မော်တော်ယာဉ်များကို LPG ဓာတ်ငွေ့သုံးစနစ် စတင်တပ်ဆင်

မြန်မာတစ်နိုင်ငံလုံးရှိ ခရီးသည် ယာဉ်များ၊ ကုန်တင်ယာဉ်များ အပါအဝင် မော်တော်ယာဉ်များကို ဒီဇင်ဘာလ ၂၅ ရက်မှစ၍ LPG ဓာတ်ငွေ့သုံးစနစ် စတင်တပ်ဆင်ပေးနေပြီ ဖြစ်ကြောင်း Powertek Engineering Group မှ စီမံမှု ဒါရိုက်တာဦး နေဝင်းက ပြောကြားသည်။

LPG-gas-O
လက်ရှိတွင် မေတ္တာလှိုင်း ယာဉ်လိုင်းမှ ယာဉ်လေးစီးကို တပ်ဆင်ပေးပြီး ဖြစ်၍ ယင်းကားများ ပြေးဆွဲနေပြီ ဖြစ်ရာ LPG ဓာတ်ငွေ့သုံးစနစ် အသုံးပြုနိုင်ရန် သင်တန်းများလည်း ပို့ချသွားမည် ဖြစ်ကြောင်း၊ LPG ဓာတ်ငွေ့ကို ၎င်းတို့ ကုမ္ပဏီက door to door စနစ်ဖြင့် ရောင်းချ ပေးသွားမည် ဖြစ်ကြောင်း ၎င်းက ဆက်လက် ပြောကြားသည်။ သက်ဆိုင်ရာ ဝန်ကြီးဌာနများနှင့် ခွင့်ပြုချက်ယူပြီး ညှိုနှိုင်းဆွေးနွေး လုပ်ဆောင်၍ အကောင်အထည် ဖော်ပါက တိုင်းဒေသကြီး အစိုးရအဖွဲ့နှင့် ယာဉ်ပိုင်ရှင်များ အတွက် အဆင်ပြေနိုင်ကြောင်း၊ လက်ရှိ CNG မှာ မော်တော်ယာဉ်များအတွက် အခက်အခဲ ရှိသဖြင့် LPG ဓာတ်ငွေ့ လုပ်ဆောင်ပါက ပိုမို ကောင်း မွန်ကြောင်း လမ်းပန်း ဆက်သွယ်ရေးဝန်ကြီး (ရန်ကုန်တိုင်းဒေသကြီး အစိုးရအဖွဲ့) ဦးအောင်ခင်က LPG ဓာတ်ငွေ့ သုံးစွဲနိုင်ရေးအတွက် ဆွေးနွေးပွဲတွင် ပြောကြားခဲ့သည်။

LPG ကို ဥရောပမှ အသုံးပြုနေကြပြီ၊ မြန်မာနိုင်ငံက အရမ်းနောက်ကျနေတယ်။ အဲဒါကြောင့် ကျွန်တော်တို့ အနေနဲ့က တိုင်းဒေသကြီး အစိုးရအဖွဲ့ကို အသိပေး တင်ပြတယ်။ သူတို့ဘက်ကလည်း အလွယ်တကူ လက်ခံတယ်။ အဲဒီအတွက် ဖိတ်ခေါ်ပေးခဲ့ပြီး အခုခရစ္စမတ်က စပြီး တပ်ဆင်ပေးနေပါပြီဟု Powertek Engineering Group မှ စီမံမှုဒါရိုက်တာ ဦးနေဝင်းက ဆိုသည်။ လက်ရှိတွင် ယင်းဓာတ်ငွေ့ကို ရောင်းချ ပေးနေသည့် ကုမ္ပဏီများမှာ IP၊ MOGE ၊ မြဝတီနှင့် ရွှေသန်လျင် ကုမ္ပဏီတို့ ဖြစ်ပြီး Powertek Engineering Group ကလည်း door to door စနစ်ဖြင့် ရောင်းချပေးသွားမည် ဖြစ်ကြောင်း ယင်းကုမ္ပဏီထံမှ စုံစမ်းသိရှိရသည်။ ရန်ကုန်မြို့၏ အမှတ် (၄) လမ်းမကြီးပေါ်ရှိ ပေ ၄၀၀ ပတ်လည် ခြံဝင်းအတွင်း ယင်း LPG စနစ်ကို တပ်ဆင်ရန် ဝန်ဆောင်မှု ပေးလျက် ရှိကြောင်း Powertek Engineering Group ထံမှ စုံစမ်းသိရှိရသည်။

 

Ref: The Voice Weekly

Latest News

ကုန်​​တင်​ယာဉ်​ကြီး...

Container1 150x150

ရန်​ကုန်​မြို့အတွင်း ကုန်​တင်​ယာဉ်​နဲ့ ကုန်​​သေတ္တာယာဉ်​များကို အချိန်​ကန့်​သတ်​သွားလာရမည်​ဖြစ်​​သော်​လည်း အ​ရေးကြီးကုန်​စည်​များ...

Read more »

ကုမ္ပဏီ လိုင်​စင်​​ဖြင့်လုပ်ငန်းသုံးကား...

Breakingnews n 150x150

ပင်လယ်ေ​​ရ​ကြောင်းမှတစ်​ဆင့်လည်း​ကောင်း ၊ နယ်​စပ်​​ဒေသများမှလည်း​ကောင်း ကုမ္ပဏီ လိုင်​စင်​​ဖြင့် ၅ တန်​နှင့်​​အောက်​လုပ်​ငန်းသုံးကားများ...

Read more »

ယာဉ်အိုယာဉ်​​ဟာင်းအပ်​နှံပြီး...

Oldcars 150x150

သက်​တမ်းနှစ် ​နှစ်​ဆယ်​ပြည့်ြ့​ပီး ယာဉ်​အိုယာဉ်​​ယောင်းအပ်​နှံပြီး အစားထိုးတင်​သွင်းသည့် စနစ်​အစား အခြားနည်းလမ်းတစ်​ခုဖြင့်...

Read more »

ယနေ့မနက် ဒီဇင်ဘာလ ၈ ရက်မှ စပြီး...

Container 150x150

ယနေ့မနက် ဒီဇင်ဘာလ ၈ ရက်မှ စပြီး ကမ်းနားလမ်းပေါ်ရှိမြို့ထဲ အသွား ကမ်းနားဘက်ခြမ်းတွင် ကွန်တိန်နာယာဉ်များ တန်းစီရပ်တန့်ထားသောကြောင့်...

Read more »
Download Android App