ်ဆိုတာကို သုံးသပ်ကြည့်ရှုရမှာပါ။ အဲဒီရင်းမြစ်ကနေတစ်ဆင့် ပိုမိုတဲ့ အရောင်းတွေ ရရှိလာဖို့အတွက် အချိန်ကိုအသုံးပြုပြီး ထပ်ဆင့်လုပ်ဆောင်ရမှာပဲဖြစ်ပါတယ်။

၂။ Leads Contacted

Leads Contacted ဆိုတာဘာလဲ။ Digital leads အားလုံးကနေပြီး အဆက်အသွယ်ဖြစ်သွားဖို့က မလွယ်ပါဘူး။ တချို့က email လိပ်စာအတု၊ ဖုန်းနံပတ်အတုတွေ ပေးတတ်ပါတယ်။ Leads contacted ဆိုတာကတော့ သင်ရရှိထားတဲ့ leads တွေကနေပြီး အောင်အောင်မြင်မြင် အဆက်အသွယ်ပြုလုပ်ပြီးတဲ့ ရာခိုင်နှုန်းကို ညွှန်းဆိုပါတယ်။ တကယ်လို့ leads ကနေရရှိလာတဲ့ အဆက်အသွယ်တွေကနေတစ်ဆင့် ဆက်သွယ်ရာမှာ ဖုန်းပြန်မဖြေတာဖြစ်ဖြစ်၊ Email အကြောင်းမပြန်တာဖြစ်ဖြစ် ဖြစ်ရင်တောင်မှ သူတို့တွေဟာ အောင်မြင်ဖို့ကြိုးစားဆဲ lead contacted အဖြစ်ထည့်သွင်းစဉ်းစားရဦးမှာပါ။ အဲဒီ email နဲ့ဖုန်းတွေက လုံးဝဆက်သွယ်လို့မရရင်တော့ တစ်မျိုးပေါ့။

ဘာလို့အရေးကြီးတာလဲ။ တကယ်လို့ သင့်ရဲ့ lead ကိုမဆက်သွယ်နိုင်ဘူးဆိုရင် သူတို့ကို သင်ရောင်းချလို့မရပါဘူး။ နောက်တစ်ချက်က ရရှိလာတဲ့ lead တွေက ဆိုးသည်ဖြစ်စေ ကောင်းသည်ဖြစ်စေ ဆက်လုပ်စရာကတော့ ရှိနေမှာအမှန်ပါပဲ။ မကြာခဏဆိုသလို ရရှိလာတဲ့ leads တွေဟာ ဆိုးတယ်လို့ သတ်မှတ်ခံရတတ်ပါတတယ်။ ပြန်မဖြေတဲ့ ဖုန်းတွေ၊ အကြောင်းမပြန်တဲ့ email တွေလိုမျိုးပေါ့။ အဲဒီလိပ်စာနဲ့ဖုန်းနံပတ်တွေကဟာ တချို့ဆိုရင် တကယ်ရှိလို့ရှိမှန်း/မရှိမှန်းတောင် မသိရနိုင်တဲ့အတွက် သပ်သပ်ကိုဖယ်ထားသင့်တာတွေပါ။

Leads contacted အတွက် ကောင်းမွန်တဲ့ အရောင်းအဝယ်အဖြစ် ပြောင်းလဲလာနိုင်ဖွယ်ရာနှုန်းက ဘယ်လောက်ဖြစ်သင့်သလဲ။

  • သာမန်ထက် အောက် - 60%
  • သာမန် - 70%
  • သာမန်ထက် အထက် - 80%

ဘယ်လိုတိုးတက်အောင်လုပ်မလဲ။ သင်တကယ်လိုအပ်မယ့် ဆက်သွယ်မှုတွေကိုပဲတောင်းဆိုပါ။ နောက်တစ်ချက်က အဆက်အသွယ်လုပ်ရာမှာ သင့်ဧည့်သည်တွေကို သူတို့နှစ်သက်တဲ့ လမ်းကြောင်းအတိုင်းရွေးချယ်ခွင့်ရကြပါစေ။ ဥပမာအနေနဲ့ကတော့ တချို့က email ကနေပြီး စာနဲ့ရေးရတာကြိုက်တယ်။ တချို့တွေကတော့ ဖုန်းနဲ့ပြောရတာကိုကြိုက်တယ်။ တချို့ကတော့ messenger အသုံးပြုပြီးဆက်သွယ်ရတာကိုကြိုက်တယ်။ သူတို့ကြိုက်တဲ့လမ်းကြောင်းတိုင်းအတွက် ကိုယ်က အဆင်သင့်ဖြစ်နေရမှာပါ။

