ဒီတစ်ပတ်အတွက် ရန်ကုန်၊ မန္တလေး ကားဈေးကွက်

ယခုတစ်ပတ်အတွင်း ဂျပန်လေလံများ ယာယီရပ်နားထားသလို CIF တန်ဖိုးအသစ်ကိုလည်း စတင်ရေးဆွဲနေပြီ  ဖြစ်သောကြောင့် အမြင့်ကားဝယ်ယူသူများအနေဖြင့် မ၀ယ်ယူကြသေးဘဲ အခြေအနေတစ်ရပ်ကို စောင့်ကြည့်နေကြသည်။

စလစ်များဈေးများမှာ ဆက်လက်ကျဆင်းလျှက်ရှိပြီး စက်မှုဇုံဂျစ်ကားများ ၀ယ်လိုအားကောင်းသော်လည်း အပ်  မည့်ကားများများသောကြောင့် ကျပ် ၄၂ သိန်းအထိ ဈေးများကျဆင်းသွားခဲ့သည်။ ‘၁က’ အက္ခရာကားများလည်း အ၀ယ် နည်းပါးသောကြောင့် ကျပ် ၇၅ သိန်းအထိ ဈေးကျဆင်းသွားခဲ့သည်။စက်မှုဇုံဂျစ်နှင့် ‘၁က’ အက္ခရာကားများ ဈေးကျဆင်းမှု ကြောင့် တက္ကစီစလစ်ကပ်ကားများလည်း ဈေးများကျဆင်းသွားခဲ့ကာ ကျပ် ၇၅ သိန်းဝင်းကျင်သာရှိသည်။

၂၀၁၅ ခုနှစ်တွင် ကားဟောင်းအပ်နှံပြီး အစားထိုးယာဉ် ပြန်လည်တင်သွင်းရာတွင် အခွန်ရာခိုင်နှုန်း လျော့ပေါ့ပေး တော့မည်မဟုတ်သဖြင့်ဇုန်ဂျစ်များ၏ဈေးနှုန်းသည်လည်း ကျပ်သိန်းသုံးဆယ်ဝန်းကျင်အထိ ကျဆင်းသွားနိုင်ဖွယ်ရှိကြောင်း ကားတင်သွင်းသူများက သုံးသပ်ထားကြသည်။

စက်မှုဇုန်ဂျစ်ကားပိုင်ရှင်များသည် ယင်းတို့၏ကားများရောင်းချပြီး ၆၆၀ စီစီ Carry Truck ကားလေးများကို အစား ထိုးဝယ်ယူကြသဖြင့် ထိုကားလေးများ အရောင်းအ၀ယ်ဖြစ်နေသည်။

Carry Truck ကားလေးများထဲတွင် Suzuki နှင့် Hijet မှာ အရောင်းအ၀ယ်အကောင်းဆုံးဖြစ်နေပြီး ၂၀၁၄ မိုဒယ် အဲကွန်း၊ ပါဝါဖြစ်ပြီး ကားကောင်းလျှင် Suzuki မှာ ၅၇ သိန်းဝင်းကျင် ပေါက်ဈေးရှိကာ Hijet မှာသိန်းခြောက်ဆယ်ဝန်းကျင် ပေါက်ဈေးရှိနေသည်။

ဇုန်စလစ်ကပ်ကားများဖြစ်သည့် Crown ၊ Kluger ၊ RAV4 ၊ ရွှေငါး တို့မှာ ၀ယ်လိုအားမြင့်မားနေသည့်အတွက် ဂျပန်လေလံဈေးများလည်းမြင့်တက်လျက်ရှိသည်။

စလစ်ကပ်ယာဉ်များပြန်လှုပ်လာတဲ့ မန္တလေးကားဈေးကွက်

ယခုတစ်ပတ် မန္တလေးကားဈေးကွက်အတွင်း စလစ်ကပ်ကားများ အရောင်းအ၀ယ်ဖြစ်လျက်ရှိကြောင်း ကား ၀ယ်/ရောင်းဈေးကွက်မှ သိရသည်။

ထို့ပြင် ထိုင်းနိုင်ငံထုတ် Vigo Hilux အမျိုးအစားယာဉ်များကို တောင်ကြီး၊ ကလောစသည့် နယ်ဝယ်လက်တို့မှအ  ကြိုက်များပြီး ကျပ်သိန်းသုံးရာဝန်းကျင်ဖြင့် အရောင်းအ၀ယ်ဖြစ်လျက်ရှိကြောင်း သိရသည်။

