ပင်မစာမျက်နှာ
ကားသတင်းများ
လူသိနည်းသော Andorra နိုင်ငံတွင် တစ်နိုင်ငံလုံး အရောင်းရဆုံးမော်တော်ကားမှာ Porsche 911 ဖြစ်နေ …

လူသိနည်းသော Andorra နိုင်ငံတွင် တစ်နိုင်ငံလုံး အရောင်းရဆုံးမော်တော်ကားမှာ Porsche 911 ဖြစ်နေ …

870 views

ဥရောပမှာ ကားလုပ်ငန်း၏ ဧကရာဇ်ဟုဆိုလျှင် Porsche 911 မှာ မကိုဋ်ထိပ်မှ စိန်ပွင့်ကြီးတစ်ခုပမာ ဖြစ်သည်။

ဂျာမနီသည် ကားထုတ်လုပ်မှုတွင် ထိပ်တန်းနိုင်ငံကြီးတစ်ခု ဖြစ်သည်။

ပြိုင်ကားနယ်ပယ်တွင် Porsche 911 မှာ စံနမူနာတစ်ခုသဖွယ် ရပ်တည်နေသည်။

ဥရောပမှ လူသိနည်းသော နိုင်ငံငယ်တစ်ခုတွင် Porsche 911 မှာ အရောင်းရဆုံးကား ဖြစ်နေသည်။

((Andorra တွင် အဘယ်ကြောင့် Porsche 911 များ များစွာဝယ်ယူနိုင်ကြသနည်း))

Andorra အကြောင်း ကြားဖူးသူ နည်းပါးနိုင်သည်။

Andorra သည် ပြင်သစ်နှင့် စပိန်ကြားတွင် တည်ရှိပြီး ကုန်းတွင်းပိတ်နိုင်ငံတစ်ခု ဖြစ်သည်။

၂၀၂၃ ခုနှစ် အချက်အလက်များအရ လူဦးရေမှာ ၈၀၈၅၆ ဦးသာ ရှိသည်။

Andorra နိုင်ငံ၏ အကျယ်အဝန်းမှာ မြန်မာနိုင်ငံမှ ရန်ကုန်မြို့၏ အကျယ်အဝန်းမျှပင် မရှိချေ။

Andorra ၏ အကျယ်အဝန်းမှာ ၄၆၇ စတုရန်းကီလိုမီတာ (၁၈၀ စတုရန်းမိုင်) သာရှိသည်။

ရန်ကုန်မြို့၏ အကျယ်အဝန်းမှာ ၅၉၈ စတုရန်းကီလိုမီတာ ဖြစ်သည်။

စပိန်နှင့် ပြင်သစ်ကြားတွင်ရှိသော Pyrenees တောင်တန်းကြီးပေါ်တွင် တည်ရှိသောကြောင့် အလွန်သာယာလှပသည်။

လမ်းဘေးဝဲယာ လှပသာယာလွန်းသော ရှုမျှော်ခင်းများကြောင့် မော်တော်ကားနှင့် ဆိုင်ကယ်များ စီးရန် အလွန်ကောင်းသည်။

(ဓာတ်ပုံ- Caitriana Nicholson)

Andorra နိုင်ငံ အဘယ်ကြောင့် အလွန်ချမ်းသာရသည့်အကြောင်းရင်းကို ကမ္ဘာ့ကျန်းမာရေးအဖွဲ့ကြီး (WHO) က ဖော်ပြခဲ့သည်မှာ Andorra တွင် ဘဏ်လုပ်ငန်းနှင့် ကမ္ဘာလှည့်ခရီးသွားလုပ်ငန်းတို့ အလွန်အားကောင်းပြီး အခွန်နှုန်းထား အလွန်နိမ့်ပါးသောကြောင့်ဖြစ်သည်ဟု ဆိုသည်။

လူဦးရေ ၈၀၀၀၀ မှ ၉၀၀၀၀ ကြားသာရှိကာ သေးငယ်သောနိုင်ငံငယ်လေးတစ်ခု ဖြစ်သည်။

နိုင်ငံငယ်လေးဖြစ်သော်လည်း မော်တော်ကားများကို အရူးအမူး စွဲလမ်းကြသော နိုင်ငံဖြစ်သည်။

((Andorra နိုင်ငံသားတို့က Porsche 911 ကို နှစ်သက်မြတ်နိုးကြ))

Andorra မှာ Porsche 911 ၏ အမာခံပရိသတ်ဖြစ်သည်ဟု ဆိုနိုင်သည်။

Andorra ၏ အရောင်းရဆုံးကားမှာ Porsche 911 ဖြစ်ကြောင်း သိလာရသည်မှာ JATO Dynamics တွင် Automotive Analysis အဖြစ် လုပ်ကိုင်နေသူ Felipe Munoz ကြောင့် ဖြစ်သည်။

Munoz သည် @carindustryanalysis အမည်ရှိ အင်စတာဂရမ် စာမျက်နှာတစ်ခုကို တည်ထောင်ထားပြီး ထိုစာမျက်နှာမှတဆင့် Andorra တွင် အရောင်းရဆုံးကားများစာရင်းကို ဖော်ပြခဲ့သည်။

Andorra တွင် အရောင်းရဆုံး Top 10 ကားများထဲ၌ Porsche မော်ဒယ် ၃ ခုပါဝင်နေသည်။

911 ရောင်းအားမှာ ၂၀၂၄ ခုနှစ်အတွင်း ၄၁ ရာခိုင်နှုန်းအထိ မြင့်တက်ခဲ့ပြီး စုစုပေါင်း အစင်းရေ ၈၃ စင်း ရောင်းချခဲ့ရသည်ဟု ဆိုသည်။

စိတ်ဝင်စားဖွယ်ကောင်းသည်မှာ Cayenne SUV ၏ ရောင်းအားမှာ ၂၀၂၄ ခုနှစ်အတွင်း ၂၈၃ ရာခိုင်နှုန်းအထိ မြင့်တက်ခဲ့ပြီး စုစုပေါင်း အစင်းရေ ၄၆ စင်း ရောင်းချခဲ့ရသည်။

Macan မှာ စုစုပေါင်း အစင်းရေ ၄၅ စင်း ရောင်းချထားရကာ Cayenne အောက် ၁ စင်းသာ နည်းပါးသည်။

Macan ၏ ရောင်းအားမှာ ၂၀၂၃ ခုနှစ် ရောင်းအားနှင့် ထပ်တူဖြစ်သည်။