တကယ်လို့ သင့်အနေနဲ့ ရောက်လာတဲ့ leads တွေထံကနေ ဖုန်းနံပတ် ဒါမှမဟုတ် email လိပ်စာတောင်းတာမျိုးလုပ်မယ်ဆိုရင်လည်း လုပ်သင့်ပါတယ်။ ဘာဖြစ်လို့လဲဆိုတော့ သူတို့အတွက်စုံစမ်းမေးမြန်းမှုတွေကနေ အတိအကျပြန်လည်ဖြေကြားမှုကိုလိုချင်ကြတာမို့လို့ပါပဲ။ ရှည်လျားထွေပြားတဲ့ forms တွေ၊ အခြေခံ သတင်းအချက်အလက်တွေရရှိဖို့အတွက် အကန့်အသတ်ဖြစ်စေတဲ့ forms တွေဆိုရင်တော့ ရလဒ်အဖြစ် ဆိုးရွားတဲ့ အချက်အလက်တွေပဲ မကြာခဏရရှိတတ်တာကို သတိပြုပါ။ Customers တွေအတွက် စိတ်ကသိကအောက်ဖြစ်စရာ လုပ်ငန်းစဉ်မျိုးတွေ မထားရှိသင့်ပါဘူး။

၃။ Appointments Set

Appointments set from converted web leads.

Appointments set ဆိုတာဘာလဲ။ Lead တစ်ခုနဲ့ ဆက်သွယ်မိပြီဆိုရင် နောက်ထပ်အကောင်းဆုံးခြေလှမ်းကတော့ အဲဒီလူနဲ့တွေ့ဆုံဖို့ပါပဲ။ Appointments set ဆိုတာဟာ lead ကနေဆက်သွယ်ပြီး တွေ့ဆုံဖို့အချိန်းအချက်လုပ်ဖြစ်တဲ့ ရာခိုင်နှုန်းကိုညွှန်းဆိုပါတယ်။

ဘာလို့အရေးကြီးတာလဲ။ အလားအလာရှိဝယ်ယူမယ့်သူတစ်ယောက်ကို သင့်ရဲ့အရောင်းရှိရာဆီ လာရောက်အောင် ခေါ်ဆောင်နိုင်ခြင်းဟာ အရောင်းဖြစ်ဖို့အတွက် အခွင့်အရေးကို မယုံနိုင်လောက်အောင် မြင့်တက်စေပါတယ်။ နောက်တစ်ခုက သင့်အရောင်းဌာနကနေ သူတို့နဲ့ ဆက်သွယ်နိုင်မယ့် အချက်အလက်တွေကို အတည်ပြုပြီးသွားဖြစ်သွားမယ့်အပြင် သူတို့လိုချင်တဲ့ အကောင်းဆုံးမော်တော်ယာဉ်အမျိုးအစားကိုလည်း တစ်ခါတည်း သိရှိဖေါ်ထုတ်ပြီးသွား ဖြစ်သွားနိုင်ပါသေးတယ်။

Appointments set အတွက် အကောင်းဆုံးအရောင်းအဝယ်အဖြစ်ပြောင်းလဲပေးနိုင်တဲ့နှုန်းက ဘယ်လောက်ဖြစ်သင့်သလဲ။

  • သာမန်ထက် အောက် - 25%
  • သာမန် - 35%
  • သာမန်ထက်အထက် - 40%

ဘယ်လိုတိုးတက်အောင်လုပ်မလဲ။ ဖုန်းနဲ့ email ဖြေဆိုမှုအတွက် တိတိကျကျသတ်မှတ်ထားတဲ့ ဘာသာစကားကိုအသုံးပြုသင့်ပါတယ်။ အချိန်းအချက်တွေရဖို့အတွက် အကောင်းဆုံးနည်းလမ်းတွေကို ဖေါ်ထုပ်ထားဖို့ စမ်းသပ်ထားသင့်ပါတယ်။