ယခုလက်ရှိတွင် အငှားယာဉ်ပြေးဆွဲရန်အတွက် ဈေးကွက်အတွင်းပရိုဘောက်များအစား အင်ဂျင်ပါဝါ ၁၃၀၀ စီစီ  AD Van များမှာ ကျပ် ၇၅ သိန်းမှ သိန်း ၁၀၀ ၀န်းကျင်ဖြင့် အရောင်းအ၀ယ်ဖြစ်လျက်ရှိကြောင်း သိရသည်။

လက်ရှိတွင်မန္တလေးကားဈေးကွက်အတွင်း၌ Mini Truck (ခွေးဘီလူး)ကားလေးများ အရောင်းအ၀ယ်ပုံမှန်ဖြစ်   လျက်ရှိပြီး စက်မှုဇုံထုတ် မီနီထရပ်ကားလေးများလည်းအနည်းငယ်အရောင်းအ၀ယ်ဖြစ်လျက်ရှိကြောင်းနှင့် စက်မှုဇုန်ထုတ် လိုက်ထရပ်ကားများမှာကားဈေးနှုန်းနှင့် လုပ်ငန်းလုပ်ကိုင်နေသူများရှိနေသဖြင့်အရောင်းအ၀ယ်နည်းပါးကြောင်းသိရသည်။

သြဂုတ်လ ၁ ရက်နေ့မှ စတင်အပ်နှံခွင့်ပြုခဲ့သည့် သုံးဘီးယာဉ်များမှာ ကျပ် ၂၈ သိန်းဝင်းကျင်ရှိသော်လည်းယာဉ် အစီးရေနည်းပါးလျက်ရှိသည်။

၂၀၁၄ ခုနှစ် စက်တင်ဘာ ၁ ရက်နေ့မှစတင်၍ နှစ် ၂၀ သက်တမ်းရှိယာဉ်များ အပ်နှံခွင့်ပြုမည်ဆိုသည့်အတွက် စလစ်ကပ်ကားဈေးနှုန်းများ ဆက်လက်ကျဆင်းသွားနိုင်ကြောင်း ကား ၀ယ်/ရောင်း ဈေးကွက်အတွင်းမှ ၀ယ်/ရောင်းများမှ သုံးသပ်ကြသည်။

Ref: Auto Mobile ဂျာနယ်မှထုတ်နုတ်ဖေါ်ပြသည်။       ။

Latest News

ယခုတစ်ပတ်အတွင်းပေါက်ဈေးများ

Awgiaerngiea 150x150

ယနေ့ (၂၉.၃.၂၀၁၇) အတွက် နောက်ဆုံးရရှိသောဈေးနှုန်းများ စလစ်ဈေး- ၁၀၂ သိန်း ဒေါ်လာဈေး - (၁ ဒေါ်လာလျှင် ၁၃၆၂ ကျပ်) ဂျပန်ယန်းဈေး - (၁၀၀ ယန်း...

Read more »

ဧပြီ ၁ ရက်​မှစ၍ စလစ်​ကပ်​ကား...

Mazda 150x150

ယာဉ်အိုယာဉ်​​ဟောင်း ​စလစ်​ကပ်​ကားများကို လာမည့်​ ဧပြီလ ၁ ရက်​မှစ၍ ကြိုတင်​ဝင်​​ငွေခွန်​ ​ကောက်​ခံမည်​ဆိုခြင်း​ကြောင့်​CIF...

Read more »

Bangkok International Motor Show 2017

34qtq34t3q4t3q4 150x150

2017, March 29 မှ April 9 ရက်နေ့အထိကျင်းပတဲ့ 12 ရက်ကြာ Bangkok International Motor Show concept ကို ကျွန်တော်တို့ CarsDB မှအဖွဲ့ဝင်များ...

Read more »

(၁၁) ကြိမ်မြောက် TOYOTA...

G 4 150x150

Toyota Motor Asia Pacific PTE LTD (Toyota) သည် “Toyota စိတ်ကူးအိပ်မက်ကားအနုပညာပြိုင်ပွဲ - နိုင်ငံအဆင့်ပြိုင်ပွဲ” မှ ဆုရရှိသူများအား...

Read more »

လမ်းအန္တရာယ်ကင်းရှင်းဖို့ မိမိကိုယ်တိုင်စတင်စို့...

Crowded yangon 150x150

ရန်​ကုန်​မြို့ တွင်​ လမ်းအန္တရာယ်ကင်းရှင်းရေးအတွက် မိမိကိုယ်တိုင်စတင်စို့ ဆိုသော လှုပ်ရှားမှုတစ်ခုကို ဧပြီလ ၄ ရက်​တွင် ​မဟာဗန္ဓုလပန်းခြံရှေ့တွင်...

Read more »
Download Android App