ဧပြီလမတိုင်မီကပင် ရန်ကုန်အခြေစိုက် အဝေးပြေးယာဉ်လက်မှတ်များ ပြတ်လပ်မှုကြောင့် ခရီး နှစ်ဆင့်၊ သုံးဆင့်သွားလာရန် စီစဉ်နေရ

ဧပြီလမတိုင်မီကပင် ရန်ကုန်အခြေစိုက် အဝေးပြေးယာဉ် ခရီးစဉ် လက်မှတ်များ ပြတ်လပ်မှုကြောင့် ခရီးနှစ်ဆင့်၊ သုံးဆင့်သွားရန် စီစဉ်နေရကြောင်း အဝေးပြေး ယာဉ်လိုင်းများထံ လက်မှတ် ၀ယ်ယူနေကြသည့် ခရီးသည်များထံမှ သတင်းရရှိသည်။

download

သင်္ကြန် ပိတ်ရက်ရှည်တွင် ရန်ကုန်မှ အနယ်နယ်အရပ်ရပ်သို့ ပြေးဆွဲနေသည့် အဝေးပြေးခရီးစဉ် လက်မှတ်များကို ယခင်ကထက် ဈေးနှုန်းနှစ်ဆ ပေးဝယ်နေရကာ ယာဉ်လိုင်းအချို့တွင် ဧပြီလ မရောက်မီကတည်းက သင်္ကြန် ကာလအတွက် ကားလက်မှတ် အားလုံး ပြည့်နေပြီဖြစ်သဖြင့် ခရီးသည်အချို့ နေရပ်ပြန်ရန် ကားနှစ်ဆင့်၊ သုံးဆင့် ပြောင်း၍ သွားလာ ရန် စီစဉ်နေရကြောင်း သိရသည်။ “အစ်မက မကွေးပြန်မှာ၊ လက်မှတ်ကတော့ အရင် ကိုးထောင်ပေးရတယ်၊ အခု သင်္ကြန်နားနီးလို့ ၁၈,၀၀၀ ပေးဝယ်ရတယ်၊ သူငယ်ချင်းတစ်ယောက်ဆိုရင်လည်း မကွေးပြန်မှာပါ၊ ဒါပေမဲ့ လက်မှတ် လုံးဝမရတော့ ရေနံချောင်းကို တစ်ဆင့်စီးပြီးမှ မကွေးကား ထပ်စီးရမှာ၊ တချို့ သူငယ်ချင်းတွေလည်း လက်မှတ်တွေ သွားဝယ်ကြတာ ကားဂိတ်တွေက အချိန်တွေပြောပြီး သူတို့ ရောင်းတဲ့အချိန်တွေမှာ လာဝယ်ရင် ၀ယ်၊ မ၀ယ်ရင် မရတော့ဘူးလို့ ပြောတယ်၊ အစ်မတို့ကလည်း အလုပ်တွေနဲ့ဆိုတော့ တော်တော်လေး ဒုက္ခရောက်နေတယ်”ဟု မကွေး လက်မှတ်ဝယ်ယူသူ မ၀ိုင်းဝိုင်းက ပြောသည်။ သင်္ကြန် ပိတ်ရက် ရှည်ကာလကြောင့် နယ်သို့ပြန်မည့် ခရီးသည်များ များပြားသဖြင့် ယာဉ်လိုင်းများရှိ လက်မှတ်များ ပြတ်လပ်နေရခြင်း ဖြစ်ကြောင်း သိရသည်။ သို့ရာတွင်လည်း အဝေးပြေး ယာဉ်လိုင်းများတွင် ပြေးဆွဲလျက်ရှိသော ကားများသည် ဧပြီ ၁၁ ရက်အထိ ယခင်သတ်မှတ်ထားသည့် ကားအစီးရေနှင့် သတ်မှတ်ထားသည့်အချိန်အတိုင်း ပြေးဆွဲမည်ဖြစ် ကြောင်း သိရသည်။ အလားတူ တာမွေမြို့နယ်မှ လက်မှတ် အရောင်းကိုယ်စားလှယ် တစ်ဦးကလည်း “ဒီအချိန်ကတော့ လက်မှတ်ဈေးတွေတက်တာ ပုံမှန်လိုဖြစ်နေပါပြီ၊ မြို့ကြီး ခရီးစဉ်တွေထက်စာရင် ယာဉ်ပြေးဆွဲမှုနည်းတဲ့ မကွေးတို့၊ ရခိုင်တို့ ယာဉ်လိုင်း လက်မှတ်ခတွေက နှစ်ဆတက်တယ်၊ တချို့ဆို မှောင်ခိုဈေး ကြောင့်တက်တာ မဟုတ်ဘဲ မူရင်းဂိတ်က ဈေးတင်ပြီးတော့ ရောင်းတာ”ဟု ပြောခဲ့သည်။


 

Ref: Automobile

Latest News

Consignment...

Consignment 150x150

ကားအ​ရောင်းပြခန်းများနဲ့ ကားအ​ရောင်းစင်​တာများက Consignment စနစ်ဖြင့်တင်​သွင်းထားရှိ​သောကားများ ၂၀၁၇ ဇူလိုင်​လ အထိ...

Read more »

BRT ဘတ်​စ်​ကားများကို ထိန်းချူ...

Brtcontrolroom 150x150

ရန်​ကုန်​တိုင်း​ဒေသကြီးအတွင်း ​ပြေးဆွဲ​ပေး​နေ​သော BRT အမြန်​ယာဉ်​ကားများကို ထိန်းချူ ပ်​​စောင့်ကြည့်သွားမည့် Control Room...

Read more »

ယနေ့ (၆.၁၂.၂၀၁၆) အတွက်...

Weekly price 150x150

စလစ်ဈေး အနက် - ၁၁၇ သိန်း အနီ - ၉၈ သိန်း တိုက်ကြေ - ၁၀၆ သိန်းဒေါ်လာဈေး (၁ ဒေါ်လာလျှင် ၁၃၀၆ ကျပ်) ဂျပန်ယန်းဈေး (၁၀၀ ယန်း လျှင် ၁၁၈၁.၃...

Read more »

မီနီဘတ်​စ်​နဲ့စီး​တီးဘတ်​စ်​...

Kanyana 150x150

ရန်​ကုန်​မြို့ တွင်​ ​ပြေးဆွဲ​နေတဲ့ခရီးသည်​တင်​ယာဉ်​များဖြစ်​​သော မီနီဘတ်​စ်​ နဲ့ စီးတီးဘတ်​စ်​...

Read more »
Download Android App