ဖုန်းဘယ်လိုပြောမလဲဆိုတဲ့ စာသား (script) တွေကြိုတင်ရေးထားသင့်သလို email အတွက်လည်း ကြိုတင်ပြင်ဆင်ထားတဲ့ template တွေလုပ်ထားရမှာပါ။ ပိုပြီးကောင်းချင်တယ်ဆိုရင်တော့ စာသားနှစ်မျိုး၊ template နှစ်မျိုးထား။ တစ်လကို တစ်ခုသုံးကြည့်ပြီး ဘယ်ဟာကပိုအလုပ်ဖြစ်သလဲဆိုတာကို နှိုင်းယှဉ်ကြည့်သင့်ပါတယ်။ နောက်တစ်လကျရင် နောက်တစ်မျိုးပေါ့။ ဒါမှလည်း သင့်ရဲ့ အရောင်းအဝယ်အဖြစ် ပြောင်းလဲမှုနှုန်းကို ဆက်တိုက် တိုးတက်အောင်လုပ်လို့ရမှာဖြစ်ပါတယ်။ သင့်ရဲ့ဝန်ထမ်းတွေဟာ ဖုန်းအတွက် script တွေ၊​ Email အတွက် template တွေနဲ့ အကျွမ်းတဝင်ဖြစ်လာပြီဆိုရင်တော့ customer တစ်ဦးချင်းစီအလိုက် လိုအပ်တဲ့ အထူးပြုအသုံးအနှုန်းတွေကို ထပ်ပေါင်းထည့်ဖို့ လိုလာပါပြီ။

အချိန်းအချက်တွေပိုပြီးရဖို့ဆိုတဲ့နေရာမှာ နည်းပညာရဲ့ အကူအညီလည်း လိုအပ်ပါသေးတယ်။ ဈေးကွက်ရှာဖွေချဲ့ထွင်ရေးအတွက် အလိုအလျောက် software တွေဟာ ဘယ်သူတွေက သင့်ရဲ့ website ကိုကြည့်တယ်၊ ဘယ်အချိန်မှာ သင့်ရဲ့ emails တွေကိုဖွင့်ကြည့်တယ်ဆိုတာကို ခြေရာကောက်လို့ရပါတယ်။ သင့်ရဲ့ website မှာ ဒါမှမဟုတ် email တွေမှာ သူတို့ active ဖြစ်မယ့်အချိန်ရွေးပြီး အဆက်အသွယ်လုပ်နိုင်ပါတယ်။ (Facebook messenger မှာဆိုရင်တော့ မီးလေး စိမ်းနေတဲ့အချိန်ပေါ့)။ ဒါဟာ သူတို့နဲ့ဖုန်းပြောနိုင်ဖို့ သင့်ရဲ့အခွင့်အလမ်းကို ပိုပြီးမြင့်တက်စေမှာ သေချာပါတယ်။

၄။ Appointments Shown

Rate of showings from converted web leads contacted.

Appointments shown ဆိုတာဘာလဲ။ Appointment shown ဆိုတာကတော့ appointment set ကနေပြီး တကယ်အချိန်းအချက်ပြုလုပ်ထားတဲ့ အရောင်းနေရာကို ရောက်ရှိလာတဲ့ ရာခိုင်နှုန်းပါ။

ဘာလို့အရေးကြီးတာလဲ။ ဒါကတော့ရှင်းပါတယ်။ ချိန်းဆိုထားတဲ့ customer တစ်ယောက် အမှတ်တကယ်ရောက်လာမှသာလျင် အရောင်းအဝယ်ကဖြစ်မှာပါ။ လူချင်းတွေ့ဆုံတဲ့ ဆက်သွယ်မှုဟာ digital ဆက်သွယ်မှုထက် တပန်းပိုသာတာအမှန်ပါပဲ။

