ယခုတစ်ပတ်အတွက် ရန်ကုန်၊ မန္တလေးကားဈေးကွက်

ဂျပန်လေလံဈေးမြင့်တက်မှုနှင့်အတူ Wish၊ RAV4၊ Kluger ကားများ ဈေးတက်သွားခဲ့သည့် ရန်ကုန်ကားဈေးကွက်

CIF တန်ဖိုးငါးထောင်နှင့်အောက် စလစ်ကပ်ကားများအရောင်းအ၀ယ်ကောင်းလာသည့်အတွက် ထိုကားများ၏လေလံဈေးများလည်း မြင့်တက်သွားခဲ့သည်။ Free Permit ဖြင့်တင်သွင်းရသည့် ၁၃၅၀ စီစီ အောက်ကားများမှာ ၀ယ်လိုအားအနည်းငယ်ကျဆင်းနေသည့်အတွက် ဂျပန်လေလံဈေးမှာလည်း တည်ငြိမ်နေ သည်။

နယ်အကြိုက်ကားများဖြစ်သည့် ၁၉၉၇ မော်ဒယ် Prado၊ ၁၉၉၉ မော်ဒယ် Land Cruiser ကားများမှာ လည်း အရောင်းအ၀ယ်ဖြစ်နေပြီး လုပ်ငန်းသုံးကားလေးများထဲတွင်  ၆၆၀ စီစီ Suzuki Carry Truck နှင့် Hijet Carry Truck များအ၀ယ်လိုက်နေကြောင်း၊ Suzuki ၂၀၀၄ မော်ဒယ် ပါဝါ၊ အဲကွန်း ဖြစ်လျှင် ကျပ် ၅၇ သိန်းဝင်း ကျင်၊ Hijet ၂၀၀၄ မော်ဒယ် ပါဝါ၊ အဲကွန်း ဖြစ်လျှင် ကျပ်သိန်းခြောက်ဆယ်ဝန်းကျင် ပေါက်ဈေးဖြစ်နေကြောင်း သိရသည်။

သုံးဘီးယာဉ်စလစ်များကို ၂၀၀၆ မော်ဒယ်ကားများဖြစ်သည့် Honda Civit ၊ Toyota Tactis တို့နှင့် ကပ်ပြီး တင်သွင်းလာကြသဖြင့် သုံးဘီးကားများမှာ အရောင်းအ၀ယ်ကောင်းလာပြီး လိုင်စင်သတ်တမ်းမပြတ် လျှင် ကျပ် ၂၅ သိန်းဝန်းကျင်ပေးကာ ၀ယ်ယူနေကြကြောင်း စလစ်ဝယ်/ရောင်းများထံမှသိရသည်။

ယာဉ်ရောင်းဝယ်ရေးစခန်းများတွင် ညအိပ်ကားများထားရှိခွင့်မပေးသောကြောင့် ရောင်းကားများနည်း  ပါးသွားခဲ့ပြီး သီရိမင်္ဂလာနှင့် လှိုင် ယာဉ်ရောင်းဝယ်ရေးစခန်းများရှိ ၀ယ်/ရောင်းအများစုမှာ ၁၃၅၀ စီစီအောက် ကားလေးများကိုသာ အဓိကားထားရောင်းချလာကြသည်။

စက်တင်ဘာ ၁ ရက်မှစ၍ သက်တမ်းအနှစ်နှစ်ဆယ်ကားများကိုအပ်နှံခွင့်ပေးလိုက်သော်လည်း စလစ်ဈေးမှာအတက်အကျမရှိဘဲတည်ငြိမ်နေပြီးစက်မှုဇုန်ထုတ်ဂျစ်ကားများမှာလည်း အပ်နှံရန်အစီးသုံးသောင်း ၀န်းကျင်အထိ ကျန်ရှိနေသောကြောင့် စလစ်ဈေးများပြန်လည်မြင့်တက်သွားရန် အလားအလာမရှိကြောင်း ၀ယ်/ရောင်းများက သုံးသပ်ထားကြသည်။

