Full article

ကမ္ဘာ့ထိပ်တန်း ကားထုတ်လုပ်ရေးကုမ္ပဏီတစ်ခု ဖြစ်သော Aston Martin သည် လျှပ်စစ်ကားဈေးကွက်ကို ဝင်ရောက်ရန် ကြိုးပမ်းသည့်အနေဖြင့် မြင်းကောင်ရေ 1000 အားအထိ ထုတ်ပေးနိုင်မည့် လျှပ်စစ်ကားအမျိုးအစားတစ်ခုကို တီထွင်ဖန်တီးနေကြောင်း CEO ဖြစ်သူ Dr. Andy Palmer က ပြောကြားခဲ့သည်.။

dsf0440-500x333

အသစ်ထုတ်လုပ်မည့် လျှပ်စစ်ကားသည် Sedan အမျိုးအစားဖြစ်ပြီး Aston Martin Rapide S ပေါ်တွင် အခြေခံ၍ ထုတ်လုပ်ထားသောကားတစ်စီးဖြစ်သည်.။ ဈေးကွက်တင်ရောင်းချမည့် အချိန်ကာလကို အတိအကျဖော်ပြခြင်းမရှိသောလည်း (၂) နှစ်အတွင်း ဈေးကွက်တင်နိုင်ရန် ကြိုးပမ်းသွားမည်ဖြစ်ကြောင်း သူကဆိုသည်.။ မြင်းကောင်ရေ 1000 အထိ ထုတ်လုပ်ပေးနိုင်မည်ဖြစ်သော Super Sedan အမျိုးအစားဖြစ်သည်.။

MyanmarCarsDB မှ Sedan ကားများကိုကြည့်ရန်

လျှပ်စစ်ကား၏ ဈေးနှုန်းကို အတိအကျမဖော်ပြသော်လည်း Rapide S ၏ ဈေးကွက်တင်ရောင်းချသော ဈေးနှုန်းမှာ $200,000 ဖြစ်သောကြောင့် လျှပ်စစ်ကား၏ ဈေးနှုန်းမှာ $300,000 ခန့်ရှိမည်ဟု ခန့်မှန်းထားသည်.။

လတ်တလောဈေးကွက်အတွင်း ထုတ်လုပ်ပြီးဖြစ်သော Tesla လျှပ်စစ်ကား Model S ၏ ဈေးနှုန်းမှာ $120,000 ဖြစ်သည်.။ Aston Martin မှ ထုတ်လုပ်သောကားများကို လတ်တလောတွင် V8 နှင့် V12 အင်ဂျင်များ တပ်ဆင်အသုံးပြုထားပြီး ယခုလျှပ်စစ်ကား၏ အခြေခံကားဖြစ်သော Rapide S သည် မြင်းကောင်ရေ 550 ကောင်အားအထိ ထုတ်လုပ်ပေးနိုင်သည်.။ Rapide S သည် 0 – 60 mph ကို 4.7 စက္ကန့်အတွင်း ရောက်ရှိနိုင်သည်ကို တွေ့ရသည်.။

ကမ္ဘာ့ထိပ်တန်း ကားကုမ္ပဏီကြီးများမှ လောင်စာဆီချွေတာနိုင်၍ သဘာဝပတ်ဝန်းကျင်ကို အထောက်အကူပြုသော လျှပ်စစ်ကားများကို ထုတ်လုပ်လာခဲ့ရာ Audi ၏ R8, Marcedes ၏ SLS တို့ကိုလဲ လျှပ်စစ်ကားများအဖြစ် ထုတ်လုပ်ခဲ့ပြီးဖြစ်သည်.။

Ref: Business Insider

Aung Mon Chan

www.myanmarcarsdb.com

No. 1 Car Site in Myanmar

Author