အချိန်းအချက်ရှိရာကို ရောက်ရှိလာပြီး အရောင်းအဝယ်ဖြစ် ပြောင်းလဲနိုင်တဲ့ကောင်းမွန်တဲ့နှုန်းက ဘယ်လိုရှိမလဲ။

  • သာမန်ထက် အောက် - 70%
  • သာမန် - 80%
  • သာမန်ထက် အထက် - 90%

ဘယ်လိုတိုးတက်အောင်လုပ်မလဲ။ မေ့မနေအောင်လုပ်ဆောင်ခြင်းဟာ ချိန်းဆိုထားတဲ့နေရာကိုရောက်လာစေဖို့ မရှိမဖြစ်လိုအပ်တဲ့လုပ်ဆောင်မှုပါ။ Email reminders လိုမျိုး နည်းပညာတွေကနေပြီး အခုလိုအခြေအနေမှာ အကူအညီဖြစ်စေပါတယ်။

ပိုပြီး ကောင်းမွန်တဲ့ reminder ကတော့ မန်နေဂျာတွေဆီကနေလာပါတယ်။ သင့်ရဲ့ အရောင်းမန်နေဂျာဟာ ချိန်းဆိုတဲ့နေ့မတိုင်ခင်မှာ ချိန်းဆိုသူတွေအားလုံးကို ဖုန်းခေါ်ပြီး မေ့မသွားအောင် သတိပေးလေ့ရှိပါသလား။

နောက်ဆုံးအနေနဲ့ကတော့ ချိန်းဆိုမှုပြုလုပ်ခြင်းဟာ သင့်ရဲ့ဝန်ထမ်းတွေ အာရုံစိုက်လုပ်ဆောင်ရမယ့် အဓိကအလုပ်ပါပဲ။ သင့်ရဲ့ဝန်ထမ်းတွေထံကို မနက်တိုင်း အဲဒီနေ့အတွက် ချိန်းဆိုမှုစာရင်းပို့ပေးပါ။ အရောင်းလုပ်သူတိုင်းဟာ အဲဒီလိုလာရောက်မယ့် ဝယ်ယူသုံးစွဲမယ့်သူတွေအတွက် အမြဲတမ်းအသင့်ဖြစ်နေရမှာပါ။

၅။ Appointments Sold

Rate of sales for test drives.

Appointments Sold ဆိုတာဘာလဲ။ ချိန်းဆိုမှုအတိုင်းရောက်လာပြီဆိုပါတော့။ အဲဒီအထဲကမှ ဘယ်လောက်ရာခိုင်နှုန်းဟာ မော်တော်ယာဉ်ဝယ်ယူသွားကြပါသလဲ။

ဘာလို့အရေးကြီးတာလဲ။ ဒါဟာ မော်တော်ယာဉ်အရောင်းလုပ်ငန်းဖြစ်မြောက်ဖို့အတွက် နောက်ဆုံးအဆင့်ပါပဲ။ Lead ရလဒ်တွေကနေပြီး အရောင်းအဖြစ် ပြောင်းလဲပစ်နိုင်ဖို့အတွက် အရောင်းသမားအားလုံးဟာ ပြင်းပြင်းထန်ထန် အနီးကပ် အလုပ်လုပ်ကြရမှာပါ။

Appointments sold အတွက် အရောင်းအဝယ်ဖြစ် ပြောင်းလဲနိုင်တဲ့ကောင်းမွန်တဲ့နှုန်းက ဘယ်လိုရှိမလဲ။

  • သာမန်ထက် အောက် - 60%
  • သာမန် - 70%
  • သာမန်ထက် အထက် - 80%

ဘယ်လိုတိုးတက်အောင်လုပ်မလဲ။ Sales funnel ရဲ့ အခြေခံအဆင့်ကနေပြီး အရောင်းအဝယ်ဖြစ်တဲ့အထိ အရောင်းနည်းပညာတွေကို ကိုယ့်ရဲ့ အရောင်းသမားဟာ ကောင်းကောင်းကြီးလေ့လာသင်ယူထားကြရမှာပါ။ အရောင်းဗျူဟာတွေကတော့ မော်တော်ယာဉ်ဈေးနှုန်း၊ ညှိနှိုင်းခြင်း စတာတွေပေါ်အခြေခံပြီး အပြောင်းအလဲဖြစ်နိုင်ပါတယ်။ ယေဘုယျအားဖြင့်တော့ လုပ်ငန်းဆောင်တာကို အကျိုးထိရောက်အောင်လုပ်ပါ။ ပွင့်လင်းမြင်သာပါ။ နောက်ပြီး လေးစားမှုထားပါ။