ယခုတစ်ပတ်အတွင်း ဖြစ်ပေါ်နေသော စလစ်ဈေးများအရ စက်မှုဇုန်အမည်ပေါက်စလစ်သည် ကျပ် ၄၂ သိန်းဝင်းကျင်၊ သက်တမ်းအနှစ်နှစ်ဆယ်အမည်ပေါက်စလစ်နှင့် တက္ကဆီအမည်ပေါက် စလစ်တစ်စောင်လျှင် ကျပ် ၄၇ သိန်း၊ သုံးဘီးယာဉ်စလစ်တစ်စောင်လျှင် ကျပ် ၂၇ သိန်းဝန်းကျင်၊ ‘၁က’ အက္ခရာအမည်ပေါက်စလစ် တစ်စောင်လျှင် ကျပ် ၆၅ သိန်းဝန်းကျင် ပေါက်ဈေးရှိနေကြောင်း ဈေးကွက်အတွင်းမှသိရသည်။

 

RAV4 ၊Kluger နှင့် Mark II ရွှေငါး တို့ အလုပ်ဖြစ်တဲ့ မန္တလေးကားဈေးကွက်

        မန္တလေးမြို့ကားဈေးကွက်အတွင်း၌ စလစ်ကပ်ကားများဖြစ်သည့် RAV4 ၊Kluger နှင့် Mark II ရွှေငါး အမျိုးအစားယာဉ်များ အရောင်းအ၀ယ်ဖြစ်လျှက်ရှိကြောင်း မော်တော်ယာဉ်ရောင်းဝယ်ရေးဈေးကွက်အတွင်းမှ သိရသည်။

RAV4 ၂၀၀၁၊ ၂၀၀၂ မော်ဒယ်အမျိုးအစားကားများမှာ ကျပ် ၁၈၅ သိန်းဝင်းကျင်၊ Kluger အမျိုးအစား မှာ ကျပ်သိန်း ၂၀၀ မှ ၂၅၀ ၀န်းကျင်၊ Mark II ရွှေငါးအမျိုးအစားမှာ ကျပ်သိန်း ၁၄၀ မှ ၁၆၀ ၀န်းကျင်ဖြင့် အရောင်းအ၀ယ်ဖြစ်လျှက်ရှိသည်။

စလစ်ကပ်ကားအများစုမှာ CIF တန်ဖိုး ဒေါ်လာတစ်သောင်းခွဲအောက်ကားများ အများစုပါဝင်သဖြင့် စက်မှုဇုန်ထုတ်ဂျစ်ကားစလစ်များကို ပို၍အသုံးပြုကြသောကြောင့် စက်မှုဇုန်ဂျစ်များမှာလည်း အရောင်းအ၀ယ် ကောင်းလျက်ရှိကြောင်း သိရသည်။

မန္တလေးကားဈေးကွက်အတွင်း၌ စက်မှုဇုန်ထုတ်ဂျစ်ကားများမှာ ကျပ် ၃၇ ခွဲဝန်းကျင်ဖြင့် အရောင်းအ ၀ယ်ဖြစ်နေပြီး နယ်ဈေးကွက်အတွင်း၌ ကျပ် ၃၅ သိန်းဝင်းကျင်ဖြင့် အရောင်းအ၀ယ်ဖြစ်လျက်ရှိကြောင်းသိရ သည်။

ယာဉ်အို၊ ယာဉ်ဟောင်းအဖြစ်အပ်နှံခွင့်ပြုသည့် ‘၁က၊ ၂က’ များမှာ အခွန် ၆၀ ရာခိုင်နှုန်း လျှော့ချပေး သည့် နောက်ဆုံးမျှော်လင့်ချက်ဖြစ်သော်လည်း ဈေးကွက်အတွင်း၌ အရောင်းအ၀ယ်အေးလျက်ရှိကြောင်း ကားဝယ်/ရောင်း များထံမှသိရသည်။

