ကားအသစ် အရောင်းပြခန်းများ သတ်မှတ်စီးရေအတိုင်း တင်သွင်းရောင်းချခြင်း မရှိသေးဟုဆို




Brand New ကား အရောင်းပြခန်းအများစုမှာ အစိုး ရကတင်သွင်းရောင်းချရန်သတ် မှတ်ပေးထားသည့် အစီးရေပင် ပြည့်မီအောင်မတင်သွင်းနိုင်သေး ကြောင်း စီးပွားရေးနှင့်ကူးသန်း ရောင်းဝယ်ရေး ဝန်ကြီးဌာနမှ သတင်းရရှိသည်။

အရောင်းပြခန်းတစ်ခုလျှင် အစီးရေ ၃၀၀ အထိ တင်သွင်းရန် ခွင့်ပြုထားသော်လည်း အဆို ပါ အရေအတွက်ကို  ပြည့်မီ အောင် မတင်သွင်းနိုင်ခြင်း ဖြစ် သည်။

လက်ရှိတွင် ရန်ကုန်မြို့၌လာ ရောက်ရင်းနှီးမြှုပ်နှံဖွင့်လှစ်ထား သည့် နိုင်ငံခြားကားကုမ္ပဏီ ၁၃ ခုရှိသော်လည်း အစီးရေ ၁၆၀၀ ကျော်သာတင်သွင်းထားကြောင်း မော်တော်ယာဉ်တင်သွင်းမှုဆိုင် ရာကြီးကြပ်မှုကော်မတီ၏ စာရင်း များမှသိရသည်။

အရောင်းပြခန်းတစ်ခုလျှင် အစီးရေ ၃၀၀ တင်သွင်းပါက အရောင်းပြခန်း ၁၃ ခုဆိုလျှင် အစီးရေ ၃၉၀၀ နီးပါး ရှိရမည် ဖြစ်သော်လည်း ယခုနှစ်ဝက်တွင်၁,၆၀၀ စီးကျော်သာ တင်သွင်းထားသည်။

‘‘အရောင်းပြခန်း တစ်ခုကို အစီး ၃၀၀ တင်သွင်းခွင့်ပေးထား ပေမယ့် အခုချိန်မှာ အများကြီး မသွင်းနိုင်သေးပါဘူး။ အစီးရေ နည်းပါသေးတယ်။ ရှေ့နှစ်မှာ တော့ ဈေးကွက်အခြေအနေကို ကြည့်ပြီး အစီးရေတွေထပ်တိုး တင်သွင်းဖို့ရှိပါတယ်’’ဟု တိုယို တာကားအရောင်းပြခန်းမှ တာ ဝန်ရှိသူတစ်ဦးကပြောသည်။

ပြီးခဲ့သည့်သြဂုတ်ကလည်း အမေရိကန်မှ နာမည်ကြီးဖုိ့ဒ်ကား ကုမ္ပဏီက ရန်ကုန်အရောင်းပြ ခန်းတွင် အစီးရေ ၂၀၀ ကျော်သာ ရောင်းချရကြောင်း သတင်းထုတ် ပြန်ထားသည်။

‘‘ကားတွေသွင်းထားတာ အများကြီး။ ရှိတာပဲကုန်အောင် ရောင်းရဦးမယ်’’ဟု Brand New ကားအရောင်းပြခန်းတစ်ခုဖြစ် သည့် ဒေါင်ဖန်းကုမ္ပဏီမန်နေဂျင်းဒါရိုက်တာဦးအောင်ဝင်းက ပြော ကြားသည်။

Brand New ကားဈေး ကွက်သည် တစ်ပတ်ရစ်ကားဈေး ကွက်ကို မမီနိုင်သေးသော်လည်း Brand New ကားများ ဝယ်ယူ ပါက ဆားဗစ်ရခြင်း၊ အာမခံချက်ပေးခြင်းတို့ကြောင့် နောက်ပိုင်း တွင် မြန်မာပြည် ဈေးကွက်၌Brand New ကားဈေးကွက်က ဦးဆောင်လာနိုင်ကြောင်းအော်တိုကားအရောင်းပြခန်းမှ အရောင်း မန်နေဂျာတစ်ဦးကသုံးသပ်သည်။

ရန်ကုန်တွင် အမေရိကန် နိုင်ငံမှ နာမည်ကြီးချက်ဗလက်ဖို့ဒ်၊ဂျာမဏီနိုင်ငံမှ မာစီဒီးဘင့်ဇ်၊လန် ရိုဗာ၊ ဂျာဂွာ၊ ဂျပန်နိုင်ငံမှ မာဇဒါ၊ နစ်ဆန်း၊ တိုယိုတာ၊ ကိုရီးယား နိုင်ငံမှ ဟွန်ဒိုင်း၊ ကေအိုင်အေအစရှိသော ကမ္ဘာကျော်ကားကုမ္ပဏီ များက ရန်ကုန်တွင် အရောင်းပြ ခန်းများ လာရောက်ဖွင့်လှစ်ပြီး ဖြစ်သည်။

ထပ်မံ၍ ဘီအမ်ဒဗလျူ၊ ဟီးနိုး၊ မစ်ဆူဘီရှီ၊ ဘောက်စ်ဝက်ဂွန်စသော ကားအရောင်းပြခန်းများ လာရောက်ဖွင့်လှစ်ရန် ပြင်ဆင် နေပြီဖြစ်သည်။

7day daily  Issue No.

No.505 Thursday, September 18, 2014 မှတိုက်ရိုက်ကူးယူဖော်ပြပါသည်




Latest News

ယနေ့မနက် ဒီဇင်ဘာလ ၈ ရက်မှ စပြီး...

Container 150x150

ယနေ့မနက် ဒီဇင်ဘာလ ၈ ရက်မှ စပြီး ကမ်းနားလမ်းပေါ်ရှိမြို့ထဲ အသွား ကမ်းနားဘက်ခြမ်းတွင် ကွန်တိန်နာယာဉ်များ တန်းစီရပ်တန့်ထားသောကြောင့်...

Read more »

Consignment...

Consignment 150x150

ကားအ​ရောင်းပြခန်းများနဲ့ ကားအ​ရောင်းစင်​တာများက Consignment စနစ်ဖြင့်တင်​သွင်းထားရှိ​သောကားများ ၂၀၁၇ ဇူလိုင်​လ အထိ...

Read more »

BRT ဘတ်​စ်​ကားများကို ထိန်းချူ...

Brtcontrolroom 150x150

ရန်​ကုန်​တိုင်း​ဒေသကြီးအတွင်း ​ပြေးဆွဲ​ပေး​နေ​သော BRT အမြန်​ယာဉ်​ကားများကို ထိန်းချူ ပ်​​စောင့်ကြည့်သွားမည့် Control Room...

Read more »

ယနေ့ (၆.၁၂.၂၀၁၆) အတွက်...

Weekly price 150x150

စလစ်ဈေး အနက် - ၁၁၇ သိန်း အနီ - ၉၈ သိန်း တိုက်ကြေ - ၁၀၆ သိန်းဒေါ်လာဈေး (၁ ဒေါ်လာလျှင် ၁၃၀၆ ကျပ်) ဂျပန်ယန်းဈေး (၁၀၀ ယန်း လျှင် ၁၁၈၁.၃...

Read more »
Download Android App