၆။ Total Conversion of Digital Leads

Lead-to-sale ratio for car sales

Total conversion of digital leads ဆိုတာဘာလဲ။ အရောင်းအဝယ်အဖြစ် စုစုပေါင်းပြောင်းလဲနိုင်လိုက်ခြင်းဟာ သင်ရှာဖွေနေတဲ့ ရွှေအိုးပါပဲ။ ဒါဟာ digital lead ကနေပြီး မော်တော်ယာဉ် အရောင်းအဝယ်ဖြစ်သွားတဲ့ ရာခိုင်းနှုန်းဖြစ်ပါတယ်။

ဘာလို့အရေးကြီးတာလဲ။ အရောင်းအဝယ်အဖြစ် စုစုပေါင်းပြောင်းလဲနိုင်လိုက်နိုင်တဲ့နှုန်းကို သိရှိထားခြင်းဟာ သင့်ရဲ့ ဈေးကွက်ရှာဖွေချဲ့ထွင်ရေး ဆုံးဖြတ်ချက်တွေနဲ့ အရောင်းကဏ္ဍခန့်မှန်းခြင်းတွေကို ပိုပြီးထိရောက်လာအောင် မောင်းနှင်နိုင်စွမ်းရှိပါတယ်။ တကယ်လို့ ၁၀% သော digital leads တွေဟာ မော်တော်ယာဉ်ဝယ်ယူဖြစ်ခဲ့မယ်ဆိုရင် နောက်ထပ် ​Leads ၁၀၀ ထပ်ဖြည့်နိုင်ခဲ့မယ်ဆိုရင် နောက်ထပ် ၁၀% ထပ်မံပေါင်းထည့်လို့ရမယ်ဆိုတာကိုတော့ အားလုံးကသိကြမှာပါဲ။ နောက်ထပ်ရရှိနိုင်မယ့် ရွှေအိုးတစ်လုံးပေါ့။

အရောင်းအဝယ်အဖြစ် စုစုပေါင်းပြောင်းလဲနိုင်လိုက်နိုင်တဲ့နှုန်းက ဘယ်လောက်ဆိုရင် ကောင်းမှာလဲ။

  • သာမန်ထက် အောက် - 6.3%
  • သာမန် - 13.7%
  • သာမန်ထက် အထက် - 23%

ဘယ်လိုတိုးတက်အောင်လုပ်မလဲ။ အရောင်းအဝယ်အဖြစ် စုစုပေါင်းပြောင်းလဲနိုင်လိုက်နိုင်တဲ့နှုန်းကို တိုးတက်လာစေဖို့ဆိုတာကတော့ သင့်ရဲ့ sales funnel ထဲက အားအနည်းဆုံးအဆင့်တွေကို တိုးတက်လာအောင်လုပ်ရမှာပါပဲ။ အထက်ပါဆင့်တွေထဲက တစ်ဆင့်မှာ သာမန်ထက်အောက်ရှိနေခဲ့မယ်ဆိုရင် အဲဒီအပိုင်းကို တိုးတက်အောင်လုပ်ကိုလုပ်ဆောင်ရမှာပါ။

အထက်ပါ အဆင့် ၅ ဆင့်ထဲက စွမ်းဆောင်ရည်အနိမ့်ဆုံးအဆင့်ကို အာရုံစိုက် တိုးတက်အောင်လုပ်ဆောင်ခြင်းအားဖြင့် အကြီးမားဆုံးသော အရောင်းအဝယ်အဖြစ် စုစုပေါင်းပြောင်းလဲနိုင်လိုက်နိုင်တဲ့နှုန်းကို သင်ပိုင်ဆိုင်နိုင်ပါလိမ့်မယ်။