မန္တလေးကားဈေးကွက်အတွင်း၌ ‘၁က’ ကားများမှာ ကျပ်သိန်း ၆၀ ၀န်းကျင်နှင့် အရောင်းအ၀ယ်ဖြစ် လျက်ရှိပြီး ‘၂က’ ကားများမှာ ကျပ် ၅၇ သိန်းဝင်းကျင်ဖြင့် အရောင်းအ၀ယ်ဖြစ်လျက်ရှိသည်။

မန္တလေးကားဈေးကွက်အတွင်း၌ သက်တမ်းအနှစ်နှစ်ဆယ်ရှိ ကားများကို တက္ကဆီတင်သွင်းမည့်သူများ သာ အဓိကစိတ်ဝင်စားမှုရှိပြီး ကျပ် ၄၅ သိန်းဝင်းကျင်ဖြင့်သာ အရောင်းအ၀ယ်ဖြစ်လျက်ရှိကြောင်းသိရသည်။

မန္တလေးမြို့သည် အထက်မြန်မာပြည်၏ ဆုံရပ်တစ်ခုဖြစ်သည့်အပြင် နိုင်ငံတကာမှလည်း စီးပွားရေးအ ရ၀င်ရောက်နေထိုင်သူ များပြားလာရာ နောက်လာမည့်ငါးနှစ်တာကာလအတွင်း မော်တော်ယာဉ်ဈေးကွက်အ လားအလာ ပိုမိုကောင်းမွန်လာနိုင်ကြောင်း ၀ါရင့် ကားဝယ်/ရောင်း တစ်ဦးကသုံးသပ်ပြသည်။

Ref: Auto Mobile Journal မှထုတ်နှုတ်တင်ပြသည်။

Latest News

ယ​နေ့ အ​ကောက်​​ခွန်​ဦးစီးဌာနတွင်​...

Revenue office 150x150

သွင်းကုန်​လိုင်​စင်​​ဖော်​ပြချက်​၊သွင်းကုန်​​ကြေငြာလွှာတွင်​​ဖော်​ပြထားသည့်အမျိူးအစား နှင့် မျက်မြင်​စစ်​​ဆေးခြင်း ကွဲလွဲတာကို Type လွဲ...

Read more »

ထရပ်​နှင့် လိုက်ထရပ်​ကားများ...

Toyota liteace 1997 150x150

ထရပ်​နှင့် လိုက်ထရပ်​ကားများ လက်​ကျန်​အင်​ဂျင်​များကို စက်​မှူဇုန်​ အဖြစ်​ထုတ်​လုပ်​မည်​ဖြစ်ရာ ရန်​ကုန်​လိုင်​စင်ဖြင့်...

Read more »

Brand name ကွဲလွဲသည့် Original Equipment...

1av1 150x150

Brand name ကွဲလွဲသည့် Original Equipment manufacture (OEM) စနစ်​ဖြင့် တင်သွင်း​သောကားများကို မတ်​လ ၁၁ ရက်​​နေ့မှစ၍ သိမ်းဆည်း...

Read more »

၂၀၁၄ မော်ဒယ်​ဖြင့် တင်​သွင်းထားသည့်ကားများကို...

Corrolla 150x150

၂၀၁၄ မော်ဒယ်​ဖြင့်တင်​သွင်းထားသည့်ကားများကို စလစ်​မကပ်​ဘဲ ကနဦးမှတ်​ပုံတင်​ပြုလုပ်​​ပေးရန်​ တင်​ပြ​တောင်းဆိုထားရှိတယ်​လို့...

Read more »

YBS စနစ်​၏ လိုအပ်​ချက်​များ...

Bus and taxi 150x150

ရန်​ကုန်​မြို့တွင်​ အများပြည်​သူစီးနင်းသွားလာ​နေသည့် အများပိုင်​ယာဉ်​လိုင်း YBS စနစ်​၏ လိုအပ်​ချက်​များ လုပ်​​ဆောင်ြ​ပီးမှသာ ​​အဌားယာဉ်​များ...

Read more »
Download Android App