Third Party ကိုအသုံးပြုခြင်း

ဒါကတော့ ရောင်းအားပိုမိုတိုးတက်စေဖို့ ရှိပြီးသား digital sales funnel တွေကိုအသုံးပြုတဲ့လမ်းကြောင်းပါ။ ဥပမာအနေနဲ့ကတော့ မြန်မာနိုင်ငံ ဒစ်ဂျစ်တယ် ကားအရောင်းကဏ္ဍရဲ့ထိပ်ဆုံးမှာရှိနေတဲ့ CarsDB အဖွဲ့အစည်းနဲ့ပတ်သက်ပြီး ပေးချင်ပါတယ်။ သူတို့မှာဆိုရင် တစ်ပတ်ရစ်ကားတွေအတွက် တစ်ပတ်ရစ်ကားအရောင်း ကဏ္ဍရှိတယ်။ Brand New တွေအတွက် သီးသန့် Brand New ကဏ္ဍရှိတယ်။ ဝင်ရောက်ကြည့်ရှုတဲ့အကြိမ်ရေ သန်းနဲ့ချီတဲ့ website ကိုလည်းပိုင်ဆိုင်ထားတယ်။ နောက်တစ်ခုက မြန်မာနိုင်ငံရဲ့ အဓိကလူမှုကွန်ယက်ဖြစ်တဲ့ Facebook မှာလည်း CarsDB page က follower ပေါင်း ၁.၃ သန်းကျော်ရှိနေတယ်။ Digital Sales Funnel အတွက် အရေးကြီးတဲ့အချက် ၆ ခုဖြစ်တဲ့ Leads ၊ Leads who can be contacted ၊ Appointments set ၊ Appointments who show up ၊ Sales from those appointments ၊ Total conversion rate of the above steps အားလုံးကို အဆင်သင့်ရရှိနိုင်အောင်ဆောင်ရွက်ပေးနိုင်မယ့် အဖွဲ့အစည်းမျိုးဖြစ်တယ်။ နောက်တစ်ချက်အနေနဲ့ကတော့ Banner တွေ မီဒီယာကြော်ငြာတွေအသုံးပြုပြီးလည်း ဈေးကွက်ထိုးဖေါက်မှုတွေကို အကောင်းဆုံးလုပ်လို့ရပါသေးတယ်။ နောက်ဆုံးပေမဲ့ အရေးအကြီးဆုံးကတော့ ဘယ်ရင်းမြစ်ကရတဲ့ leads မဆိုကိုယ်နဲ့ အရောင်းအဝယ်ဖြစ်ပြီးတဲ့အခါမှာတော့ ကိုယ့်ရဲ့ဖေါက်သည်ပဲဖြစ်သွားမှာဖြစ်တယ်။ (ဒါကတော့ ကြော်ငြာဝင်တဲ့သဘောဖြစ်နေပေမဲ့ အချက်အလက်တွေဆိုတာက လူတိုင်းတွေ့မြင်နိုင်တဲ့အရာပါ။)

ဆိုတော့... online အရောင်းခေတ်မှာတော့ digital sales funnel တစ်ခုကိုသေချာပေါက် တည်ဆောက်ကြရမှာဖြစ်ပြီး ကိုယ်ဖန်တီးထားတဲ့ funnel ကို ပို၍ပို၍ကောင်းမွန်အောင်ကြိုးစားရင်းနဲ့ ကိုယ့်ရဲ့ရောင်းအားကို ပို၍ပို၍တိုးတက်လာအောင်တည်ဆောက်ရမှာပါ။ ဒီထက်ပိုပြီး တိုးတက်မှုနှုန်းမြန်ဆန်ဖို့၊ ပိုမိုတဲ့ leads တွေရရှိဖို့၊ အဲဒီ leads တွေကနေ အရောင်းအဖြစ် အပြောင်းအလဲဖြစ်မှုနှုန်းများသထက်များဖို့ဆိုတာကတော့ အထက်မှာပြောခဲ့သလိုပါပဲ။ အကောင်းဆုံးသော third party ကို အကောင်းဆုံးအသုံးပြုသွားဖို့ပဲဖြစ်ပါတော့တယ်။    

Ref: 6 Steps to Building a Digital Sales Funnel for Car Dealers

Author